பகிர்தல் (SKIT) Christmas Special

மாணவி : ஏண்டா… சாப்பிடலையா

மாணவன் : இல்ல.. இன்னிக்கு நான் சாப்பிடறதில்லை…

மாணவி : இண்ணிக்கு என்ன ?

மா : அ..அ..அது அமாவாசை.. இன்னிக்கு அமாவாசை… நான் அமாவாசைக்கு சாப்பிடறதில்லை

மாணவி : டேய்.. அமாவாசை முடிஞ்சு மூணு நாளாச்சு

மா : ஓ…. அ..அப்போ பௌர்ணமி.. பௌர்ணமிக்கும் சாப்ட மாட்டேன்…

மாணவி : பௌர்ணமிக்கு இன்னும் நிறைய நாள் இருக்கு

மா : அப்படியா… இ…இன்னிக்கு… செவ்வாய் இல்ல ?

மாணவி : இல்ல.. புதன்… என்னாச்சு ? சாப்பாடு எடுத்துட்டு வரலையா ? 

மா : ( மெதுவாக ) இல்ல…

மாணவி : ஏன் ? மறந்துட்டியா ?

மா : பசியை மறக்க முடியுமா ? வீட்ல சாப்பாடு இல்லை.. அதான் எடுத்துட்டு வரலை

மாணவி ( சோகமாய் ) : இதுக்கு போய் ஏன் வருத்தப்படறே.. வா.. நாம ஷேர் பண்ணுவோம்

மா : வேணாம் வேணாம்… நீ சாப்பிடு

மாணவி : பரவாயில்லப்பா.. என்ன இருக்கோ, அதை ஷேர் பண்ணுவோம்… அம்மா கொஞ்சம் நல்லாவே சமைப்பாங்க‌… பயப்படாதே…. 

மா : பட்டினி கிடக்கிறவனுக்கு பாவக்காயும், பாயாசம் மாதிரி தான்.

மாணவி : ஹி ஹி.. இனிமே டெய்லி நாம ஷேர் பண்ணி சாப்பிடலாம்… 

மா : உனக்கெதுக்கு கஷ்டம்.பரவாயில்ல… பழகிடுச்சு…. 

மாணவி : அடப்பாவி.. இது கஷ்டமா ? கஷ்டம்ன்னா என்ன தெரியுமா ? சிலுவையை சுமந்து நமக்காக ஒருத்தர் மரித்தாரே.. அது கஷ்டம்.. இதெல்லாம் என்னப்பா

மா : யூ மீன் ஜீஸஸ்

மாணவி : யா… அவரு அவரோட உடலையே பகிர்ந்து கொடுத்தாரு, நான் என் உணவை தானே பகிர்ந்து கொடுக்கிறேன். இட்ஸ் கிறிஸ்மஸ்

மா : கிறிஸ்மஸா

மாணவி : யா.. கிறிஸ்மஸ் ஈஸ் பகிர்தல்.. கடவுள் தன் மகனை நமக்கு கொடுத்தாரு… நாம இருக்கிறதை இல்லாதவங்க கூட பகிர்ந்து கொள்ளணூம்

மா ; தேங்க்யூ… இட் மீன்ஸ் எ லாட்… ஐ வில் ரிமம்பர் யுவர் ஹெல்ப்

மாணவி : நோ..நோ.. ஜஸ்ட் ரிமம்பர் கிறிஸ்மஸ்… இட்ஸ் ஷேரிங் காட்ஸ் லவ். நீயும் இப்படியே ஒரு காலத்துல அடுத்தவங்களுக்கு அன்பு காட்டு.. தேட்ஸ் இட்.

மா : யா… ஐ லைக் திஸ் கிறிஸ்மஸ்.

மரண பயம் (SKIT) Christmas Special

ந 1 : என்னடா ஆச்சு…. ஏதோ சாமியாரைப் போய் பாத்தியாம்.. தாயத்து கட்டினியாம்

ந 2 : ஆ..ஆமாடா.. 

ந 1 : இப்படி தான் போன மாசம் பள்ளிவாசல் போய்ட்டு வந்தே

ந 3 : ஆ.. ஆமா.. ஆமா.. போனேன்

ந 1 : இதுக்கு இடையில சர்ச்சுக்கு போறே…. பிரேயர் பண்றே

ந 2 : அது இல்லாம இருக்குமா.. என்ன தான் இருந்தாலும் நாம கிறிஸ்டியன்ஸ் தானே…

ந 1 : சரி. உனக்கு என்ன தான் பிரச்சனை ? உன் அம்மா சொல்றாங்க நீ நைட்ல எழும்பி எங்கயாச்சும் ஓடுவியாம்.. கத்துவியாம்.. வாட்ஸ் த ப்ராப்ளம் மேன்

ந 2 : நா.. நான் சொல்லவா.. பட் யார் கிட்டேயும் சொல்லக் கூடாது.

ந1 : சொல்லு.. யார் கிட்டேயும் சொல்ல மாட்டேன்.. ஏதாச்சும் பேய் உன்னை தொரத்தோ தொரத்துன்னு தொரத்துதா ?

ந 2 : சே..சே.. பேய் பாத்து எனக்கு பயமெல்லாம் இல்லை

ந 1 : அப்புறம் என்ன வாழ்க்கைல ஜெயிக்க மாட்டோம்ன்னு பயமா

ந 2 : நீ என்ன டி.வில வரவன் மாதிரி பேசிட்டிருக்கே…. பெரிய தன்னம்பிக்கை பேச்சாளன் மாதிரி ஹி ஹி

ந 1 : அப்போ என்ன தான் மேட்டர் சொல்லு..

ந 2 : எனக்கு ஒரு பயம் இருக்கு

ந 1 : பயமா… என்ன பயம் ?

ந 2 : ஃபியர் ஆஃப் டெத்.. மரணத்தைக் கண்டு பயம்.

ந 1 : டேய்.. அதை ஏன் இப்போ நினைக்கிறே… அதுவும் இல்லாம , மரணம் எல்லாருக்கும் பொது தான்… அதுல பயப்பட என்ன இருக்கு… 

ந 2 : அப்படி இல்லை…ஏனோ ஒரு பயம்

ந 1 : ம்ம்ம்.. இதெல்லாம் புதுசில்லடா.. இதுக்கு மெடிக்கல் வேர்ல்ட்ல தனெடோஃபோபியா ந்னு பேரு Thanatophobia

ந 2 : ஓ..இதுக்கு பேரெல்லாம் இருக்கா..

ந 1 : யா..யா… இதை டெத் ஆன்ஸ்ஸைடி ந்னு சொல்லுவாங்க… அதெல்லாம் தேவையில்லாத விஷயம்.

ந 2 : என்னென்னவோ பயம் வரும்.. ஒருவேளை சாகாம நம்மள பொதச்சிடுவாங்களோன்னு கூட பயப்படுவேன்…

ந 1 ; இதுவும் சாதாரணம் தான்.. அமெரிக்க ஜனாதிபதி ஜார்ஜ் வாஷிங்டனுக்கே அந்த பயம் இருந்துச்சு.. நான் இறந்தா மூணு நாள் பாத்து, கன்ஃபர்ம் பண்ணி புதைங்கப்பான்னு சொன்னவரு அவரு

ந 2 : ஓ..ஐம் நாட் ஏபிள் டு ஓவர் கம் த ஃபியர்

ந 1 : இதை விட்டு வெளியே வர ஒரே ஒரு வழி தான் இருக்கு..

ந 2 : என்ன வழி ?

ந 1 : நாம போற இடத்துல இயேசு நமக்காக காத்திருப்பாருங்கற நம்பிக்கை ! அது மட்டும் இருந்தா பிரச்சினையே இல்லை

ந 2 : ஓ.. அ..அப்படியா சொல்றே

ந 1 : யா.. சீ.. சின்ன வயசுல கட்டில்ல இருந்து அப்பா குதிக்க சொல்லுவாரு .. நாம் குதிப்போம்.. ஏன்னா அப்பா புடிப்பாருங்கற நம்பிக்கை.. அதே மாதிரி தான் இதுவும்

ந 2 : யா.. உண்மை தான்… அந்த நம்பிக்கை எப்படி கிடைக்கும்

ந 1 : வெரி சிம்பிள்.. இயேசுவை நம்பி, அவரை ஏற்றுக் கொள்ளணும். அவரோட வழியில நடக்கணும் அவ்ளோ தான்.

ந 2 : ஓ… நான் கிறிஸ்டியன் தான்.. பட்… யூ..நோ

ந 1 : பழையதை எல்லாம் விடுங்க.. இந்த நிமிஷம் இயேசுவை ஏத்துக்கோ.. நம்பு.. அவரு நிச்சயம் உனக்காக காத்திருப்பார்.. எங்கே போறோம்ன்னு தெளிவா தெரிஞ்சா போறதுக்கு பயம் இருக்காது.

ந 2 : யா.. தட்ஸ் வெரி ட்றூ .. ஐ வில் டு

ந 1 : தட்ஸ் சூப்பர்.. தட்ஸ் த ஜாய் ஆஃப் கிறிஸ்மஸ்.. ஹேப்பி கிறிஸ்மஸ்..

ந 2 : ஹேப்பி கிறிஸ்மஸ்

அப்பா (SKIT ) Christmas Special

ந 1 : அப்பா கண்டிப்பா மன்னிச்சுடுவாராடா ?

ந 2 ; என்ன சந்தேகம் ? அப்பாக்கள் எப்பவுமே மன்னிக்கிறவங்க தான்

ந 1 : இல்ல.. நான் ஊரை விட்டு ஓடி வந்தவன்… 

ந 2 : தெரியும்

ந 1 : ஊரை விட்டு ஓடி வந்தப்போ ஊரே அப்பாவையும், அம்மாவையும் கிண்டல் பண்ணிச்சு.. எவளையோ இழுத்துட்டு ஓடிட்டான்னு.. ஊர்ல நிமிந்து நின்ன அப்பா கூனிக் குறுகிட்டாரு..

ந 2 : ம்ம்.. சொல்லியிருக்கே..

ந 1 : வரும்போ.. தங்கச்சி கல்யாணத்துக்காக அம்மா சேத்து வெச்சிருந்த நகையை எல்லாம் எடுத்துட்டு ஓடினேன்.. கல்யாணமே நின்னு போயிருக்கும்…. 

ந 2 : ம்ம்… அதையும் சொல்லியிருக்கே

ந 1 : இப்போ எல்லாமே இழந்து நிக்கறேன் ( உன்னால தான் தங்குறதுக்காச்சும் ஒரு இடம் இருக்கு ) .. இந்த நிலமைல போனா அவரு ஏத்துப்பாருன்னா நினைக்கிறே…

ந 2 : கண்டிப்பாடா.. எல்லா பொருளையும் விட அன்பு உயர்ந்தது

ந 1 : சினிமால பாக்கற மாதிரி பெரிய ஆள் ஆகி, பெரிய கார்ல போய் இறங்கி கட்டுக்கட்டா பணத்தை அப்பாக்கு குடுக்கணும்ன்னு நினைச்சேண்டா

ந 2 : சினிமா எப்பவும் கனவு தாண்டா தரும்.. நிஜம் அவளோ ஈசி இல்லை

ந 1 : ஹீரோவா போக நினைச்சவன், சீரோவா போறதுக்கு பேசாம…

ந 2 : டேய்.. லூசு மாதிரி பேசாதே… உனக்கு கெட்ட குமாரன் கதை தெரியும் தானே… அப்பாவோட சொத்தையெல்லாம் வித்து, இழந்து ஒரு வேலைக்காரனா ஏத்துப்பீங்களான்னு கேட்டு வந்தான். அப்பா என்ன செய்தாரு ? எல்லாத்துலயும் பெஸ்டை குடுத்து அவனை ஏத்துகிட்டாரு

ந 1 : அதெல்லாம் பைபிள் கதைடா

ந 2: இயேசு அப்படி தானேடா… நாம மன்னிக்கவே முடியாத பாவம் செஞ்சிருக்கோம்.. ஆனா அவரு மன்னிச்சு ஏத்துக்கலையா

ந 1 : நீ சொல்லும்போ ஆறுதலா தான் இருக்கு

ந 2 : திருந்தி வரணும், திரும்பி வரணும்ன்னு தாண்டா.. எல்ல அப்பாவும், இயேசப்பாவும் விரும்புவாங்க… நீ கடவுள் கிட்டே மன்னிப்பு கேட்டு உன் அப்பா கிட்டே போடா…

ந 1 : எனக்கென்னவோ தைரியமே வரலைடா…

ந 2 : அப்போ உன் அப்பா நம்பரையோ,அட்றசையோ எனக்கு குடு. அதையும் தரமாட்டேங்கறே

ந 1 : இல்லடா.. ஐ..மீன்.. எனக்கு… 

ந 2 : ஒண்ணும் யோசிக்காதே.. இட்ஸ் கிறிஸ்மஸ் சீசன்.. நம்மளோட பாவத்தின் அளவைப் பாத்து இயேசு நம்மை ஏத்துக்கல, அவரோட அன்பின் அளவை வெச்சு தான் நம்மை ஏத்துக்கறாரு..

ந 1 : சோ… என்ன சொல்ல வரே

ந 2 : நீ உன் பக்கத்துல இருந்து எல்லாத்தையும் பாக்கறதை நிறுத்திட்டு.. உன் அப்பா பக்கத்துல இருந்து பாக்க ஆரம்பி…. அப்போ தான் உனக்கு எல்லாம் புரியும்

ந 1 : ம்ம்.. நான் அப்படி யோசிச்சதே இல்லடா… லெட் மி திங்க்..

( சற்று நேரத்துக்குப் பின் இருட்டு…. )

போன் : ஹலோ…. அஅ…அப்பா….

அப்பா : டேய்.. மகனே எங்கடா இருக்கே.. நல்லா இருக்கியா..ஒண்ணும் பிரச்சினை இல்லையே… ஏதாச்சும் பணம் தேவைப்படுதா… வசதியா இருக்கியா…. எங்கே இருக்கேன்னு சொல்லுப்பா.. நான் உடனே வரேன்… நீ ..நீ இங்க வரவேண்டாம் பிரச்சினை இல்ல.. உன்னை ஒரு தடவை வந்து பாத்துக்கறேன்..

போன் : அப்பா… ( பையன் விசும்புகிறான் )

பின் குரல் : என்னிடம் வருபவர்களை புறம்பே தள்ளிவிடுவதில்லை என்கிறார் இயேசு

போலிகள் (SKIT ) Christmas Special

ந 1 : ஹலோ… ஈஸ் திஸ் விக்டர்

ந 2 : யெஸ்..

ந 1 : வாவ்.. உங்களுக்கு ஒரு சர்ப்ரைஸ் நியூஸ் இருக்கு சார்

ந 2 : சொல்லுங்க நீங்க யாரு ?

ந 1 : நீங்க போன வாரம் ஃபரூஸில சாப்டீங்க இல்லையா 

ந 2 : ஆமா

ந 1 : அங்கே லாஸ்ட் சிக்ஸ் மந்த்ஸ் சாப்பிட்டு பில் பே பண்ணீன எல்லாரோட டீட்டெயில்ஸையும் போட்டு குலுக்கி எடுத்தாங்க.. அதுல நீங்க வின் பண்ணிட்டீங்க‌

ந 2 : ஓ.. ரியலி

ந 1 : எஸ்..எஸ்…. சோ உங்களுக்கு 14 டேஸ் ஹாலிடே பிளான் ஒன்னு கிடைக்கும். இலவசமா…. நீங்க ஃபேமிலியோட‌ ஐரோப்பா புல்லா போயிட்டு  வரலாம்… பாஸ்போர்ட் இருக்கா சார்

ந 2 : இருக்கு … இருக்கு… நான் என்ன பண்ணணும்

ந 1 : உங்க‌ வீட்ல எத்தனை பேரு சார்

ந 2 : நாலு பேரு

ந 1 : நாலு பேருன்னா…4 x 9 … டோட்டலா 36 லேக்ஸ் வருது.. அதை ஃபரூஸி பே பண்ணிடும்.. உங்களுக்கு பிரச்சினை இல்லை ..

ந 2 : ஓ.. தட்ஸ் இம்ப்ரசிவ் 

ந 1 : நீங்க உங்களோட பாஸ்போர்ட் காப்பி அனுப்புங்க.. அப்புறம் இந்த டிரவால் புராசசிங்.. லீகல்.. விசா இதுக்கெல்லாம் மட்டும் 35 தவுசன்ட் / பர்சன் கட்டணும். 1.4 இலட்சம் மட்டும் நான் சொல்ற பேங்க் அக்கவுண்ட்க்கு கட்டுங்க. மத்த 36 இலட்சம் கம்பெனி பாத்துக்கும்…

ந 2 : ஓ.. சூப்பர்.. நான் ஒண்ணு சொல்லவா ? 

ந 1 : கண்டிப்பா சார்… 

ந 2 : நீங்க யூக்கே போயிருக்கீங்களா ? 

ந 1 : இல்ல சார்

ந 2 : வீட்ல 

ந 1 : இல்ல சார்…

ந 2 : அப்போ நீங்க உங்க ஃபேமிலியோட போயிட்டு வாங்களேன்… 36 இலட்சம் டூர் யாருக்கும் கிடைக்காது இல்லையா ?

ந 1 : சா..சார்.

ந 2 : எதுக்கும்மா இப்படி ஒரு ஏமாத்து வேலை ? போலி போதகர்கள் மாதிரி 

ந 1 : போலி போதகர்களா .. .. விருப்பம் இல்லேன்னா ..நான் போனை வைக்கிறேன்

ந 2 : போனை வெச்சா, அடுத்த செகண்ட் போலீஸை கூப்பிடுவேன்… 

ந 1 : நான் போலிப் போதகர் கிடையாது.. அப்படின்னா என்னன்னே தெரியாது… 

ந 2 : ஆமா.. ஸீ.. இயேசு உலகத்துக்கு வந்து மக்களை சொர்க்கத்துக்கு கூட்டிட்டு போக நினைச்சாரு.. ஆனா போதகர்கள் அவங்களுக்கு உலக செல்வத்தைக் காட்டி மயக்கறாங்க‌.. அதான் போலிப் போதகர்… .

ந 1 : புரியல சார்.

ந 2 : நீங்க சொல்றீங்க இல்லையா ? போலியா ஒரு பெரிய நம்பிக்கை குடுக்கறீங்க இல்லையா ? இது ஒரு ஏமாற்று தானே.. அது எனக்கு தெரியும்.. உங்களுக்கும் தெரியும்.. 

ந 1 : சார்.. ஸீ… நான் ஒரு எம்ப்ளாயி சார்.. என் கிட்டே சொல்றதை செய்வேன் சார்.

ந 2 : எஸ்.. போலி போதகர்களும் அப்படி தான். பணத்துக்காக மக்களை திசை திருப்பறாங்க. தெரிஞ்சே பண்றது பெரிய பாவம்… 

ந 1 : சாரி சார்.

ந 2 : என் கிட்டே ஏன் சாரி சொல்றீங்க.. ஆஸ்க் ஃபர்கிவ்னெஸ் டு காட்.. கடவுள் கிட்டே மன்னிப்பு கேட்டு இந்த வேலையை விடுங்க… உலக சம்பளத்துக்காக நிலை வாழ்வை இழந்துடாதீங்க‌

ந 1 : ஆங். அது.. ஓ.. ஓக்கே சார்..

ந 2 : இட்ஸ் த மெசேஜ் ஆஃப் கிறிஸ்மஸ்.. நிலை வாழ்வை நோக்கிய பயணம். அதுக்கு நாம போகவேண்டியது தான் பெத்லேஹேம் நோக்கிய பயணம். 

ந 1 : சார்.. கொஞ்சம் விளக்கமா சொல்லுங்க சார்.. ஐ ஃபீல் கில்ட்டி

ந 2: சொல்றேன்… கடவுள் உங்களை நேசிக்கிறார்.. உங்களுக்காக அவர் வந்தார் அதான் கிறிஸ்மஸ்.. ஒரு இரண்டாயிரம் வருஷத்துக்கு முன்னாடி

அடையாளக் கிறிஸ்தவர்கள் (SKIT) Christmas Special

ந 1 : ஹாய்… பிரைஸ் த லார்ட் பிரதர்… 

ந 2 : பிரைஸ் த லார்ட்..

ந 1 : ஓ.. நீங்களும் கிறிஸ்டியன் தானா ? 

ந 2 : ஆமா .. ஆமா… 

ந 1 : நீங்க.. கேத்தலிக்கா… நான் கேத்தலிக்கா

ந 2 : கேத்தலிக் இல்லை… ஏன் ? 

ந 1 : ஓ.. சூப்பர் சூப்பர்… புராட்டஸ்டன்டா.. சி.எஸ்.ஐ ஆ… இல்ல.. பிரைவெட்டா

ந 2 : பிரைவெட் தான் பிரதர்

ந 1 : ஓ.. வெரி குட் வெரிகுட்.. நீங்க ஆவிக்குரிய சபையா ? சாதாரண சபையா ?

ந 2 : புரியலை பிரதர்

ந 1 : நீங்க பெந்தே கோஸ்தா ? இல்லையான்னு கேட்டேன்

ந 2 : இல்ல்லை இல்லை.. பெந்த கோஸ்தே இல்லை.. 

ந 1 : யா.. டிரஸ் பாத்தே கண்டுபிடிச்சேன்.. அப்போ நீங்க யகோவாவை வழிபடறவங்களா ? இயேசுவையா ?

ந 2 இயேசுவை தான்.. 

ந 1 : ஓ..வாவ்.. கிரேட் கிரேட்… ஊரெங்க பிரதர்

ந 2 : நாகர்கோவில் பக்கம்

ந 1 : ஓ.. ஓக்கே.. அண்ணாச்சிங்க வாழற ஏரியாவா ? கடப்புறமா ?

ந 2 : பிரதர்.. உங்களுக்கு இப்போ என்ன வேணும் ? நான் என்ன சாதி என்ன பிரிவு ந்னு தெரியணுமா ?

ந 1 : அ..அப்படி இல்ல பிரதர்.. நீங்க இரட்சிக்கப் பட்டீங்களான்னு தெரிஞ்சுக்க தான் கேட்டேன்

ந 2 : என்ன ஜாதின்னா நான் இரட்சிக்கப்படுவேன் ? எந்த குரூப்ல இருந்தா எனக்கு ஹெவனுக்கு என்ட்ரி கார்ட் கிடைக்கும் ?

ந 1 : ஏன் பிரதர் கோச்சுக்கறீங்க… 

ந 2 : பின்ன என்ன பிரதர்.. ? இயேசு யார் கிட்டேயாச்சும் சாதி என்ன, மதம் என்ன, பிரிவென்ன, லொட்டு லொசுக்கு எல்லாம் கேட்டாரா ? மக்களோட குணங்களைப் பாப்பீங்களா குலங்களைப் பாப்பீங்களா ?

ந 1 : ஓக்கே.. ஓக்கே பிரதர்.. நீங்க யாருன்னு தெரிஞ்சு போச்சு.. குழப்பவாதி…

ந 2 : நான் குடில்ல பிறந்த இயேசுவை, மனசுல பிறக்க வைக்கிறவன். அதுக்கு கேத்தலிக்கா, பெந்தகோஸ்தான்னு அடையாளமே தேவையில்லை.

ந 1 : பிரதர்.. அப்படி சொல்லாதீங்க.. எல்லா சபையிலயும் இரட்சிப்பு கிடையாது.

ந 2 : பிரதர்.. இறுதித்தீர்வை நாள்ல இயேசு மக்கள் கிட்டே நீ கேத்தலிக்கா, பெந்தேகோஸ்தா, நாடாரா, ந்னு கேட்டாரா ? இல்லை ஏழைகளுக்கு உதவினியான்னு கேட்டாரா ?

ந 1 : ஏ..ஏழைகள், நோயாளிகள், சிறைவாசிகள் பற்றி மட்டும் தான் கேட்டாரு

ந2 : அப்போ போய் அதை பண்ணுங்க… டேன்ஸ் ஆடு, ஆடாதே, அதை பண்ணு இதை பண்ணாதேன்னு குத்தம் சொல்லாம கிறிஸ்துவுக்கு பிரியமா வாழப் பாருங்க..

ந1 : சாரி பிரதர்.. 

ந 2 : நாம இயேசுவை மனசுல பிறக்க வைச்சு, அவரோட போதனைகளை செயல்ல காட்டி கனிகொடுக்கும் வாழ்க்கை வாழணும். அதான் விஷயம். மத்ததெல்லாம் செக்கண்டரி தான். தட்ஸ் த மெசேஜ் ஆஃப் கிறிஸ்மஸ்

ந 1 : ஷுவர் பிரதர். காட் இட்.. நான் தெளிவடஞ்சுட்டேன்.. ஹேப்பி கிறிஸ்மஸ்.

ந 2 : ஹேப்பி கிறிஸ்மஸ்>. சாரி.. கொஞ்சம் ஹார்ஷா பேசிட்டேன் மன்னிச்சுடுங்க… வாங்க டீ சாப்பிடுவோம்.