Posted in Articles, WhatsApp

நெறிகெட்டோரின் நன்கொடைகள்

அநியாயமாய் ஈட்டியவற்றினின்று
பலியிடுவோரின் காணிக்கை
மாசுள்ளது;
நெறிகெட்டோரின் நன்கொடைகள்
ஏற்புடையவை அல்ல

சீராக் 34:18

Image result for offering church

தோப்பில் அருகருகே இரண்டு மா மரங்கள் இருக்கின்றன என்று வைத்துக் கொள்ளுங்கள். ஒன்றில் மாம்பழங்கள் கொத்துக் கொத்தாய், மிக அழகாய் தொங்குகின்றன. இன்னொன்றில் அங்கொன்றும் இங்கொன்றுமாக அதிக வசீகரமற்ற பழங்கள் தென்படுகின்றன.

நாம் என்ன செய்வோம் ? எந்த மரத்தை வியந்து பார்ப்போம் ? எந்த மரத்தைப் பாராட்டுவோம் ? நிச்சயம் அதிக பழங்களும், வசீகரமும் உள்ள பழமரத்தைத் தான் இல்லையா ? காரணம், அந்த பழங்கள் சுவையானவையா ? நல்ல உரங்களினால் உருவானவையா ? உள்ளுக்குள் புழுக்களைச் சுமப்பவையா என்பதெல்லாம் நமக்குத் தெரியாது.

வெளிப்பார்வைக்கு வசீகரமாகவும், அழகாகவும், ஏற்றுக் கொள்ளக் கூடியதாகவும் இருந்தால் நாம் சட்டென ஒத்துக் கொள்கிறோம். அதே நேரத்தில் பார்வைக்கு பரவசமூட்டவில்லையேல் நிராகரிக்கிறோம்.

உலகத்தின் பார்வைக்கும் இறைவனின் பார்வைக்குமிடையே மலைக்கும் மடுவுக்கும் இடையேயான வேறுபாடு உண்டு. இறைவனின் பார்வை மனிதனின் சிந்தனைகளை சீர்தூக்கிப் பார்க்கிறது. மனிதனோ தன் கண்களை மட்டுமே நம்புகிறான். இறைவனின் பார்வை மனிதனின் இயல்புகளை சோதித்தறிகிறது. மனிதனோ விளைச்சலில் அளவில் வியந்து நிற்கிறான்.

அதிகம் கனிகளைக் கொடுக்கிறாயா என்பதல்ல ? எத்தகைய கனிகளைக் கொடுக்கிறாய் ? எப்படிப்பட்ட சுவையில் கொடுக்கிறாய் ? எந்த சிந்தனையில் கொடுக்கிறாய் என்பதையே இறைவன் கணக்கிடுகிறார்.

அவருக்கு எண்ணிக்கை முக்கியமல்ல, எண்ணங்களே முக்கியம்.
புற அழகுமுக்கியமில்லை, மன அழகே முக்கியம்.

நாம் காணிக்கை செலுத்துவதோ, பிறருதவிப் பணிகள் செய்வதோ எந்த மனநிலையில் உருவானது என்பதை இறைவன் பார்க்கிறார். நமது காணிக்கை மாசுள்ளதாய் இருக்கிறதா ? நமது உழைப்பில் ஊழலின் நிழல் தென்படுகிறதா ? பிறரை ஏமாற்றிய ஏதேனும் பணம் நம்மிடம் இருக்கிறதா ? நியாயப்படி அரசுக்குக் கொடுக்க வேண்டியதோ, யாருக்கேனும் திருப்பித் தரவேண்டியதோ நம்மிடம் இருக்கிறதா ? சுயநலத்தின் சுருட்டல்கள் நம்மிடம் இருக்கிறதா ?

எனில் நம் காணிக்கை வாசலிலேயே நிராகரிக்கப்படும்.

நெறிகெட்ட பணம் மட்டுமல்ல, நெறிகெட்டோருடைய பணமும் இறைவனால் நிராகரிக்கப்படுகிறது என்பதே மிக முக்கியமான பாடமாகும்.

இறைப்பற்றில்லாதோரின்
காணிக்கைகளை உன்னத
இறைவன் விரும்புவதில்லை;
ஏராளமான பலி செலுத்தியதற்காக
அவர் ஒருவருடைய பாவங்களை மன்னிப்பதில்லை ( சீராக் 34:19)

தொடக்க நூலில் ஆபேலும் காயீனும் காணிக்கை செலுத்த வரும்போது இறைவன் அவர்களுடைய குணாதிசயத்தைப் பார்த்தார். அவர்கள் பலி செலுத்த வந்த நோக்கத்தைப் பார்த்தார். எனவே தான் ‘ஆபேலையும், அவன் காணிக்கையையும்’ இறைவன் ஏற்றார். ‘காயீனையும், அவன் காணிக்கையையும்’ அவர் நிராகரித்தார்.

இறைவன் காணிக்கையை நிராகரிக்கக் காரணம் காய்கறி ஏற்புடையதாய் இல்லை என்பதல்ல, பலி செலுத்தியவர் ஏற்புடையவராய் இல்லை என்பதாலேயே.

பலியாய் தன்னைத் தந்த இறைவன் நம்மை அவருக்கு ஏற்புடையவராக மாற்றுகிறார். அவருக்கு பலி செலுத்த நாம் நம்மை ஏற்புடையவர்களாய் காத்துக் கொள்வோம்

*

சேவியர்

Advertisements

4 thoughts on “நெறிகெட்டோரின் நன்கொடைகள்

  1. அருமை. சாதாரணமாக இதைப் படித்ததும் லஞ்சம் ஊழல் செய்வோரை நம் விரல்கள் சுட்டி காட்டி விட்டு நம்மை நேர்மையாளராய் காட்டிக் கொள்ள வைக்கும் சிந்த னையே மேலோங்கும். ஆனால் இது கூறும் உள்ளார்ந்த செய்தி ஒவ்வொருவரையுமே சுய ஆய்வு செய்ய வைக்கிறது.

    Like

உங்கள் கருத்தைச் சொல்லலாமே...

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s