Posted in Bible Poems

காத்திருப்பு

Image result for Old Lady alone shadow

அவருக்கு
அவள் மேல் தீராத காதல்.

பழகிய பொழுதில்
பிழையாய் விழுந்த இழை ஒன்று
அவரை
அவளிடமிருந்து
தூரமாய் துரத்தியிருந்தது.

மன்னிக்கும் மனநிலை
அவளிடம்
மையம் கொள்ளவில்லை
எனவே
தனிமை என்னும்
தற்காப்புச் சிறைக்குள்
தவம் கிடந்தாள் அவள்.

அவன் அனுப்பிய
மன்னிப்பின் மனுக்களும்,
விருப்பத்தின் விண்ணப்பங்களும்
வாசல் சுவரில்
இடித்தே
இடிந்து போய்க் கிடந்தன.

அடிக்கின்ற வெயிலுக்கு
மடிந்து போகும்
பனித்துளிப் பிரயோகங்களல்ல
அவன்
கொடுத்துக் கொண்டிருந்தது !
தொடர் மறுப்புகளுக்கும்
வெறுத்துப் போகாத
கதவு தட்டும் காற்றை !

கடைசியில் வாசல் திறந்தது.
அவள்
தனக்கு வெளியே
கதவருகில் காத்திருந்த
காதலைக் கண்டு கொண்டபோது,
காலம்
அவளுக்கு வயது
எழுபத்து நான்கு என
எழுதிப் போனது !

இறைவனின் பொறுமையும்
இத்தகையதே !

காலம் காலமாய்
மூர்க்கத்தன வழிகளை விலக்க
தீர்க்கத்தரிசிகளை
திருந்தா மனங்களுக்கான
மருந்தாய் அனுப்பிக் கொண்டிருக்கிறார்.

கல்வாரி,
கல் மனங்களுக்கான
கடைசி அழைத்தல்.

கதவுகளைத் திறந்தால்
வெளிச்சம் காண்பீர்,
மறுதலித்தாலோ
மரணம் மட்டுமே நிரந்தரம்

Advertisements

உங்கள் கருத்தைச் சொல்லலாமே...

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s