Posted in Articles, Sunday School

SKIT – சுயநலம்

சுயநலம்

காட்சி 1

( சிறையில் ஒரு கைதியைச் சென்று பார்க்கிறார், சிறை ஊழியம் செய்யும் ஒருவர் ) 

ஊழியர் : ஐயா வணக்கம், 

கைதி : ( கடுப்பாக ) நீங்க யாரு  ? எனக்குத் தெரியாதே ?

ஊழியர் : உங்களை எனக்கும் தெரியாது. சும்மா உங்களைப் பாத்து பேசிட்டு போலாம்ன்னு வந்தேன்

கைதி : என்னைப் பாக்க எனக்குத் தெரிஞ்சவங்களே வரல, நீங்க யாரு ? உங்களைப் பாத்ததே இல்லையே ?

ஊழியர் : நான் சிறையிலிருக்கிற மக்கள் கூட பேசி அவங்களுக்கு ஆறுதல் சொல்ற ஒரு பணியைச் செய்றவன்

கைதி : இப்படியெல்லாம் ஒரு வேலையா.. ம்ம்ம்.. இது எந்த கம்பெனி ? எவ்ளோ ரூபா சம்பளம் ?

ஊழியர் : இதுக்கு சம்பளம் ஏதும் இல்லை, இது கடவுளோட பணி. அவரோட விருப்பம் இது. 

கைதி : சம்பளம் இல்லையா ? அப்புறம் எதுக்கு இப்படி அலையறீங்க ? ஆதாயம் இல்லாம எவனாவது ஆத்தோட போவானா ?

ஊழியர் : ஆதாயம்ங்கறது நான் உங்களுக்கு தரப் போறது தான். 

கைதி : வாவ்.. எனக்கு ஏதோ தரப்போறீங்களா ? அதை மொதல்லயே சொல்ல வேண்டியது தானே.. குடுங்க குடுங்க. 

ஊழியர் : அது கண்ணுக்குத் தெரியறது இல்லை, அதுக்கு பேரு கடவுளோட அன்பு.

கைதி : உங்க பேச்சே சரியில்லை, உங்களுக்கு என்ன தான் வேணும் ? நானே என்னோட வருமானம் எல்லாத்தையும் இழந்து ஜெயில்ல கஷ்டப்படறேன். நீங்க வந்து டிஸ்டர்ப் பண்ணாதீங்க.

ஊழியர் : இயேசு உங்களை நேசிக்கிறார். அந்த உண்மையைச் சொல்லத் தான் நான் வந்தேன்.

கைதி : இயேசுவா ? 

ஊழியர் : ஆமா, நமக்காக உயிரை விட்ட கடவுள். அவரைப் பற்றி பேசிட்டு, இந்த பைபிளை உங்களுக்குத் தந்துட்டுப் போலாம்ன்னு வந்தேன். நீங்க ஃபிரீயா இருக்கும்போ படிக்கலாம். 

கைதி : ஓ.. வெறும் பேச்சும், பைபிளுமா…. எனக்கு அதுக்கெல்லாம் டைம் இல்லை. 

ஊழியர் : நானே உங்களுக்கு கொஞ்சம் வாசித்துக் காட்டலாமா ? இயேசு உங்களை எவ்ளோ நேசிக்கிறாருன்னு உங்களுக்குப் புரியும். 

கைதி : ஹா..ஹா… அன்பா ? நான் ஜெயில்ல வந்து பல மாசம் ஆச்சு. யாரும் வந்து பாக்கல. என் அம்மா கூட என்னை இப்போ நேசிக்க மாட்டாங்க. இதுல போய் நேசிக்கிறேன், வாசிக்கிறேன்ன்னு….

ஊழியர் : தாய் மறந்தாலும் மறவாத தெய்வம் தான் இயேசு. ஆமா, உங்க அம்மா எங்க இருக்காங்க. எப்படி இருக்காங்க, நான் போய் அவங்க கிட்டே பேசவா ? 

கைதி : வேண்டாம். நான் அவங்களுக்குப் பண்ணின கொடுமை அவ்ளோ பெருசு. 

ஊழியர் : உங்களுக்கு ஆட்சேபனை இல்லேன்னா நீங்க அதைச் சொல்றீங்களா ?

கைதி : சொல்லி என்னத்த ஆவப் போவுது…. ம்ம்ம்…

காட்சி 2

( அம்மாவும், பையனும் )

அம்மா : ஏன்பா இப்படிப் பேசறே.. உனக்கு இங்கே என்ன குறை. உன்னை என்னோட உயிரா பாத்துக்கறேன்ல, இப்போ என்ன அவசரம்.

பையன் : அம்மா… எதுக்கு இந்த தேவையில்லாத பேச்செல்லாம். உங்களுக்கும் வயசாகுது.. எனக்கும் வயசாகுது. நான் என்னோட வேலையைப் பாக்கணும். அதுக்கு நிறைய பணம் தேவைப்படுது. 

அம்மா : எவ்ளோ வேணும் சொல்லு, தரேன்.

பையன் : அம்மா.. எல்லாத்துக்கும் உங்க கிட்டே வந்து நிக்க முடியாது. நீங்க ஆயிரத்தெட்டு கேள்வி கேப்பீங்க. எதுக்கு அதெல்லாம். பத்திரம் போட்டுக் கொண்டு வந்திருக்கேன். எல்லாத்துலயும் சைன் பண்ணி குடுத்தீங்கன்னா போதும்.

அம்மா : எல்லாத்தையும் உனக்கு குடுத்துட்டு நான் என்ன பண்ண டா ?

பையன் : உங்களுக்கு மறைமலை நகர் பக்கத்துல ஒரு எல்டர்ஸ் ஹவுஸ் பாத்திருக்கேன். மாசம் 15 ஆயிரம் வாடகை, அதை நான் குடுத்திடுவேன். உங்களுக்கு எல்லா வசதியும் அங்க கிடைக்கும்.

அம்மா : வயசான காலத்துல உன் கூட இருக்காம எனக்கு என்னடா வாழ்க்கை ? பிள்ளைங்க கூட இருக்கிறது தானே பெற்றோருக்கு சந்தோசம். 

பையன் : அம்மா.. எனக்கு என்னோட பிசினஸ், என்னோட வாழ்க்கை, என்னோட வளர்ச்சி எல்லாம் தான் முக்கியம். அதுக்கு நீங்க ஹெல்ப் பண்ணலேன்னா அப்புறம் எனக்கு உங்களால என்ன யூஸ் ?

அம்மா : என்னடா இப்படியெல்லாம் பேசறே ? சரி, எல்லாம் உன் பேருக்கு தந்துடறேன். நான் இங்கே இருக்கேன். நாம வழக்கம் போல சேர்ந்தே இருக்கலாம். 

பையன் :  என்னம்மா சும்மா தொண தொணண்ணு…. அதெல்லாம் தேவையில்லை. எனக்கு நிறைய பிஸினஸ் ஐடியாஸ் இருக்கு. நீங்க இங்கே இருந்தா அதெல்லாம் சரியா வராது. அதனால, நீங்க  கிளம்பறது தான் சரி.

அம்மா : என்னப்பா … உன்னை அப்படியா வளத்தேன். உன்னை பொத்திப் பொத்தி வளத்தேன்… நீ பெரிய ஆளாகணும்ன்னு தானே நினைச்சேன். 

பையன் : எஸ்… அதனால தான் நான் பெரிய ஆளாக நினைக்கிறேன். இப்போ சைன் பண்றீங்களா ? இல்லையா ? சைன் பண்ணலேன்னா, இன்னில இருந்து நான் உங்க பையன் இல்லை. அதை மட்டும் தெரிஞ்சு கோங்க. 

அம்மா : சரிடா.. நீ என்ன சொல்றியோ அப்படி பண்றேன். நீ நல்லா இருக்கணும். அதான் எனக்கு முக்கியம். 

பையன் : சரி, ஓவர் செண்டிமெண்ட் வேண்டாம். சைன் பண்ணுங்க, நான் உங்களை அந்த இல்லத்துக்கு கொண்டு விடறேன். 

( அம்மா சைன் பண்ணுகிறார் ) பையன் சந்தோசமாய் சிரிக்கிறான்

காட்சி 3

( ஜெயில் .. தொடர்ச்சி )

கைதி : அப்படி அம்மா கிட்டேயிருந்து எல்லாத்தையும் புடுங்கிட்டு, அவங்களை முதியோர் இல்லத்துல கொண்டு போட்டுட்டேன்.

ஊழியர் : நான் அவங்களைப் போய் பாக்கவா ? 

கைதி : அதெல்லாம் தேவையில்லை. 

ஊழியர் : அதுக்காகவா உங்களை ஜெயில்ல போட்டாங்க. அம்மா கம்ப்ளெயிண்ட் குடுத்தாங்களா ?

கைதி : நோ.. அது வேற கதை. 

ஊழியர் : அதென்னது ?

( போலீஸ் : அம்மா.. டைம் ஆச்சு.. நீங்க கிளம்பலாம்…  இதுக்கு மேல இங்க இருக்க முடியாது )

ஊழியர் : சரி சார். ( கைதியிடம் ) ஐயா.. நீங்க இந்த பைபிளை படிங்க. உங்களுக்காக செபிக்கிறேன். அடுத்த தடவை வரும்போ பேசறேன்.

( பைபிளைக் கொடுக்கிறார் )

( கைதி பைபிளை வாங்கி ஓரமாய் வைக்கிறார் )

( இரவில் அதை படிக்கிறார் )

காட்சி 4

( ஜெயில் . ஊழியர் மீண்டும் வருகிறார் )

ஊழியர் : ஐயா எப்படி இருக்கீங்க ? நல்லா இருக்கீங்களா ? பாக்க கொஞ்சம் டல்லா தெரியறீங்க 

கைதி : நல்லா இருக்கேன்.. வாங்க… 

ஊழியர் : பைபிளை படிச்சீங்களா ஐயா ? டைம் கிடைச்சுதா ? நான் உங்களுக்காக டெய்லி பிரேயர் பண்ணிட்டே இருக்கேன். 

கைதி : ( அமைதியாக இருக்கிறார் …  )

ஊழியர் : நீங்க ஜெயிலுக்கு வந்த கதையைச் சொல்றேன்னு சொன்னீங்க..

கைதி : ( அமைதியாக இருக்கிறார் )

ஊழியர் : ஏதோ மன வருத்தத்துல இருக்கீங்கன்னு நினைக்கிறேன்.. நான் ஒரு ப்ரே பண்ணிக்கலாமா

கைதி : ம்ம்ம் ( தலையை ஆட்டுகிறார் )

ஊழியர் : அன்பின் விண்ணக தந்தையே.. இந்த நேரத்துக்காக நன்றி. இந்த சகோதரனை நீர் அன்பு செய்வதற்காக நன்றி. அவரை நீர் விரைவிலேயே உமது மகனாக மாற்றி உலகில் நடமாட விடப் போவதற்காக நன்றி…. ( அமைதியான இசை… )

ஊழியர் : நான் கிளம்பட்டுமாய்யா… நீங்க முடிஞ்சா அந்த பைபிளை மட்டும் மறக்காம படிங்க. 

கைதி : கொஞ்சம் இருங்க… நான்.. ஜெயிலுக்கு வந்த கதையைச் சொல்றேன். 

ஊழியர் : கண்டிப்பாய்யா.. சொல்லுங்க.

கைதி ( சொல்கிறார் )

காட்சி 5 

( இரவு நேரம். ஆள்நடமாட்டம் இல்லாத சாலையில் ஒருவர் பெரிய பையுடன் நடக்கிறார் , அப்போது  கைதி வருகிறார் )

கைதி : மரியாதையா கையில இருக்கிற பொட்டியை கீழே வெச்சுட்டு திரும்பிப் பாக்காம போயிடுங்க. இல்லே.. குத்திடுவேன். 

நபர் : சார்.. சார்.. பிளீஸ்.. விட்டுடுங்க. இதுல ஒண்ணுமே இல்லை, என்னோட பழைய துணி தான் இருக்கு.

கைதி : ஹா.ஹா.. உங்க பொண்ணு மேல்படிப்புக்காக நீங்க பணம் புரட்டிட்டு வரீங்கன்னு தெரியும். காலைல இருந்தே உங்களை மானிட்டர் பண்றேன்.

நபர் : பிளீஸ்.. என்னை விட்டிடு.. இந்த பணம் இல்லேன்னா… என் பொண்ணு படிப்பே கெட்டுப் போயிடும்.  

கைதி : யோவ்.. உன் பொண்ணு படிப்பு நின்னா என்னக்கென்ன, ஓடினா எனக்கென்ன, எனக்குத் தேவை பணம்…. 

நபர் : பிளீஸ் .. கொஞ்சம் அடுத்தவங்களை நினைச்சு பாரு

கைதி : ஹா..ஹா. எனக்கு அடுத்தவங்களைப் பற்றி பேசவோ, பாக்கவோ நோ டைம்.. நான் பிஸி இன் மை வர்க்.. மேன்… 

நபர் : நோ.. நான் இதை தரமாட்டேன்… இது என்னோட வாழ்நாள் சேமிப்பு

கைதி : ஹா..ஹா… என்னைப் பற்றி உனக்கு தெரியாது…. என்னோட தேவைக்காக யாரை வேணும்ன்னாலும் காலி பண்ணுவேன்.

நபர் : ( ஓடப் பார்க்கிறார் . கைதி தாக்குகிறார். கத்தியால் குத்திவிட்டு பணத்தை எடுத்துக் கொண்டு ஓடுகிறார் )

காட்சி 6 

( ஜெயில் ) 

கைதி : அந்த கத்திக் குத்துல தான் நான் மாட்டிகிட்டேன். அங்க நடந்ததையெல்லாம் எவனோ ஒருத்தன் செல்போன்ல வீடியோ எடுத்து சோசியல் மீடியால போட்டுட்டான்… போலீஸ் பாத்துட்டாங்க..  வந்து என் சொத்தையெல்லாம் சீஸ் பண்ணி, என்னை ஜெயில்ல போட்டாங்க. 

ஊழியர் : ம்ம்ம்.. குத்துப் பட்டவரு என்ன ஆனாரு ?

கைதி : தெரியல, அவரு இறந்துட்டா எனக்கு தண்டனை கடுமையா இருக்கும்ன்னு தெரியும். முதல் முதலா அடுத்தவன் நல்லா இருக்கணும்ன்னு நினைக்கிறேன். அது கூட நான் தப்பணுங்கற சுயநலம் தான். 

ஊழியர் : ம்ம்… மனுஷனோட இயல்பே சுயநலம் தான். அதை மாற்றி பிறருக்காக வாழ கத்துக்கணும். அதுக்கு தான் இயேசு நமக்கு இருக்காரு. பிறருக்காக தன்னோட உயிரையே குடுத்தவரு. 

கைதி : ம்ம்ம்… ஆனாலும்…. நான் சுயநலமா இருக்கிறது காரணம் நான் மட்டும் இல்லை.. இந்த சொசையிட்டி தான். 

ஊழியர் : ஏன் அப்படி சொல்றீங்க ?

கைதி : சின்ன வயசுல, இரண்டு துண்டு கேக் இருந்தா அதுல பெருசை எடுப்பேன். யாரும் தப்புன்னு சொல்லல.  இரண்டு பொம்மை இருந்தா அதுல நல்லதை நான் எடுப்பேன், அடுத்தவங்களை நினைச்சதில்லை. அதை யாரும் தப்புன்னு சொல்லல.

கைதி : ஸ்கூல்ல போகும்போ அடுத்தவனை விட நல்ல துணி எனக்கு இருக்கணும்ன்னு நினைப்பேன். அடுத்தவனை விட எல்லாத்துலயும் நான் மட்டும் ஸ்பெஷலா இருக்கணும்ன்னு நினைப்பேன். எனக்கு நல்ல கார் இருக்கணும்ன்னு நினைப்பேன். எனக்கு நல்ல வேலை இருக்கணும்ன்னு நினைப்பேன். எப்பவுமே “நான், நான் நான்” இப்படி தான் நினைப்பேன். அதை யாருமே தப்புன்னு சொல்லல. அவனை விட மார்க்கு, அவனை விட பிரைஸ் எல்லாம் வேணும்ன்னு சொல்லுவாங்க… எனக்கு எனக்கு எனக்கு .. அப்படி தான் சொல்லி தந்தாங்க… 

கைதி : அப்படி தான் சுயநலம் எனக்குள்ள வேரோடிப் போச்சு, அப்புறம் அதை மாத்த முடியல.

ஊழியர் : உண்மை தான். மனுஷனோட இயல்பு சுயநலம் தான்… அப்படிப்பட்ட மனசை மாற்றணும்ன்னா இயேசுவால தான் முடியும். அவரோட வாழ்க்கையை பாத்தோம்ன்னா அவரு வாழ்க்கை முழுசும் பிறருக்காக தான் வாழ்ந்தாரு. கடவுளோட மகனா இருந்தவரு, தச்சனோட மகனா பூமியில பிறந்தாரு..

கைதி : நான்.. பைபிளை படிச்சேம்மா.. முதல்ல படிக்காம இருந்தேன். அப்புறம்.. கொஞ்சம் கொஞ்சமா படிக்க ஆரம்பிச்சேன். முழுசா படிச்சுட்டேன். நான் பண்ணினது எல்லாமே தப்புன்னு எனக்குத் தெரியுது. 

ஊழியர் : பிரைஸ் த லார்ட்.

கைதி : என் பாவத்துக்காக நான் கடவுள் கிட்டே மன்னிப்பும் கேட்டுட்டேன். 

ஊழியர் : கவலைப்படாதீங்க… நீங்க குத்தின ஆளு எப்படி இருக்காருன்னு நான் போய் விசாரிச்சு வந்து சொல்றேன். கண்டிப்பா அவரு நல்லா தான் இருப்பாரு, கவலைப்படாதீங்க. 

கைதி : ரொம்ப நன்றி. நான் ஒருவேளை வெளியே வந்தேன்னா, ரெண்டு விஷயங்களை நான் உடனே பண்ணணும். அதுக்காகவாச்சும் நான் வெளியே வரணும். 

ஊழியர் : அதென்ன ரெண்டுவிஷயம் ?

கைதி : முதல்ல அம்மா கால்ல விழுந்து மன்னிப்பு கேட்டு அவங்களை வீட்டுக்கு கூட்டிட்டு வரணும். ரெண்டாவது அந்த குத்துபட்ட மனுஷன் கிட்டே போய் மன்னிப்பு கேட்டு அவருக்கு என்ன உதவி வேணுமோ செய்யணும்.

ஊழியர் : பிரைஸ் த லார்ட். உண்மையான மனமாற்றம் இது தான். கடவுள் கிட்டேயும், பாதிக்கப்பட்டவங்க கிட்டேயும் மன்னிப்பு கேக்கறது தான் சரியான வழி. 

கைதி : பிளீஸ் ப்ரே பார் மி… நான் சுயநல வழியை விட்டு புதிய மனுஷனா வாழ விரும்பறேன்.

ஊழியர் : கண்டிப்பா, லெட்ஸ் ப்ரே… நான் போயிட்டு வரேன். 

( ஊழியர் விடை பெறுகிறார் )

*

காட்சி 7

( ஊழியரும், அவருடைய தந்தையும் )

அப்பா : என்னம்மா, யோசனை பலமா இருக்கு ! இன்னிக்கு ஜெயில் மினிஸ்றி எப்படி போச்சு ?

ஊழியர் : நல்லா போச்சுப்பா.. நான் ஒரு கைதியைப் பற்றி சொல்லியிருக்கேன்ல, அவங்க அம்மாவைக் கூட முதியோர் இல்லத்தில விட்டிருக்காருன்னு. அவரு யாரையோ குத்தியிருக்காராம், அதுக்காகத் தான் ஜெயில்ல இருக்காரு போல. அவரு யாருன்னு தெரிஞ்சுக்கணும். 

அப்பா : அதுக்கு எந்த ஏரியான்னு தெரிஞ்சா, அந்த ஏரியா போலீஸ் ஸ்டேஷன்ல போய் விசாரிச்சு தெரிஞ்சுக்கலாம்.

ஊழியர் : அது போன மார்ச் 15ம் தேதி நடந்திருக்கு.. சாயங்காலம் டைம்.. பிரைம் ஸ்கொயர் பக்கத்துல இருக்கிற ஃபஸ்ட் மெயின் ரோட். 

அப்பா : என்னம்மா சொல்றே.. அன்னிக்கு தான் என்னை ஒருத்தன் குத்தினான் ( சொல்லி விட்டு சட்டென கையைக் கடிக்கிறார் )

ஊழியர் : உங்களை குத்தினாங்களா ? நீங்க ஏதோ ஆக்சிடண்ட் அதான் போலீஸ் கேஸ் ந்னு தானே சொன்னீங்க ?!

அப்பா : சாரிம்மா.. நீங்க பயப்படக் கூடாதுன்னு தான் நான் அப்படி சொன்னேன். ஆக்சுவலி அது ஒரு கொலை முயற்சி மாதிரி. கடவுள் கிருபையினால எனக்கு பெரிசா ஏதும் ஆகாம தப்பிச்சுட்டேன். 

ஊழியர் : அப்படின்னா… என் படிப்புக்கு நீங்க வெச்சிருந்த பணத்தை தான் அவரு திருடிட்டு போனாரா ?

அப்பா : ஆமாம்மா… அப்படி தான் தான் நினைக்கிறேன்…

ஊழியர் : அப்பா.. நாம வேணும்ன்னா.. .கேஸை முடிக்கிறதுக்கு ஏதாச்சும் பண்ண முடியுமா பாக்கலாமா ? அவரு இப்போ மனசு மாறிட்டாரு. ஒரு காலத்துல சுயநலமா இருந்தவரு, இப்போ இயேசுவை அறிஞ்சுகிட்டாரு.. 

அப்பா : இதுல என்ன சந்தேகம். கண்டிப்பா என்னென்ன பண்ணணுமோ அதைப் பண்ணி அவரை சீக்கிரம் வெளியே கொண்டு வந்துடுவோம்… டோண்ட் வரி.

ஊழியர் : ரொம்ப தேங்க்ஸ் பா..

காட்சி 8

( ஊழியரும், அப்பாவும், ஜெயிலில் )

ஊழியர் : ஐயா… 

கைதி : வணக்கம்மா.. வாங்க… 

ஊழியர் : நல்லா இருக்கீங்களா ? 

கைதி : நல்லா இருக்கேம்மா.. அந்த ..அ ந்த ஆளை பாக்க முடிஞ்சுதா .. எப்படி இருக்காரு 

ஊழியர் : அவரு.. எப்படி இருக்காருன்னு நீங்களே பாருங்க. 

( அப்போது அப்பா வருகிறார் )

கைதி : சா…சா..ர் நீங்க.. ஐம் வெரி சாரி சார். என்னை மன்னிச்சிடுங்க பிளீஸ்… உங்க எல்லா பணத்தையும், உங்க மெடிகல் செலவையும் எல்லாத்தையும் நானே செட்டில் பண்ணிடறேன்.

அப்பா : நோ..பிராப்ளம்… என் பொண்ணோட படிப்புக்கு பணம் புரட்ட கடவுள் உதவி செஞ்சாரு. நான் உங்க கேஸை எப்படி சீக்கிரம் முடிக்க முடியும்ன்னு பாத்து உங்களை வெளியே கொண்டு வரேன். 

கைதி ( ஊழியரிடம் ) : எப்படிம்மா இவரைக் கண்டுபிடிச்சீங்க… 

ஊழியர் : இவரு.. வேற யாருமில்லப்பா.. என்னோட அப்பா தான். 

கைதி : வாட்.. அப்பாவா… ரொம்ப சாரி .. உங்க அப்பாவைக் கொன்னவன் கிட்டேயே அன்பா பேசறீங்களே… 

ஊழியர் : தன்னைக் கொல்லப் போறவங்களையும், கொன்னவங்களையும் இயேசு மன்னிச்சாரு. அவருடைய பார்வை எல்லாமே பிறருடைய தேவை, மீட்பு இப்படி தான் இருந்துச்சு. அவரை பின்பற்றற நாம கூட சுயநலம் இல்லாம, பிறர் நலம் மட்டும் தான் பாக்கணும்.

கைதி : என்ன சொல்றதுன்னு தெரியலேம்மா… ஒரு இயேசு உங்க உள்ளத்துல இப்படி ஒரு மாற்றத்தை தந்திருக்காருன்னா, இனிமே எனக்கு அவர் மட்டும் போதும்மா.. நானும் ஒரு நல்ல வாழ்க்கை வாழப் போறேன். சுயநலத்தை விட்டுட்டு, பிறருக்கு நல்லது செய்து வாழப் போறேன். 

*

காட்சி 9

( சிறை வாசலில் கைதி, ஊழியர் அவரது அப்பா )

கைதி : ரொம்ப நன்றி சார். என்னை இவ்ளோ சீக்கிரம் வெளியே கொண்டு வந்துட்டீங்க.

ஊ. அப்பா :  கடவுள் கிருபையால ஜாமீன் உடனே கிடைச்சுடுச்சு. சீக்கிரமே கேசை குளோஸ் பண்ணிடலாம். 

கைதி : நீங்க பண்றதெல்லாம் பாக்கும்போ, “எதிரியை நேசி” ந்னு இயேசு சொன்னது தான் ஞாபகம் வருது. வெளியே இருந்தப்போ சுயநலம்ங்கற கூட்டுக்குள்ள அடிமையா இருந்தேன். ! உள்ளே வந்தப்புறம் தான் பாவத்தோட கூட்டில இருந்து சுதந்திரம் கிடைச்சது, 

ஊ.அப்பா :  சிரித்தபடி… நீங்களே இனி நற்செய்தி அறிவிக்கலாம். அவ்ளோ நல்லா பேசறீங்க. 

ஊழியர் : சரிப்பா.. நாம போயிட்டே பேசுவோமா… போற வழியில சாப்பிடுவோம்…. பசிக்குது.

ஊ.அப்பா : அதுக்கு முன்னாடி நாம ஒரு இடத்துக்குப் போகணும்…. வாங்க கிளம்புவோம்.

காட்சி 10 

( அம்மா இருக்கும் ஓல்ட் ஏஜ் ஹோம் )

ஊழியர் : ஹலோ…. யார் இருக்கீங்க ? 

அம்மா : நீங்க யாரு.. என்ன வேணும் ( பையனைப் பார்க்கிறார்.. ஓடிப் போய் அரவணைத்துக் கொள்கிறார் )… எப்படிப்பா இருக்கே.. ரொம்ப நாளாச்சு.. பாத்து … இந்தப் பக்கம் வரவே இல்லையே…  உன் நம்பருக்கு போன் பண்ணினேன்.. எப்பவும் சுவிட்ச் ஆஃப்ன்னே வந்துது… 

கைதி : அம்மா.. என்னை மன்னிச்சிடுங்கம்மா.. நான் ரொம்ப பெரிய தப்பு பண்ணிட்டேன்…. அதுக்கான தண்டனையும் அனுபவிச்சுட்டேன். பிளீஸ்மா என்னை மன்னிச்சுடுங்க…. 

அம்மா : ஏம்பா இப்படியெல்லாம் பேசறே.. நீ பாக்க வந்தியே அதுவே போதும். அடிக்கடி வந்து பாத்தாலே எனக்கு சந்தோசம் தான்பா… இனி அடிக்கடி வா.. சரியா

கைதி : அம்மா.. நான் உங்களை கூட்டிட்டு போக வந்திருக்கேன்மா…. இனிமே உங்க கூட தான் நான் இருப்பேன். நான் பண்ணின தப்பெல்லாம் போதும். 

அம்மா ( சந்தோசமாய் ) : என்னப்பா சொல்றே… ரொம்ப சந்தோசமா இருக்கு… இவ்ளோ நாள் எங்கடா போயிருந்தே..

கைதி : ஜெயிலுக்கு போயிருந்தேம்மா.. இவங்க தான் என்னை காப்பாத்திக் கொண்டு வந்தவங்க…. 

அம்மா : ஜெயிலுக்கா…. இவங்க யாருப்பா.. 

ஊழியர் : இவரைத் தான் குத்திட்டு ஜெயிலுக்கு போனேன். இவரோட பொண்ணு ஜெயில்ல இயேசுவை கூட்டிட்டு வந்து என் மனசையும், உடம்பையும் காப்பாத்திட்டாங்க. 

அம்மா : என்னப்பா.. .. என்னன்னவோ சொல்றே ? குத்தினவங்க காப்பாத்தினாங்களா ? 

அப்பா : இதையெல்லாம் ஏம்மா பெருசா பேசறீங்க.. தன்னோட புருஷனையும், பசங்களையும் உயிரோட எரிச்சுக் கொன்னவங்களையே சட்டுன்னு மன்னிச்ச ஸ்டெயின்ஸ் ஃபேமிலி கதையெல்லாம் இருக்கு.. நான் போற வழியில அதெல்லாம் சொல்றேன்….  

காட்சி 11 

( ஊழியரின் வீடு )

அப்பா : உங்களோட கேஸ் முடிஞ்சப்புறம் தான் வீடடை எல்லாம் ரிலீஸ் பண்ணுவாங்க. அதுவரைக்கும் எங்க வீட்லயே தங்கியிருங்க. சீக்கிரம் கேசை முடிக்க நான் டிரை பண்றேன்.

கைதி : ரொம்ப நன்றிங்கய்யா….  

அப்பா : நன்றியை இயேசுவுக்கு சொல்லுங்க. 

கைதி : கண்டிப்பா… சுயநலம் எவ்வளவு தப்புன்னு, அது எவ்ளோ பெரிய மன அழுத்தம் தர விஷயம்ன்னும் புரிய வைச்சது அவரு தான். 

அம்மா : வீடு.. ரொம்ப அழகா இருக்கு…

ஊழியர் : ஏன் வெளியே நின்னே பேசிட்டிருக்கோம்.. வாங்க உள்ளே போவோம். 

பின்குரல் :

சுயநலம் என்பது கிறிஸ்தவப் போதனைகளுக்கு எதிரானது. தனக்கு தனக்கு என சேமிக்கும் மனநிலையும், தன்னை மையப்படுத்தும் சிந்தனையும் கடவுளுக்கு எதிரானது. கடவுளையும், அயலானையும் நேசிக்கும் வாழ்க்கையையே இறைவன் விரும்புகிறார். மனித நேயமே இயேசுவின் போதனைகளின் அடிப்படையாகவும் அமைந்திருக்கிறது. சிறுவயதிலிருந்தே பிள்ளைகளுக்கு பிறர்நலம் பேணும் சிந்தனைகளையும், தன்னலமற்ற சிந்தனைகளையும் ஊட்டி வளர்க்க வேண்டும். அதற்கு இயேசுவின் வாழ்க்கையும் போதனைகளும் நமக்கு உறுதுணையாய் இருக்கும். சுயநலமற்ற சமூகத்தைக் கட்டியெழுப்புவோம், இறையரசை மண்ணிலே நிலைநாட்டுவோம். நன்றி. 

Posted in Articles, Sunday School

SKIT – Lanjam

SKIT – Lanjam

காட்சி 1

( ஒரு நபர் ஒருவரைச் சந்திக்க வருகிறார் )

வீட்டு நபர் : வாங்க.. வாங்க…  நீங்க… 

நபர் 2 : நான் தான் விக்டர்… ஒரு வேலை விஷயமா… சர்ச்ல உள்ள மேரி ஆண்டி தான் அனுப்பினாங்க. 

வீந : ஓ.. வாங்க வாங்க விக்டர்.. எப்படி இருக்கீங்க.. சர்ச் விஷயம் எல்லாம் எப்படி போவுது.

ந 2 : அதெல்லாம் சூப்பரா போய்ட்டிருக்கு சார். எங்க சர்ச் ஊழியத்துல முன்னணில இருக்கு… பொதுவா 

கிராம ஊழியம் தான். 

வீ.ந : வெரிகுட்..வெரிகுட்… எங்க சர்ச்சும் அப்படித் தான். போன மாசம் தான் ஒரு கிராமத்துல சர்ச் கட்டினோம்.. அங்குள்ள மக்களுக்கு நற்செய்தி அறிவிச்சோம்.. செம ரெஸ்பான்ஸ்.. 

ந 2 : ரொம்ப சந்தோசம் சார்… ஆண்டி உங்க கிட்டே சொல்லியிருப்பாங்க

வீ. ந : ஆமா. சொன்னாங்க, நம்ம கம்பெனில ஒரு வேலை வாங்கி குடுக்க சொன்னாங்க…  இன்சார்ஜ் போஸ்ட்க்கு ஆளெடுக்கறாங்க… இப்ப எல்லாம் டெல்லில தான்பா… நம்ம ஆபீஸ்ல ஏதும் இல்லை.

ந 2 : நீங்க நினைச்சா முடியும்ன்னு சொன்னாங்க.

வீ.ந : ஆமாமா.. ஆண்டி எனக்கு ரொம்ப குளோஸ். ரொம்ப ஸ்பிரிச்சுவல். அதனாலேயே எனக்கு அவங்களைப் புடிக்கும். நாங்க சேர்ந்து ஊழியம் எல்லாம் செஞ்சிருக்கோம்.

ந 2 : அப்படியா.. ரொம்ப சந்தோசம் சார். இந்தா சார், என்னோட டீட்டெயில்ஸ், சர்டிபிகேட் காப்பி… எல்லாமே இருக்கு. 

வீ.ந : ( புரட்டிப் பார்த்து விட்டு ).. அப்புறம்…. வேற… 

ந 2 : வேற ஒண்ணும் இல்லை சார்.. நல்லா பிரேயர் பண்றேன். இதை எப்படியாச்சும் முடிச்சு குடுத்திருங்க. இண்டர்வியூல நான் நல்லா பண்ணிடுவேன். பிரச்சினை இல்லை. அப்புறம் கடவுள் பாத்துப்பாரு. 

வீ.ந : கண்டிப்பா.. கண்டிப்பா.. முயற்சி பண்ணுவோம்.. நான்.. ஆண்டி கிட்டே பேசறேன்.. 

ந 2 : நன்றி சார்.. 

காட்சி 2 

( போனில் வீட்டு நபர் பேசுகிறார் … இந்த காட்சி கடைசி காட்சியின் போது பிளாஷ் பேக்காக வரும் ) 

வீ. ந : பிரைஸ் த லார்ட் ஆண்டி.. நல்லா இருக்கீங்களா ?

வீ. ந : ஆமா.. அந்த பையன் வந்திருந்தான். அவனோட டீட்டெயில்ஸ் எல்லாம் குடுத்தான்.. ஆனா.. மத்த விஷயங்கள் எதையும் அவன் பேசலையே ?

வீ. ந : ஆமா..  பொதுவா மூணு வரைக்கும் போகுது.. நிறைய பேரு கிட்டே போகணும்ல…  ஆமா.. உங்களுக்கு நான் ஒண்ணரைக்கு முடிச்சு தரேன். கிறிஸ்டியன்ஸ் கிட்டே நான் அதிகம் வாங்கறதில்லை… 

வீ.ந : ஐயோ.. அது ரொம்ப கஷ்டம்.. நிறைய பேரை கவனிக்கணும்… வேணும்ன்னா, உங்களுக்காக என்னோட ஷேரை விட்டுக் குடுத்துடறேன்.. ஒண்ணரை குடுக்க சொல்லுங்க.. அதுக்கு கம்மியான்னா முடியாது

வீ. ந : தெரியாத ஆள் கிட்டே போனா அஞ்சு வரைக்கும் கேப்பாங்க… பாத்துக்கோங்க.. பிரைஸ் த லார்ட். 

காட்சி 2 : 

(  அதே நபர் வருகிறார் )

வீ. ந : வாங்க.. வாங்க தம்பி நல்லா இருக்கீங்களா ?

நபர் 2 : நல்லா இருக்கேன்.. சார்.. நீங்க எப்படி இருக்கீங்க

வீ. ந : நான் .. நல்லா இருக்கேன்பா…

ந 2 : சார். பல தடவை வந்துட்டேன்.. ஏதாச்சும் இம்ப்ரூவ்மெண்ட் இருக்கா சார்.. 

வீ. ந : தம்பி.. இது கொஞ்சம் சிக்கலான விஷயம். நிறைய பேருடைய டேபிள் தாவித் தாவி போணும்.. பலருடைய கைகளையும் கடந்து போணும். புரியுதா 

ந 2 : புரியுது சார்.. புரியுது.. பலருடைய டேபிள் தாவித் தாவி போணும்.. பலருடைய கைகளைக் கடந்து போணும்.

வீ. ந : எஸ்..எஸ்… சோ… என்ன பண்ணலாம்.

ந 2 : நான்.. வெயிட் பண்ணலாம் சார்.. அது மெதுவா போகட்டும். கடவுளோட டைம் எப்பவோ அப்போ நடக்கட்டும். 

( வீ. நபரின் மனைவி வருகிறார் )

மனைவி : தம்பி இதா.. டீ சாப்பிடுங்க.. பாவம்…. நிறைய தடவை அலைஞ்சுட்டீங்க.

வீ.ந : ஆமா..ஆமா.. தம்பி நீங்க எதுக்கும் அந்த ஆண்டியை போய் பாத்து பேசிட்டு வாங்க.. சரியா..

ந 2 : சரி சார்.. 

வீ. ந : டீ குடிங்க.. டீ குடிச்சுட்டு போய் பாருங்க..

( அவர் கிளம்புகிறார் )

மனைவி : ஏங்க.. ஏன் அவரை இப்படி அலைய வைக்கிறீங்க. வேலையை முடிச்சு குடுக்க வேண்டியது தானே.

வீ. நபர் : ஆமா. வேலையை முடிச்சு குடுத்துட்டு நான் என்ன பண்ண ? இந்த மாதிரி டைம்ல தான் நாலு காசு பாக்க முடியும். இவன் என்னடான்னா உலகம் தெரியாதவனா இருக்கான். எவன் பெத்த புள்ளையோ, இதையெல்லாம் சொல்லிக் குடுக்க மாட்டாங்களா ?

மனைவி : ஆமா.. நீங்க கிறிஸ்டியன், லஞ்சம் வாங்க மாட்டீங்கன்னு அந்த பையன் நினைக்கிறான். நீங்க ஆளு எப்படின்னு அவனுக்குத் தெரியுமா என்ன 

வீ. ந : என்ன பண்ண சொல்றே… அவன் அவன் 4-5 வாங்கறான்.. நான் ஒண்ணரைக்கு முடிச்சு குடுக்கறேன்னு சொன்னேன். இதுல ஏறக்குறைய ஒண்ணு வெளியே தான் போகும். நமக்கு அம்பது தான் நிக்கும். 

மனைவி : இதெல்லாம் ரொம்ப தப்பு. யோபு புக் வாசிச்சிருக்கீங்களா

வீ.ந : எஸ்.. எஸ்.. செம ஸ்டோரி. கர்த்தர் கொடுத்தார், கர்த்தர் எடுத்தார்.. அவருக்கே புகழ்.. அது தானே.. 

மனைவி : மாயக்காரரின் கூட்டம் வெறுமையாய்ப் போம்; பரிதானம் வாங்கினவர்களின் கூடாரங்களை அக்கினி பட்சிக்கும் ந்னு அதுல போட்டிருக்கு. நாம லஞ்சம் வாங்கவே கூடாது. அது நம்ம தலைமுறைக்கே கேடு.

வீ. ந : அட… உள்ளவனுக்குக் கொடுக்கப்படும், இல்லாதவனிடமிருந்து உள்ளதும் எடுக்கப்படும்ன்னும் தான் போட்டிருக்கு. நமக்கு இருக்கு, கடவுள் மேலும் மேலும் கொடுக்கிறாரு. 

மனைவி : ஐயோ..ஐயோ.. இந்த விளக்கத்தைக் கேட்டா இயேசுவுக்கே ஹார்ட் அட்டாக் வந்துடும். அவரு எதுக்கு சொன்னாரு, நீங்க எதுக்கு பயன்படுத்தறீங்க. பண ஆசை எல்லாத் தீமைக்கும் வேராயிருக்கிறது  ந்னு பைபிள் சொல்லுது மனசுல வெச்சுக்கோங்க.

வீ. ந : நீயே நல்லா பேசறியே.. உனக்கு ஒரு வேலை பாப்போமா.. என்னோட கமிஷனை கட் பண்ணிக்கறேன்.. ஒண்ணுக்கு முடிச்சு தந்துடறேன்.

மனைவி : நல்லது சொன்னா கேட்டுக்கணும்.. நக்கலடிக்கக் கூடாது… மனைவி பேச்சை எல்லாம் யாரு கேக்கறா ?  ( எழுந்து போகிறார் ). அன்னிக்கு பிலாத்து மனைவியோட பேச்சைக் கேட்டிருந்தா இயேசுவை விடுவிச்சிருக்கலாம்.

வீ.ந : ஓஹோ…. நான் ஒண்ணு சொல்லவா…. ஆதாம் ஏவாளோட பேச்சைக் கேக்காம இருந்திருந்தா  பாவம்ங்கற ஒண்ணே இல்லாம வாழ்ந்திருக்கலாம்…

மனைவி : உங்களை எல்லாம் திருத்தவே முடியாது. லஞ்சம் வாங்கறது நல்லதில்லை.. சொல்லிட்டேன்..  

( போன் அடிக்கிறது… )

வீ.ந : பாஸ்டர் சொல்லுங்க பாஸ்டர்.. நானே கால் பண்ணணும்ன்னு நினைச்சேன்.. உங்களோட லாஸ்ட் சண்டே மெசேஜ் சூப்பர்….. கிறிஸ்தவ வாழ்க்கைக்கு என்ன பண்ணணும்ன்னு நீங்க சொன்னது திருச்சபைக்கே ஒரு பாடம்…

( காட்சி fade ahi முடிகிறது )

காட்சி 3

( நபர் 2 & சர்ச் ஆண்டி மீட்டிங் )

நபர் 2 : ஆண்டி.. நல்லா இருக்கீங்களா

ஆண்டி : வாப்பா.. வா.. எப்படி இருக்கே.. வேலை விஷயம் என்னாச்சு

ந 2 : ஒண்ணும் ஆகல ஆண்டி.. அவரு டிரை பண்ணிட்டிருக்காரு. நிறைய டேபிள் தாண்டித் தாண்டி போணும் போல, பாவம்.

ஆண்டி : நீ.. எவ்ளோ குடுத்தே… 

ந 2 : குடுத்தேன்னா ? என்னோட சர்டிபிகேட் எல்லாம் குடுத்தேன் ஆண்டி.. 

ஆண்டி : காசு எவ்ளோ குடுத்தீங்க… 

ந 2 : காசா ஆண்டி.. புரியல.

ஆண்டி : ம்ம்ம். அவரு என் கிட்டே பேசினாருப்பா.. என்ன சொன்னாருன்னா 

( காட்சி 2 இங்கே வரும் )

ந 2 : ஆண்டி, லஞ்சம் குடுத்து இந்த வேலை வாங்கறதுல எனக்கு விருப்பம் இல்லை. அப்புறம் நான் கிறிஸ்டியனா இருக்கிறதுல அர்த்தமே இல்லை.

ஆ : புரியுது ப்பா. ஆனா என்ன பண்ண. சில விஷயங்கள்ல நாம இப்படியும் அப்படியும் இருந்தா தான் ஏதாச்சும் நடக்கும்

ந 2 : வேணாம் ஆண்டி. “கைகூலி கொடுப்பவர் அதை ஒரு மந்திரத் தாயத்தைப் போலப் பயன்படுத்துகிறார்” ந்னு நீதி மொழிகள் சொல்லுது. அப்படி பயன்படுத்தி ஒரு வேலை வாங்கறது கடவுளுக்குப் புடிக்காது. 

ஆ : ம்ம்.. உண்மை தான்.. ஆனா.. உனக்கு… எது வேணும்ன்னு நீ தான் டிசைட் பண்ணணும்.

ந 2 : ஆண்டி… இயேசுவை காட்டிக் கொடுக்க யூதாஸ் லஞ்சம் வாங்கினான். அவனோட கதி என்னான்னு எல்லாருக்கும் தெரியும். நான் இயேசுவை வாழ்க்கைல காட்டற கிறிஸ்தவனா இருக்க ஆசைப்படறேன். காட்டிக் கொடுக்கிற யூதாஸ் மாதிரி இருக்க ஆசைப்படல. 

ஆ : சரிப்பா.. உன் இஷ்டம்

ந 2 : தேங்க்யூ ஆண்டி. நீங்க எனக்கு எப்படியாவது ஒரு வேலை கிடைக்கணும்ன்னு நினைக்கிறீங்க. அதான் ஹெல்ப் பண்றீங்க. ஆனா நான் கடவுள் எனக்கு காட்டற வேலைல போகணும்ன்னு நினைக்கிறேன். “கையூட்டு வாங்காதே. கையூட்டு, பார்வையுடையவரையும் குருடராக்கும். நேர்மையாளரின் வழக்கையும் புரட்டிவிடும்” ந்னு பைபிள் சொல்லுது. அப்படி ஒரு நபரை பாவியாக்க நான் விரும்பல.

ஆ : தம்பி நான் ஒண்ணு கேட்டா தப்பா நினைச்சுக்க மாட்டியே ?

ந 2 : கண்டிப்பா இல்ல ஆண்டி.. சொல்லுங்க என்ன 

ஆ : இவ்ளோ வயசான நாங்களே விசுவாசத்துல தளர்ந்து போயிடறோம். உலகத்தோட காம்ப்ரமைஸ் ஆயிடறோம். ஆனா நீ எப்படிப்பா இவ்ளோ உறுதியா இருக்கே ?

ந 2 : அதுக்கு காரணம் நான் ஸ்கூல்ல படிக்கும்போ நடந்த ஒரு இன்சிடண்ட் ஆண்டி.

ஆ : அதென்னப்பா இன்சிடண்ட்.. கேக்கணும்ன்னு ஆசையா இருக்கு.. சொல்லேன்.

ந 2 : சொல்றேன் ஆண்டி. நான் ஸ்கூல்ல படிக்கும்போ ஒழுங்கா படிக்க மாட்டேன். அப்போ ஒரு தடவை என்னோட பிரண்ட் கிட்டே காப்பி அடிக்க ஹெல்ப் பண்ண சொன்னேன். அவன் ஒத்துக்கல. அவனுக்கு நான் சாக்லேட்டை லஞ்சமா குடுத்தேன். அப்புறம் அவனோட பேப்பரை எனக்குக் குடுத்து காப்பி அடிக்க ஓக்கே சொன்னான். ஆனா நான் அப்படி எழுதிட்டிருக்கும்போ ஸ்கூல் டீச்சர் புடிச்சுட்டாங்க. என் பிரண்ட் எல்லாத்துக்கும் நான் தான் காரணம்ன்னு என்னை மாட்டி விட்டுட்டு எஸ்கேப் ஆயிட்டான். டீச்சர், நான் எழுதினதையெல்லாம் வெட்டிட்டாங்க. வேற பேப்பர் குடுத்து எழுதச் சொன்னாங்க. எக்ஸாம் முடிஞ்சதும் அவங்களை போய் பாக்க சொன்னாங்க. அவங்களை நான் போய் பாத்தேன். ( ஒரு அமைதி.. )  அப்போ…. 

( பிளாஷ்பேக் காட்சி… ந 2 டீச்சரை போய் பார்க்கும் காட்சி )

ந 2 : மேம்.. மே ஐ கம் இன்…

ஆசிரியை : வாப்பா… விக்டர். என்ன எக்சாம் நல்லா எழுதிட்டியா ?

ந 2 : மேம்.. வெரி சாரி மேம்.. நான் தெரியாம தப்பு பண்ணிட்டேன்.

ஆசிரியை : வா.. வா… உக்காரு முதல்ல. 

ந 2 : மேம்.. நான் ஒழுங்கா படிக்கல. அதனால எக்சாம்ல ஃபெயில் ஆயிடுவேனோன்னு பயத்துல தான் அப்படி பண்ணிட்டேன். இனிமே பண்ண மாட்டேன்.

ஆசிரியை : பரவாயில்லப்பா.. தப்பு பண்றது சகஜம். ஆனா, அதை உணர்ந்து உடனே மனம் திரும்பிடணும். திரும்பவும் அந்த தப்பைச் செய்யவே கூடாது. நீ கிறிஸ்டியன் தானே ?

ந 2 : ஆமா மேம்.

ஆசிரியை : கிறிஸ்டியன்னா என்னன்னு தெரியுமா ?

ந 2 : சர்ச்சுக்கு போறது, இயேசுவை கும்பிடறது மேம்.. 

ஆசிரியை : அது மட்டும் இல்லப்பா… கிறிஸ்துவை நம்ம வாழ்க்கைல ஒவ்வொரு சின்னச் சின்ன செயல்லயும் வெளிப்படுத்தணும். அவருக்கு பெருமை தேடித் தரணும். உதாரணமா, விக்டர் காப்பியே அடிக்கமாட்டான்பா ஏன்னா அவன் இயேசுவைக் கும்பிடறவன் ந்னு மக்கள் சொல்லும்போ தான் இயேசுவுக்கு பெருமை. உனக்கு கிரிக்கெட் புடிக்குமா 

ந 2 : அதை ஏன் Aunty கேக்கறீங்க.. கிரிக்கெட் பாத்து பாத்து தான் படிப்பில கோட்டை விட்டேன்.

ஆசிரியை : அப்போ ஒரு கிரிக்கெட் கதை சொல்றேன் கேளு. சவுத் ஆப்ரிக்கா டீம்ல ஜாண்டி ரோட்ஸ் ந்னு ஒரு பிளேயர் இருந்தாரு. அவரு நல்ல கிறிஸ்டியன். பொய் சொல்லவே மாட்டாரு. பயங்கர பாப்புலர் ஃபீல்டர். ஒரு தடவை ஒரு பாலை கேட்ச் பண்ணினாரு, ஆனா அது கரெக்டான கேட்சா இல்லையான்னு வீடியோ கேமரா எதுலயும் சரியா தெரியல. தேர்ட் அம்பயரும் போட்டு பாத்தாரு, கண்டு பிடிக்க முடியல. ஆனா ஃபீல்ட்ல இருந்த அம்பயர் அவுட் குடுத்துட்டாரு. மக்கள் அப்புறம் அவரு கிட்டே கேட்டாங்க, “ வீடியோல சரியா தெரியாதப்போ எப்படி நீங்க அவுட் குடுத்தீங்க” ந்னு அவரு சொன்னாரு. “ஜாண்டி ரோட்ச் சொன்னா அதுல பொய் இருக்காது, ஏன்னா அவரு இரட்சிக்கப்பட்ட கிறிஸ்தவன்” ந்னு. ஜாண்டி ரோட்ஸ் அப்படி கடவுளை மகிமைப்படுத்தினாரு. அதே மாதிரி நீயும் செய்ற எல்லா விஷயத்துலயும் கடவுளை மகிமைப்படுத்தணும். 

ந 2 : செம ஸ்டோரி மேம்.. கண்டிப்பா நானும் இனிமே அப்படியே நடந்துக்கறேன் மேம். 

ஆசிரியை : அதுக்கு நீ இயேசுவை உன்னோட சொந்த இரட்சகரா ஏத்துக்கணும்.. அப்போ தான் இப்படிப்பட்ட சோதனையை தாண்ட முடியும்.

ந 2 : அது எப்படி மேம்… எனக்கு தெரியாது மேம்… 

ஆசிரியை : வா.. முழங்கால் படியிடு.. நான் உனக்காக செபம் பண்றேன். நீ இயேசப்பா கிட்டே, இயேசப்பா என்னை மன்னிச்சுடுங்க. என்னோட இருதயத்துல வாங்க. நான் உங்களை என்னோட சொந்த இரட்சகரா ஏத்துக்கறேன்னு சொல்லு. அப்போ இயேசப்பா வந்திடுவாரு. ஏன்னா அவரை அண்டி வருகிற  மக்கள் யாரையும் அவர் புறம்பே தள்ளி விடறதில்லைன்னு பைபிள் சொல்லுது. 

ந 2 : சரி.. மேம்.. 

( இருவரும்… செபிக்கிறார்கள்.. அமைதி.. இசை…  ) 

( பிளாஷ்பேக் முடிகிறது )

ந 2 : அன்னிக்கு நான் இயேசுவை சொந்த இரட்சகரா ஏத்துகிட்டேன். அதுக்கு அப்புறம் நான் அவரை விட்டு விலகவே இல்லை ஆண்டி. அவரு எனக்கு நல்ல ஞானத்தைக் கொடுத்தாரு. அதுக்கப்புறம் எப்பவுமே  எனக்கு கிளாஸ்ல பஸ்ட் ரேங்க் குடுத்தாரு. கடைசி எக்ஸாம்ல எனக்கு நிறைய மார்க்கும் குடுத்தாரு. அவரோட நேரத்துக்காகக் காத்திருந்தா அவரே ஒரு வேலையும் குடுப்பாரு.  இயேசுவை சொந்த இரட்சகரா ஏத்து கிட்டதனால, பேதுரு மாதிரி ஆண்டவரை மறுதலிக்கவே மாட்டேன்.  

ஆண்டி : ரொம்ப சந்தோசம் தம்பி. உன் வாழ்க்கை எனக்கும் தூண்டுதலா இருக்கு. அந்த டீச்சரை நானும் பாக்கணும் போல இருக்கு. அவங்க பேரென்ன ? 

ந 2 : அவங்க பேரு.. ஜெனிஃபர் மேம். நல்மேய்ப்பர் ஸ்கூல் டீச்சர்.  

ஆண்டி : ( ஆச்சரியமாக ) ஜெனிஃபர் மேமா .. அவங்க.. அவங்க தான் என்னோட அக்கா.. 

ந 2 : ஓ.. வாவ்.. அந்த மேம் உங்க அக்காவா… சூப்பர்..… கேக்கவே சந்தோசமா இருக்கு.

ஆண்டி : ம்ம்.. ஆனா எனக்கு கில்ட்டியா இருக்கு… சொந்த ஊருல தீர்க்கத்தரிசிக்கு மதிப்பில்லைன்னு இயேசு சொன்னது மாதிரி தான் இருக்கு. நான் இன்னிக்கே போய் அக்கா கிட்டே பேசறேன். நானும் இனிமே இயேசுவை சொந்த இரட்சகரா ஏற்று அவர் வழியிலயே நடக்க போறேன். நீ சின்ன பய தான், இருந்தாலும் சொல்றேன்.. என் கண்ணை நீ தொறந்துட்டே… ரொம்ப தேங்க்ஸ் தம்பி. 

ந 2 : பிரைஸ் த லார்ட் ஆண்டி… போயிட்டு வரேன் 

+

Posted in Articles, Sunday School

SKIT – முழுவதும் கொடுப்போம் இறைவனிடம்

முழுவதும் கொடுப்போம் இறைவனிடம்

காட்சி 1

(  அம்மாவும், பையனும், மகளும். மகனும் மகளும் மொபைலில் ஏதோ நோண்டிக் கொண்டிருக்கும் போது அம்மா வருகிறார் )

( மகனும் மகளும் மொபைல் நோண்டிக்கொண்டிருக்கும் போது அம்மா வருகிறார் . மகள் புத்தகத்துக்குள் போனை வைத்து மறைத்து விளையாடுகிறாள் )

அம்மா : என்னப்பா… படிக்கச் சொன்னா, மொபைலை நோண்டிட்டிருக்கே

பையன் : கொஞ்ச நேரம்… கேம் விளையாடிட்டிருந்தேன்… அதுக்கு போய் திட்டறீங்க

அம்மா : மொபைல்ல ஏன் கேம் விளையாடறே.. குடு பாக்கறேன்.. என்ன விளையாடறேன்னு. வர வர உங்க போக்கே சரியில்லை… 

( அப்போது மகள், தன்னிடமிருந்த போனை நைசாக ஒளித்து வைக்கிறாள் )

O

அம்மா போனை வாங்கி பார்க்கிறார்.

அம்மா : இதென்னடா கேம்… ஒரே வயலன்சும்…. காஸ்டியூமும்.. எல்லாம் நல்லாவே இல்ல…. இதையா விளையாடறே ?

பையன் : கேம் தாம்மா.. சும்மா…

அம்மா : இதெல்லாம் வேண்டாம்… இதெல்லாம் கடவுளோட பிள்ளைகள் விளையாடக் கூடாது. இதெல்லாம் தானே உன் மனசுல இருக்கும்.

பையன் : அம்மா, கடவுளுக்கும் இதுக்கும் என்னம்மா சம்பந்தம். நான் பைபிள் வாசிக்கிறேன், சர்ச் போறேன், ப்ரேயர் பண்றேன்.. இப்போ பிளே டைம்.. விளையாடறேன்… 

அம்மா : கொஞ்ச நேரம் கடவுளுக்கு, கொஞ்ச நேரம் சாத்தானுக்குன்னு குடுக்கக் கூடாது தம்பி. நீ விளையாடலாம் தப்பில்ல, ஆனா இந்த மாதிரி தப்பான விளையாட்டெல்லாம் விளையாடக் கூடாது. இப்பல்லாம் நீ டிஜிடல் ல ஸ்பெண்ட் பண்ற நேரம் அதிகமாயிடுச்சு. 

பையன் : ஆமா, என்னை மட்டும் திட்டுங்க. அக்காவும் புக்குக்கு இடையில மொபைலை வெச்சு தான் நோண்டிட்டு இருப்பா.. அவளை மட்டும் ஒண்ணும் சொல்லாதீங்க.

மகள் : தேவையில்லாம இப்போ ஏன் என்னை இழுக்கறே… நான் .. நான் பிரண்ட்ஸ் வாட்சப்ல பாடம் போட்டோ எடுத்து அனுப்பறேன்னு சொன்னாங்க, அதான் வெச்சிருந்தேன். 

அம்மா : நான் ரெண்டு பேருக்கும் சேத்து தான் சொல்றேன். மொதல்ல பொய் சொல்றீங்க அது பாவம். கீழ்ப்படியாம இருக்கீங்க அது இன்னொரு பாவம். கடமையை செய்யாம இருக்கீங்க அது இன்னொரு பாவம். தப்பான விளையாட்டை விளையாடறீங்க அது இன்னொரு பாவம். 

பையன் : என்னம்மா, ஒரு கேம் விளையாடினதுக்கு இவ்ளோ பாவத்தை அடுக்கறீங்க.

அம்மா : பாவம் அப்படித் தான் தம்பி, ஒண்ணுக்கு பின்னாடி ஒண்ணா முளைச்சுட்டே இருக்கும். கவனமா இருக்கணும். ஒரு சின்ன பாவத்தைக் கூட அனுமதிக்கக் கூடாது. அது அப்படியே வளர்ந்துட்டே இருக்கும். 

பையன் : சரி..சரி ( எரிச்சலாக ) எப்பவும் அட்வைஸ் தானா… கடுப்பா இருக்கு… 

அம்மா : சரி, கடுப்பாகாதே… நீங்க ரெண்டு பேரும் கொஞ்ச நேரம் விளையாடுங்க, மொபைல் வேண்டாம் வேற ஏதாச்சும் விளையாடுங்க. நாம நாளைக்கு ஒரு புது வீடு பாக்க போறோம்… 

அம்மா : வாவ்.. ஜாலி… போலாம்.

காட்சி 2 

( அம்மா, மகன், மகள் , பாட்டி ) 

வீட்டு ஓனர் : வாங்க வாங்க….  எங்கே சார் வரலையா ?

அம்மா : இல்லை, அவரு வெளிநாட்ல இருக்காரு, நான் வீடியோ கால்ல வீட்டை காமிச்சுக்கறேன். நோ பிராப்ளம்… 

வீ.ஓ : சூப்பர்… சூப்பர்… இப்போ டெக்னாலஜி ரொம்ப வளர்ந்துடுச்சு… தூரமா இருக்கிறெல்லாம் பக்கத்துல வந்துச்சு, பக்கத்துல இருக்கிறதெல்லாம் தூரமா போயிடுச்சு. 

அம்மா : உண்மை தான்… வெளிநாட்ல இருக்கிறவங்க கூட பேசறோம், ஆனா பக்கத்து வீட்டுக்காரங்க கூட பேசறதில்லை. 

பாட்டி : வீடு ரொம்ப நல்லா இருக்கு…. எவ்ளோ ஏரியா ?

வீ : இது மொத்தம் 1900 ஸ்கொயர் ஃபீட் இருக்கு… வீடு கட்டி ஒரு பத்து வருசம் தான் ஆச்சு… 

W

பாட்டி : எவ்ளோ கேக்கறீங்க ? நாங்க எந்த புரோக்கரையும் பாக்கல நேரா உங்களைத் தேடித் தான் வந்தோம்.

வீ : ஆமா… நானும் புரோக்கர் ஏதும் வெச்சுக்கறதில்லை.

பாட்டி : உத்தேசமா எவ்ளோக்கு தருவீங்கன்னு சொன்னா… பாக்க வசதியா இருக்கும்.

வீ : ரெண்டு ந்னா முடிக்கலாம்.

பாட்டி : ரெண்டு கோடியா… அது கொஞ்சம் அதிகமா இருக்கு….

வீ : ஹா..ஹா. கோடி யாரு கேட்டது.. லட்சம்.. ரெண்டு லட்சம் தான்.

பாட்டி : விளையாடாதீங்க… ரெண்டு இலட்சத்துக்கு ஒரு வீட்டுக்கு மதில் கூட கட்ட முடியாது. 

வீ : இல்ல, நான் சீரியசா தான் சொல்றேன்.. வீடு ரெண்டு இலட்சம் தான்.

பாட்டி : வீடு ஏதாவது கேஸ்ல இருக்கா ? பிரச்சினைல இருக்கா ? பட்டா இருக்கா ?

வீ : பாத்தீங்களா.. வீடு சீப் ரேட் டுன்னு சொன்னதும் எல்லா சந்தேகமும் வருது… இதே ரெண்டு கோடின்னா சந்தேகமே வந்திருக்காது. 

பாட்டி : இல்ல, ரெண்டு இலட்சத்துக்கு வீடே கிடைக்காது. வாடகைக்கு அட்வான்சே ரெண்டு கேக்கறாங்க.

வீ : ஆ… அதுக்கு ஒரு காரணம் உண்டு. இந்த வீடு மொத்தமா உங்களுக்கு தான். ரெண்டு இலட்சம் குடுங்க. ஆனா, வீட்ல பெட் ரூம்ல ஒரு ஆணி மட்டும் இருக்கும். அது மட்டும் என்னுது. அதை நீங்க யூஸ் பண்ணக் கூடாது. டிஸ்டர்ப் பண்ணக் கூடாது. நான் அப்பப்போ வந்து பாப்பேன், அலோ பண்ணணும்… அவ்ளோ தான்.

பையன் : நீங்க உண்மையிலேயே சொல்றீங்களா ? இல்லை கிண்டல் பண்றீங்களா ? 

வீ. ஆ : தம்பி உண்மையைத் தாம்பா சொல்றேன்… வாங்க வீட்டைக் காட்டறேன்…. 

( வீட்டைக் காட்டுகிறார் )

வீ.ஆ : இதான்பா அந்த ஆணி .. இதை மட்டும் நீங்க டிஸ்டர்ப் பண்ணக் கூடாது, சரியா ?

பையன் : சரி சார்.. கண்டிப்பா..

வீ. ஆ : அப்போ, உடனே நாம வீட்டு டாக்குமெண்ட் எல்லாம் ரெஜிஸ்டர் பண்ணி வீட்டை உங்க பேருக்கு மாத்திடலாம்.

அம்மா : சரி சார்.. நன்றி…

காட்சி 3 

( பையனும், அம்மாவும், அக்காவும், பாட்டியும் பேசுகிறார்கள் )

பையன் : என்னம்மா யோசிக்கிறீங்க..

அம்மா : இல்ல அந்த வீட்டு விஷயத்துல … ஏதோ ஒரு உள்குத்து இருக்கோன்னு எனக்கு ஒரு டவுட். ரெண்டு இலட்ச ரூபாய்க்கு வருதே…

பையன் : ஒருவேளை அந்த ஆணில… ஏதாச்சும் மந்திரம் செஞ்சு வெச்சிருப்பாரோ ?

மகள் : அப்படியெல்லாம் இருக்காது.. அந்த ஆணியை அவங்க பரம்பரையில யாராச்சும் அங்கே அடிச்சிருப்பாங்க, அதை பிடுங்க மாட்டேன்னு அவரு வாக்கு குடுத்திருப்பாரு.

பையன் : நீ சினிமா கதை மாதிரி பேசறே.. ஆமா. பெரிய பரம்பரை ஆணி.. 

பாட்டி : அப்படியும் இருக்கலாம். ராசியான ஆணி… செண்டிமெண்ட் ஆணி.. இப்படி ஏதோ ஒரு ஆணி.

பையன் : ஆமா. ஆணியே புடுங்க வேண்டாம்ன்னு சொல்றது இது தானா ?

மகள் : எப்படியோ சீப்போ சீப்பா ஒரு வீடு கிடைக்குது. அப்பாக்கு வீடியோ அனுப்பினேன், செம சூப்பர் ந்னு சொன்னாரு. எனக்காக வெயிட் பண்ண வேண்டாம் வாங்கிடுங்கன்னு சொன்னாரு. வாங்கிடுவோம்.

காட்சி 4

( வீட்டு ஓனர், இந்த குடும்பம் )

வீ.ஓ : எப்படியோ வீட்டு ரெஜிஸ்ட் ரேஷன் எல்லாம் நல்லபடியா முடிஞ்சுது. இனி இந்த வீடு உங்களுது. நல்லா என் ஜாய் பண்ணுங்க. ஆனா அந்த ஆணி மட்டும் என்னுது ஞாபகம் வெச்சுக்கோங்க.

பையன் : ஓக்கே… ஓக்கே

வீ.ஓ : சரி, நான் ஒரு தடவை அதைப் போய் பாத்துட்டு வந்துடறேன். 

பையன் : வாங்க, போய் பாக்கலாம்.

( அவர் போய் பார்க்கிறார் .. கிளம்புகிறார் )

வீ. : சரிப்பா.. நான் கிளம்பறேன்.

பையன் : சரி சார்.

காட்சி 5

(வீ.ஓ வருகிறார் )

பையன் : வாங்க, வாங்க… என்ன இந்தப் பக்கம். 

வீ : இல்ல, அந்த ஆணியைப் பாக்கலாம்ன்னு வந்தேன். 

பையன் : ஆணி அங்கே தான் சார் இருக்கும்.. நம்புங்க.

வீ : ஹா..ஹா.. எதுக்கும் ஒரு தடவை பாத்துட்டு போயிடறேன்.

பையன் : சரி வாங்க.

( அவர் பார்த்து விட்டுக் கிளம்புகிறார் )

மகள் : இவரு என்ன மெண்டலா ? ஆணியை பாக்க வந்துட்டே இருக்காரு… 

பையன் : சரி.. வந்தாரு பாத்தாரு போயிட்டாருல்ல, யாருக்கும் தொந்தரவு இல்லையே.. விட்டுடு.

காட்சி 6

(வீ. ஓ வருகிறார் )

பையன் : என்ன சார்… என்ன விசேஷம்

வீ : இல்ல, அந்த ஆணில என்னோட போட்டோ ஒண்ணு மாட்டணும். 

பையன் : என்ன சார் சொல்றீங்க.. அது எங்க பெட் ரூம்ல இருக்கு.. அதுல போய் உங்க போட்டோவை மாட்டணும்ன்னு சொல்றீங்க.

வீ : இத பாருங்க… வீட்டை விக்கும்போ தெளிவா சொல்லியிருக்கேன். அந்த ஆணி என்னுதுன்னு. ஒரு போட்டோ மாட்டிட்டு போயிட போறேன்.. அவ்ளோ தானே.

பையன் : சரி.. வாங்க… ( கடுப்பாக )

( போட்டோவை மாட்டி விட்டுக் கிளம்பி விடுகிறார் )

அம்மா : என்னடா. இந்தாளு நிஜமாவே லூசா ? இல்ல நம்மளை லூசுன்னு நினைக்கிறாரா ?

பையன் : சரி.. விடும்மா.. வந்தாரு போயிட்டாரு.. ஒரு போட்டோ தானே.. இருந்துட்டு போகட்டும்.

காட்சி 7

( வீ.ஓ வருகிறார் .. நள்ளிரவு…)

பையன் : சார்.. என்னசார் இது.. மிட் நைட் சார்.. ஏன் இப்போ வந்தீங்க

வீ. ஓ : பாத்தீங்களா.. அதுக்குள்ளே டென் சன் ஆயிட்டீங்க.. நாம ஏற்கனவே அக்ரீமெண்ட் போட்டது தானே. எனக்கு.. என்னோட… ஆணில ஒரு வேலை இருக்கு அதான் வந்தேன்.

பையன் : ஆணில தான் போட்டோ இருக்கே… 

வீ. ஓ : அதை எடுத்துட்டு இந்த பையை மாட்டிட்டு கிளம்பிடறேன்… ஓக்கே வா ?

பையன் : அது காலைல வந்திருக்கலாம்ல..

வீ. ஓ : இத பாருங்க, மறுபடியும் மறுபடியும் பேச்சு மாறாதீங்க. ஆணியை பாக்க வரும்போ நீங்க என்னை அலோ பண்ணணும்.

பையன் : அப்பப்போ தான் வருவேன்னு சொன்னீங்க.. இப்போ டெய்லி வரீங்க

வீ.ஓ : தம்பி.. ஒரு நாளைக்கு 1440 நிமிஷம் இருக்கு, அதுல அஞ்சே அஞ்சு நிமிஷம் தான் நான் எடுக்கறேன். அது .05 % கூட இல்லை, அதுக்கு போயி டென் சன் ஆகறீங்க ! 

பையன் : சரி.. சரி.. வந்துட்டு போங்க.. சீக்கிரம்

வீ.ஓ : பொறுங்க தம்பி…. 

( அவர் போய், போட்டோவை எடுத்து விட்டு ஒரு பையை மாட்டி விடுகிறார். கிளம்பி விடுகிறார் )

காட்சி 8

( அதிகாலை நேரம்.. வீடு முழுதும் நாற்றம் )

அம்மா : என்னடா.. ஒரே வாடையா இருக்கு.. கெட்ட வாடை.

அக்கா : ஆமா.. எங்கேயிருந்து வருதோ தெரியலையே… 

பையன் : ஆமா… என்ன இது வீடு புல்லா நாறுது.

அக்கா : பெட் ரூம்ல இருந்து தான் வருதுன்னு நினைக்கிறேன்

பையன் : அந்த ஆளு வேறு ஒரு பையை கொண்டு மாட்டிட்டு போனாரு, அதுல ஏதாச்சும் வெச்சிருக்காரோ தெரியலையே.

அம்மா : போய் பாருடா… 

( பையன் போய் பார்க்கிறான்.. அதில் கருவாடு இருக்கிறது )

பையன் : அம்மா. இதுல கருவாடு இருக்கும்மா..

அம்மா : கருவாடா.. அய்யோ கடவுளே.. அவன் என்ன மெண்டலா.. கருவாடை கொண்டு வந்து வெச்சிருக்கான். 

அக்கா : அதை தூக்கி வீசுடா..

பையன் : அது முடியாதுக்கா.. அவருக்கு நாம வாக்கு குடுத்திருக்கோம்.

அம்மா : இப்போ என்ன பண்ண.. அவருக்கு போன் பண்ணி பேசு டா

( பையன் போன் பண்ணுகிறான் )

போனில் : தம்பி.. என்ன ரொம்ப சவுண்ட் வுடறீங்க. அது என்னோட ஆணி… அது என்னோட பை.. அதெல்லாம் எடுக்க முடியாது. நான் நினைக்கும்போ வந்து எடுத்துக்கறேன்.. போனை வைங்க. 

பையன் : சார்..சார்….ச்ச்சே.. அவரு டார்ச்சர் பண்றாரும்மா…

காட்சி 9

( வெளியே நின்று பேசுகிறார்கள் )

அக்கா : டேய்.. இனிமே முடியாதுடா.. ரொம்ப கொடுமையா இருக்கு.. வீட்டுக்குள்ள நுழையவே முடியல. அவரு நம்மை டார்ச்சர் பண்றாரு.

அம்மா : ஆமாடா… அவரு திட்டம் போட்டு நம்மை கவுத்துட்டாரு.. இந்த வீட்ல நாம இருக்கவே முடியாது. நாளைக்கு கருவாட்டுக்கு பதிலா வேணும்ன்னா செத்த எலியை கொண்டு வைப்பாரு.. நாம கேக்க முடியாது.

அக்கா : ஒண்ணு அதை அrங்கேயிருந்து வெளியே எறியணும்… இல்லேன்னா நாம இங்கேயிருந்து வெளியே போணும்.. வேற வழியில்லை.

பையன் : ஆமாம்மா… சின்ன ஒரு ஆணி தானேன்னு அலோ பண்ணினது இன்னிக்கு எவ்ளோ பெரிய சிக்கலா மாறிடுச்சு… நம்பவே முடியல

அம்மா : ஆமா.. நம்ம வாழ்க்கையில பாவத்துக்கு ஒரு சின்ன இடம் குடுத்தா கூட கடைசில பாவம் எல்லா இடத்துலயும் நிறைஞ்சு நம்மை கடவுளை விட்டு வெளியே தள்ளிடும்டா…

பையன் : உண்மை தாம்மா.. நீங்க படிச்சு படிச்சு சொன்னீங்க அப்போ புரியல… இப்போ தான் புரியுது.. வாங்கினா முழுசா வாங்கணும். 

அம்மா : கடவுளை ஏத்துக்கும்போ முழுசா நம்ம இதய வீட்டை புல்லா அவருக்கே குடுக்கணும். ஒரு ரூமை மட்டும் பூட்டி வெப்பேன், கொஞ்சம் பாவம் மட்டும் வெச்சுப்பேன்னு சொன்னா அது கடைசில நம்ம மீட்பையே கேள்விக்குள்ளாக்கிடும். 

பையன் : உண்மை தாம்மா.. தப்பு பண்ணிட்டோம்… நாம வேணும்ன்னா இந்த வீட்டை மறுபடியும் அவருக்கே குடுத்துடலாம்மா…

அக்கா : ஆமாம்மா.. இது வேண்டாம்.. நாம வாடகை வீட்ல இருந்தப்பவே சந்தோசமா, நிம்மதியா இருந்தோம். வேற எங்கயாவது போயிடலாம். முழுசா நமக்கே சொந்தமான வீட்ல.

அம்மா : ஆமாப்பா. அதனால தான் நான் உங்க கிட்டே அடிக்கடி சொல்லுவேன். நம்ம வாழ்க்கைல கடவுள் மட்டுமே முழுசா இருக்கணும். சாத்தானுக்கு கொஞ்சம் இடம் கொடுத்தா அவ்வளவு தான். மொபைல்ல கொஞ்ச நேரம் பாவமான காரியம் பண்ண தொடங்கினா, அதுவே நம்ம வாழ்க்கையை முழுசா காலி பண்ணிடும். 

பையன் : ஆமாம்மா.. புரிஞ்சுகிட்டேன்…. சாத்தான் உண்மையிலேயே ஒரு தந்திர சாலி தான். ஒரு சிலந்தி வலை மாதிரி பின்னி, நம்மை அதுல சிக்க வைப்பான். 

அம்மா : கரெக்டா சொன்னே.. முதல்ல உன் பிரண்டை புடிப்பான்..  அவன் மூலமா உனக்கு கொஞ்சம் கெட்ட பழக்கத்தை சொல்லித் தருவான். அப்புறம் உன் மூலமா இன்னொருத்தருக்கு சொல்லித் தருவான்.. இப்படியே பாவத்துல மூழ்கடிச்சுடுவான்.

அக்கா : ஆமாம்மா.. நானும் புரிஞ்சுகிட்டேன்… சின்ன ஒரு தப்பு தானேன்னு நான் ஆரம்பிக்கிற ஒரு விஷயம்.. நாளுக்கு நாள் வளந்துட்டே போவுது. அப்புறம் கடவுளுக்கான நேரம் குறைஞ்சு சாத்தானுக்கான நேரம் அதிகமாவுது. இனிமே நானும் அந்த பழக்கத்துல இருந்து வெளியே வர போறேன்.

அம்மா : ரொம்ப சந்தோசம்பா… இது தான் எனக்கு வேணும். அணையில ஒரு சின்ன விரிசல் விழுந்தா கூட உடனே சரி செய்யணும். இல்லேன்னா அந்த விரிசல் பெருசாகி அணையையே உடைச்சுடும். அப்புறம் அது ஊரையே அழிச்சுடும். பாவமும் அப்படித் தான். பாவத்தைக் கண்டா விலகிப் போ ன்னுபைபிள் சொல்லல, விலகி ஓடுன்னு சொல்லுது.. அவ்ளோ டேஞ்சர் அது. புலியைக் கண்டா பாய்ஞ்சு நாம ஓடற மாதிரி ஓடணும். 

அக்கா : சரிம்மா….  

பையன் : கண்டிப்பாம்மா…. 

அம்மா : சரிப்பா. தம்பி.. நீ அவருக்கு போன் பண்ணி, கருவாடை மட்டுமல்ல, வீட்டையும் எடுத்துக்கச் சொல்லு.. நமக்கு இந்த வீடே வேண்டாம். நாம இன்னிக்கே கிளம்பலாம்….

பையன் : சரிம்மா… 

காட்சி 10 

( அம்மா, போனில் பேசுகிறார் )

அம்மா : என்னங்க.. நம்ம பிளான் வர்க் அவுட் ஆச்சு… நம்ம பாஸ்கர் வீட்ல தங்கற மாதிரி செட் பண்ணி… நாம நினைச்சபடியே எல்லாம் நடந்துச்சு. பசங்க திருந்திட்டாங்க. தப்பு பண்ணிட்டிருந்தோம்ன்னு அவங்க ரியலைஸ் பண்ணிட்டாங்க.

அம்மா : ஆமா.. பாஸ்கர் தான் பாவம். ஒரு வாரம் வீட்டை விட்டு வெளியே தங்கியிருந்தாரு.. நமக்காக.. நம்ம பிள்ளைங்களை சரி பண்ணணும்ன்னு…  கருவாட்டுக் பை யை எல்லாம் தூக்கிட்டு அலைஞ்சாரு… எஸ்..எஸ்…. நான் போண் பண்ணி தேங்க்ஸ் சொல்லிட்டேன். 

அம்மா : சரி..நீங்க வரும்போ…புது பிள்ளைங்களைப் பாப்பீங்க.. வைக்கிறேன்.

——

 

கற்றுக் கொள்ளும் பாடம் 

*

பார்த்தீர்களா… ஒரு ஆணி தானே இருந்து விட்டுப் போகட்டும் என நினைத்தது கடைசியில் அந்த குடும்பத்தை வீட்டை விட்டே வெளியேற வைத்தது. அப்படித் தான் பாவமும், சின்ன பாவம் தானே என நம் வாழ்க்கையில் அதற்கு இடம் கொடுத்தால் அது காட்டுத் தீயாய் பரவி நம்மை அழித்துவிடும்.

கிறிஸ்தவ வாழ்க்கை என்பது நம்மை முழுமையாக இயேசுவிடம் ஒப்படைப்பதாகும். 99 சதவீதம் கிறிஸ்தவனாக இருந்தாலும் ஒருவன் பரலோகம் போக முடியாது, 100 சதவீதம் இயேசுவிடம் தன்னை ஒப்படைத்தால் மட்டுமே இரட்சிப்பு உண்டு.  

அனலும் இல்லாமல் குளிரும் இல்லாமல் இருப்பவர்களைக் குறித்து இயேசு திருவெளிப்பாடு நூலில் என்ன சொல்றாரு தெரியுமா ? “நீ குளிருமின்றி அனலுமின்றி வெதுவெதுப்பாயிருக்கிறபடியினால் உன்னை என் வாயினின்று வாந்திபண்ணிப்போடுவேன்.”  என்று. எனவே அப்படிப்பட்ட ஒரு அரைவேக்காட்டுக் கிறிஸ்தவர்களாக நாம் இருக்கவே கூடாது. 

பவுலின் போதனைகளைக் கேட்டு அதன் பால் ஈர்க்கப்பட்டாலும் அகிரிப்பா ராஜா கிறிஸ்தவ வாழ்க்கை வாழவில்லை, பாவ வாழ்க்கைக்குள் சென்றே அவனது நாட்கள் முடிகின்றன. இயேசுவின் போதனைகளைக் கேட்பதால் மட்டும் நாம் முழுமையான கிறிஸ்தவனாக மாற முடியாது. நமக்குள் இருக்கின்ற கிறிஸ்துவுக்குப் பிடிக்காத விஷயங்கள் முழுவதையும் நீக்கி விட வேண்டும். 

இதயத்தின் ஒரு ஓரத்தில் பாவத்துக்கு இருக்கை போட்டுக் கொடுத்துக் கொண்டு, மற்ற இடங்களிலெல்லாம் இயேசுவை அமர வைக்க முடியாது. பாவம் வாசலில் படுத்திருக்கும், அலகை கர்ஜிக்கும் சிங்கம் போல நம்மைத் தாக்க தருணம் பார்த்துக் கொண்டிருக்கும். நாம முழுமையாக இறைவனிடம் இருந்தால் மட்டுமே அவற்றை மேற்கொள்ள முடியும். 

நமது இறைவன் நம் மீது அளவு கடந்த அன்பு வைத்திருக்கிறார், நம்மை முழுமையாய்க் கொடுத்தால் மட்டுமே அவர் ஏற்றுக் கொள்கிறார். பவுல் தனது வாழ்க்கையை முழுமையாக இயேசுவிடம் ஒப்படைத்தார். அதனால் தான், “நான் கிறிஸ்துவைப்போல் நடப்பதுபோன்று நீங்களும் என்னைப்போல் நடங்கள்” என அவரால் சொல்ல முடிந்தது. நீங்கள் என்னைப் போல் ஆகுங்கள் என்கிறார் அவர். அப்படித் துணிச்சலாய் சொல்லக் கூடிய கிறிஸ்தவ வாழ்க்கையை நாமும் வாழ்வோம். அதற்காய் நம்மை முழுவதுமாக இறைவனிடம் ஒப்படைப்போம்.

நன்றி

Posted in Articles, Sunday School

SKIT – தனித்துவமானவன்

காட்சி 1

( ரயன் சோகமாக இருக்கிறான்.. பந்தை தட்டிக் கொண்டே ) 

ரெய்னா : என்ன தம்பி, ரொம்ப சோகமா இருக்கே.. பொதுவா இப்படி இருக்க மாட்டியே… 

ரயன் : ஒண்ணும் இல்ல.. விடு.

ரெய்னா : கப்பல் கவுந்த மாதிரி இருந்துட்டு.. ஒண்ணுமே இல்லேன்னு சொல்றே… 

ரயன் : ஆமா.. கப்பல் கவுந்தா மட்டும் தான் சோகமா இருக்கணுமா என்ன ?

ரெய்னா : சரி, அப்போ என்ன விஷயம்ன்னு சொல்லு…

ரயன் : இல்ல.. ஸ்கூல்ல என்னை புட்பால் மேட்ச்ல சேத்துக்கல.. அதான் கடுப்பாயிட்டேன்.

ரெய்னா : ஓ… அப்போ சரிதான்.. புட் பால் தான் உனக்கு உயிராச்சே.. அதுல இடமில்லேன்னா கடுப்பில்லாம எப்படி இருப்பே.. சரி, சரி.. எனக்கு படிக்க நிறைய இருக்கு, கதை பேசிட்டிருக்கேன்னு திட்டு விழும் நான் போறேன்.

காட்சி 2

( அம்மா வருகிறார் ) 

அம்மா : அக்கா இப்போ தான் சொன்னா… புட் பால் டீம்ல உனக்கு இடம் கிடைக்கலையா ? 

ரயன் : ம்ம்… ஆமாம்மா…. கிடைக்கல… 

அம்மா : ஏன் என்னாச்சு ? 

ரயன் : நான் ஷார்ட்டா இருக்கேன்னு சொல்லிட்டாரு மாஸ்டர். 

அம்மா : ஸ்கூல்ல எல்லா வருஷமும் நீ விளையாடிட்டு தானே இருக்கே… இப்போ என்னாச்சு ? அப்படி ரூல் எதுவும் கிடையாதே… 

ரயன் : காம்பெட்டிஷனுக்கு போணும்ன்னா ஹைட் இவ்ளோ இருக்கணும்ன்னு ஸ்கூல்ல ஒரு புது ரூல் போட்டிருக்காங்க.. அதான் என்னால ஜாயின் பண்ண முடியல. 

அம்மா : சரி விடுடா… அதுக்கு போயி வருத்தப்பட்டுட்டு..

ரயன் : என்னை விட சொத்தையா விளையாடறவங்க எல்லாம் டீம்ல இருக்காங்க, என்ன குள்ளப் பயன்னு கிண்டல் வேற பண்றாங்கம்மா… 

அம்மா : சொல்றவங்க சொல்லிட்டு தாண்டா இருப்பாங்க.. நீ கவலைப்படாதே. கடவுள் ஒவ்வொருத்தரையும் ஒவ்வொரு விதமா படைச்சிருக்காரு.. ஏன்னா ஒவ்வொருத்தரும் கடவுளோட திட்டத்தில ஒவ்வொரு வேலை செய்றாங்க.. அதான். 

ரயன் : பட்.. புட்பால் தான் என்னோட டிரீம்… ஹைட்டுக்கு நான் என்ன பண்ணணும்… 

அம்மா : டேய்.. ஹைட்டும், வெயிட்டும், கலரும் எல்லாம் கடவுள் தரது. அதைப்பற்றி நாம கவலைப்படவே கூடாது. உனக்குன்னு கடவுள் ஏதோ ஒண்ணை ஸ்பெஷலா வெச்சிருக்காருன்னு அர்த்தம்

ரயன் : அப்படியெல்லாம் இல்லம்மா… ஐ ஆம் எ லூசர்… 

அம்மா : அட… கடவுளோட படைப்புல எல்லாத்துக்கும் ஒவ்வொரு ஸ்பெஷல். உதாரணமா ஒரு மியூசிக் குரூப் இருக்குன்னா, கீபோர்ட், கிட்டார், வயலின், ஃபுலூட் இப்படி எல்லாமே இருக்கும். ஒவ்வொண்ணுக்கும் ஒவ்வொரு இசை…. ஒவ்வொன்னுக்கும் ஒவ்வொரு ஸ்பெஷல். எல்லாமே கீபோர்டாகவோ, கிட்டாராவோ இருந்தா நல்லா இருக்காதுல்ல… அதான். உலகம் முழுக்க ஒரே மாதிரி பூ இருந்தா நல்லா இருக்குமா ? உடல் முழுசும் கண் மட்டுமே இருந்தா நல்லா இருக்குமா… 

ரயன் : அதெல்லாம் சரிம்மா.. ஆனாலும்… இது ஒரு குறை தானே.

அம்மா : நான் ஒரு இண்டரஸ்டிங் விஷயம் சொல்றேன்… உனக்கு ரொம்ப புடிச்ச பவுல் பத்தி தெரியுமா உனக்கு ? கடந்த இரண்டாயிரம் ஆண்டுகளா நாம அவரோட எழுத்துகளை தான் வாசிச்சு வாசிச்சு கடவுளோட அன்பை ருசிச்சிட்டிருக்கோம். ஆனா அவரு ரொம்ப குள்ளம் தெரியுமா ?

ரயன் : என்னம்மா சொல்றீங்க ? பவுல் குள்ளமா ? அவரு குதிரைல ஏறி பயங்கர வில்லத்தனம் பண்ணினவராச்சே.

அம்மா : எஸ்.. அவரு ரொம்ப குள்ளமானவர்ன்னு ஒரு பழைய கால சுருளேடு சொல்லுது. சொல்லப்போனா, அவரு உன்னை விட ரொம்பக் குள்ளமா இருந்திருப்பாருன்னு நினைக்கிறேன். 

ரயன் : நிஜமாவா சொல்றீங்க ?

அம்மா : ஆமாடா.. அவருக்கு ‘ஷார்ட் மேன்ஸ் காம்ப்ளெக்ஸ்’ இருந்துச்சு, அதனால தான் கிறிஸ்தவர்களை எல்லாம் வேட்டையாடி தன்னோட குறையை மறச்சிட்டு இருந்தாருன்னு விவிலிய அறிஞர்கள் சொல்றாங்க.

ரயன் : ஓ.. ஆச்சரியமா இருக்கே..

அம்மா : இயேசுவால் அழைக்கப்பட்ட பிறகு அவர்க்கு தன்னோட உடம்புல எந்த குறையும் தெரியல. தான் ஸ்பெஷல்ன்னு மட்டும் அவருக்கு தெரிஞ்சுது. அவரை கடவுள் எப்படி பயன்படுத்த நினைச்சாரோ, அதுக்கு ஒப்புக்கொடுத்தாரு. அதனால தான் இன்னிக்கு இவ்ளோ பெரிய அப்போஸ்தலரா இருக்காரு. 

 

ரயன் : நம்பவே முடியலம்மா…  ரொம்ப அருமையா இருக்கு.. உற்சாகமாவும் இருக்கு…

அம்மா : இன்னொரு விஷயமும் சொல்றேன்.. எல்லாருமே பவுல் மாதிரி பாப்புலராகணும்ன்னும் இல்லை. கடவுள் ஒவ்வொருவரையும் ஒவ்வொரு பணிக்காக ஸ்பெஷலா சூஸ் பண்ணி வைப்பாரு.. அதுல நாம சிறப்பா பணி செஞ்சா போதும். சில டைம்ல நாம அழகா வெளியே தெரிவோம் முகம் மாதிரி… சில டைம்ல  வெளியே தெரியவே மாட்டோம்… ஹார்ட் மாதிரி… அதுக்காக முகம் தான் பெருசு, ஹார்ட் தேவையில்லைன்னு சொல்ல முடியுமா ?

ரயன் : அதெப்படி சொல்ல முடியும்.. ஹார்ட் இல்லேன்னா, லைஃபே இல்லையே…

அம்மா : கரெக்ட்.. அப்படி தான்.. பவுல் கூட நிறைய பேரு பின்னணியில நின்னு ஹெல்ப் பண்ணினாங்க. உதாரணமா ஆக்ஸ் 27 வாசிச்சேன்னா நிறைய இடத்துல நாங்கள்.. நாங்கள்..நாங்கள்ன்னு வரும். ஆனா அந்த நாங்கள் யாருன்னே வெளியே தெரியாது.. ஆனா அவங்களையும் கடவுள் மிக முக்கியமான விஷயத்துக்குப் பயன்படுத்தியிருக்காரு. அதனால நீ எதுக்கும் கவலைப்படாதே.. சரியா… 

ரயன் : உண்மை தான்ம்மா… நீங்க சொல்றது எனக்கு சந்தோசமா இருக்கு..

அம்மா : கடவுள் நமக்காக ஒரு திட்டம் வெச்சிருக்காருன்னு நம்பினா எல்லாமே சந்தோசம் தான். லாசரை இயேசு உயிர்த்தெழ வெச்சாருன்னு தெரியும். ஆனா லாசர் உடம்பு சரியில்லாம கிடக்கிறதை இயேசுகிட்டே ஒருத்தர் போய் சொன்னாருல்லயா ? அவருக்கான பணி அது ! யோசேப்பு எகிப்தோட ஆளுநர் ஆனாரு, ஆனா அவரை குழியில இருந்து விலைக்கு வாங்கி எகிப்து வரைக்கும் கொண்டு போனவங்க யாரு ? தெரியாது. ஆனா கடவுளோட திட்டத்துல அவங்களுக்கும் பங்கிருக்கு.

ரயன் : சூப்பர்ம்மா…. இனிமே எனக்கு தாழ்வு மனப்பான்மையே வராது.. குள்ளமா இருந்தா என்ன, உயரமா இருந்தா என்ன கடவுள் எனக்கு என்ன வெச்சிருக்காரோ, அதை தான் நான் செய்வேன். 

அம்மா : அதுக்காக குள்ளமா இருக்கிறவங்க சாதிக்க மாட்டாங்கன்னு இல்ல… உலக உதாரணம் கூட நிறைய உண்டு, வின்ஸ்டன் சர்ச்சில் குள்ளமான ஆளு, சார்லி சாப்ளின் குள்ளமான ஆளு, உலகப் புகழ் பெற்ற ஓவியர் பிக்காசோ குள்ளமான ஆளு, நம்ம மகாத்மா காந்தி கூட குள்ளமான ஆளு தான் உயரத்துல பெருமைப்படவும் ஒண்ணுமில்ல, குள்ளமா இருந்தா கவலைப்படவும் ஒண்ணுமில்லை, எல்லாமே கடவுளோட படைப்பு தான். 

ரயன் : இப்போ ஹேப்பியா இருக்கும்மா.. நான் கூட சண்டேஸ் கிளாஸ்ல ஏமி கார் மைக்கேல் பற்றி படிச்சிருக்கேன். அவங்க கண்ணு பிரவுணா இருக்குன்னு கவலைப்பட்டிருக்காங்க. ஆனா பிற்காலத்துல அவங்க இந்தியா வந்தப்போ அது தான் அவங்களை காப்பாத்தியிருக்கு, நல்லா பணி செய்யவும் வெச்சிருக்கு.

அம்மா : எஸ்.. கரெக்டா சொன்னே..  நாம இப்படி இருக்கிறது கடவுளோட திட்டம். அதனால எப்படி இருக்கிறோமோ அதுல ரொம்ப சந்தோசமா இருக்கணும். ஏன்னா, அப்போ தான் கடவுள் நமக்கு வெச்சிருக்கிற திட்டத்தை நாம நிறைவேற்ற முடியும். 

ரயன் : சரிம்மா… 

( பாடல் )

கடவுள் பாரபட்சம் பார்க்காதவர். அவர் நம் ஒவ்வொருவரையும் ஒவ்வொரு விதமாகப் படைத்திருக்கிறார். நம் ஒவ்வொருவருக்கும் ஒவ்வொரு பணியைத் தந்திருக்கிறார். நாம் நம்மைக் குறித்தோ, நமது தோற்றத்தைக் குறித்தோ, நமது பணியைக் குறித்தோ தாழ்வு மனப்பான்மை கொள்ளவே கூடாது. அது படைத்த ஆண்டவரின் அன்பை அவமானப் படுத்துவதாகும். நமக்கு இறைவன் என்ன பணியை வைத்திருக்கிறாரோ, அந்தப் பணியை நாம் முழு மனதுடனும், மகிழ்வுடனும் செய்யப் பழக வேண்டும். பிறரைப் போல ஆவதல்ல, இயேசுவைப் போல ஆவதே நமது இலட்சியமாக இருக்க வேண்டும். நன்றி. 

Posted in Articles, Sunday School

SKIT-தாமதம் நல்லது

தாமதம் நல்லது

காட்சி 1

( இரயில்வே நிலையம் ஒன்றில் ரயன் காத்திருக்கிறான் )

ரயன் : அப்பா… மணி அஞ்சு ஆச்சு, இன்னும் கொஞ்ச நேரத்துல டிரெயின் வரும். சீக்கிரம் வீட்டுக்கு போனா கொஞ்சம் ரெஸ்ட் எடுக்கலாம். 

( அங்கும் இங்கும் நடக்கிறான் )

ரயன் : டிரெயினைக் காணோமே …

( அறிவிப்பு : பயணிகளின் கனிவான கவனத்துக்கு. சென்னை செல்லும் இரயில் வண்டியானது ஒரு மணி நேரம் தாமதமாக வரும். தடங்கலுக்கு வருந்துகிறோம் )

ரயன் : வாட்… ஒன் அவர் லேட்டா ! ஓ.. மை.. காட்…

ரயன் : (கோபத்தில் அங்கும் இங்கும் பார்க்கிறான்.. தரையை உதைக்கிறான் ) ! சே… இந்த நம்ம கெட்ட நேரம் இன்னிக்கு பாத்தா இப்டி லேட்டா வரணும். ஏற்கனவே டயர்டா வேற இருக்கு.. இதுல இங்க காக்க வெச்சுட்டாங்க. 

( அங்கும் இங்கும் நடக்கிறான், புலம்புகிறான் , போன் எடுத்து பேசுகிறான் )

ரயன் : ஆமாம்மா… சே… கடுப்பா இருக்கு..ஒன் அவர் லேட்டாம். …. ஆமா என்ன பண்றது ! சரி… ஒன் அவர் ந்னு சொல்லிட்டு மறுபடியும் லேட் பண்ணினாலும் பண்ணுவாங்க. 

( …. ) 

ரயன் : சரிம்மா… ம்ம்ம் ஒரு டீ குடிச்சிட்டு… ஏதாச்சும் பண்ணி டைமை விரட்டறேன். 

( வாட்சைப் பார்க்கிறான் )

ரயன் : ( மனசுக்குள் ) டைமே போக மாட்டேங்குது… கொஞ்ச நேரம் விளையாடலாம்.. ( வீடியோ கேம் விளையாடுகிறான் )… சே.. பேட்டரி வேற கம்மியா இருக்கு.. வீடு போய் சேர்ர வரைக்கும் பேட்டரி இருக்குமா தெரியல. அங்கே ஒரு சார்ஜிங் செண்டர் உண்டு அங்கே போய் போடலாம். 

( போகும் போது வழியில் ஒரு முதியவர் உட்கார்ந்திருக்கிறார். அவரை தெரியாமல் மிதிக்கிறான் )

ரயன் : யோவ்.. பெரியவரே.. கொஞ்சம் தள்ளி உக்காந்திருக்கக் கூடாது ? நடக்கவும் உடமாட்டாரு.. கடுப்பா இருக்கிற நேரத்துல வந்து காலை நீட்டிகிட்டு… ச்ச்ச்சை….

( அப்போது ஒரு அம்மா.. மூச்சு முட்ட இரண்டு பைகளை தூக்கிக் கொண்டு வருகிறார். ) 

ரயன் : ( மனசுக்குள் ) வயசான காலத்துல விட்ல கிடக்க தெரியாது.. பொட்டியைத் தூக்கிட்டு ஏதோ பாரின் போற மாதிரி.. பாத்தா உள்ளே ரேஷன் அரிசி தான் இருக்கும்…. ம்ம்

( அறிவிப்பு : பயணிகளின் கனிவான கவனத்துக்கு. சென்னை செல்லும் இரயில் வண்டியானது மேலும் அரை மணி நேரம் தாமதமாக வரும். தடங்கலுக்கு வருந்துகிறோம் ) 

ரயன் : ( கோபத்தில் கையை குத்துகிறான் )

காட்சி 2

( அதே ரயில்வே நிலையத்தில் இன்னொரு இடத்தில் ரெய்னா நிற்கிறார் )

( அறிவிப்பு : பயணிகளின் கனிவான கவனத்துக்கு. சென்னை செல்லும் இரயில் வண்டியானது ஒரு மணி நேரம் தாமதமாக வரும். தடங்கலுக்கு வருந்துகிறோம் )

ரெய்னா : ஓ.. இன்னிக்கு ஒன் அவர் டிலேவா… ம்ம்.. சரி, என்ன பண்ண.. நாம பைபிள் படிப்போம். கைல சின்னதா ஒரு பைபிள் இருக்கிறது எவ்ளோ நல்ல விஷயமா இருக்கு )

( ரெய்னா பைபிள் படித்துக் கொண்டிருக்கிறார்.. சுவாரஸ்யமாக… ) 

( அப்போது ஒரு அம்மா … பையைத் தூக்கியபடி கஷ்டப்பட்டு நடந்து வந்து கொண்டிருக்கிறார் )

(ரெய்னா.. ஓடிப் போகிறாள். )

ரெய்னா : அம்மா.. இங்க குடுங்கம்மா.. எங்க போறீங்க.. ஆட்டோ புடிக்கவா..

அம்மா : வெளியே போணும்.. அங்க போனா பஸ்ஸைப் புடிச்சு போயிடுவேன்.. இந்த ஸ்டெப்ஸ் ஏற தான் கஷ்டமா இருக்கு

ரெய்னா : நோ.. பிராப்ளம்ம்மா.. எனக்கு ஒரு மணி நேரம் லேட் தான் ட் ரெயின். ஜீசஸ் தான் எனக்கு இந்த டைம் குடுத்திருக்காரு, உங்களுக்கு ஹெல்ப் பண்ண..

அம்மா : ஜீசஸா.. அது யாரும்மா.. 

ரெய்னா : வாங்கம்மா.. நான் நடந்துட்டே சொல்றேன்.. அது ஒரு அற்புதமான கதை..

அம்மா : ம்ம்.. நீ ரொம்ப நல்ல புள்ளையா இருக்கேம்ம்மா

ரெய்னா : இயேசப்பா அப்படி இருக்கச் சொல்லியிருக்காரும்மா.. அதான்

அம்மா : அதாரும்மா இயேசப்பா… 

ரெய்னா : ஓ.. ஜீசஸ் தான் இயேசப்பா.. நான் உங்களுக்கு அவரைப் பற்றி எல்லாம் சொல்றேன்.. வாங்க… 

அம்மா : ம்ம்.. சொல்லும்மா.. கேட்டுட்டே நடக்கறேன்… 

ரெய்னா : நம்மளோட பாவத்தையெல்லாம் நீக்கி சொர்க்கத்துல சேக்கிறதுக்காக வந்தவர் தான் இயேசு. அவர் கடவுளோட மகன். இந்த உலகத்தையே படைச்சது அவர் தான். ( அப்படியே இசை )

( அந்த அம்மாவைக் கொண்டு விட்டு விட்டு திரும்ப வருகிறார். அப்போது அந்த முதியவர் வழியில் அமர்ந்திருக்கிறார். )

ரெய்னா : தாத்தா.. என்ன இங்கே உக்காந்திருக்கீங்க.. இப்படி ஓரமா உக்காருங்க. ( பையைத் திறந்து சாப்பிட எதையோ கொடுக்கிறாள் ) இதா.. சாப்பிடுங்க. எங்க போணும் ?

தாத்தா : ம்ம்.. தெரியலம்மா… எங்க போணும்ன்னு தெரியல… 

ரெய்னா : ஓ.. உங்க வீட்ல யாரும் இல்லையா ? 

தாத்தா : வீடு.. வீடு.. பசங்க இருக்காங்க.. அவங்க தான் இங்கே கொண்டு போட்டாங்க.. அவங்க இப்போ எங்கே இருக்காங்கன்னு தெரியல… ம்ம்..

ரெய்னா : கவலைப்படாதீங்கய்யா.. தண்ணி வேணுமா ? வேற யாராச்சும் இருக்காங்களா உங்களுக்கு ?

தாத்தா : எனக்கு .. எனக்கு யாருமே இல்லை… இல்லை

ரெய்னா : ஏன் யாருமே இல்லேன்னு நினைக்கிறீங்க. உங்களை தன்னோட உயிரா நேசிக்கிற ஒருத்தரு இருக்காரு தெரியுமா ?

தாத்தா : ஹி..ஹி.. என்னையா.. நேசிக்கவா…

ரெய்னா : உண்மை தான் தாத்தா.. அவரு பேரு இயேசு..

தாத்தா : அவரு ஏன் என்னை நேசிக்கணும் ? அவருக்கு என்னை தெரியுமா ? 

ரெய்னா : அவருக்கு எல்லாரையும் தெரியும். நீங்க பிறக்கிறதுக்கு முன்னாடியே உங்க பெயரை தெரிஞ்சு வெச்சிருக்கிறவரு அவரு.. .உங்களை தன்னோட கண்ணின் மணியா பாத்துக்கிறவரு…

தாத்தா : ம்ம்ம்.. சொல்லு சொல்லு.. இப்படி யாரும் சொன்னதே இல்லையே.. நீ என் பொண்ணு மாதிரிம்மா.. சொல்லு சொல்லு..

ரெய்னா :  சொல்றேன் தாத்தா அது ஒரு அற்புதமான கதை. நம்ம தலைமுடியை எல்லாம் எண்ணி வெச்சிருக்கிற கடவுள் அவரு. நம்மளை ரொம்ப ரொம்ப நேசிக்கிற கடவுள் அவரு. நாம எல்லாம் பாவத்துல அழிஞ்சிடக் கூடாதுன்னு தன்னோட ஒரே மகனை அவரு இந்த பூமிக்கு அனுப்பினாரு.. அவரு நமக்காக இங்கே வந்து.. சிலுவையில உயிர் விட்டாரு. அவரை யாரெல்லாம் நம்பறாங்களோ அவங்களையெல்லாம் அவரு சுவர்க்கத்துல கூட்டிட்டு போவாரு. ஏன்னா, அவரு எல்லாரையும் நேசிக்கிறாரு.. அவரை நம்புங்க சரியா… எனக்கு டிரெயினுக்கு டைம் ஆச்சு…..… 

( அறிவிப்பு : பயணிகளின் கனிவான கவனத்துக்கு. சென்னை செல்லும் இரயில் வண்டியானது மேலும் அரை மணி நேரம் தாமதமாக வரும். தடங்கலுக்கு வருந்துகிறோம் ) 

ரெய்னா : இன்னும் அரைமணி நேரம் லேட்டாம்.. ரொம்ப நல்லது.. அப்போ எல்லா கதையும் சொல்றேன்ன்…. முதல்ல நான் உங்களுக்கு டீ வாங்கிட்டு வரேன்.. குடிச்சிட்டே பேசலாம்.. சரியா… 

காட்சி  3

( ரெய்னாவும், ரயனும் வீட்டில் வருகின்றனர் )

அம்மா : வாங்கப்பா.. ஏன் இன்னிக்கு ரொம்ப லேட்டா 

ரயன் : சே..சே..சே.. செம கடுப்பாயிடுச்சு.. ரெஸ்ட் எடுக்க வேண்டிய டைம் எல்லாம் ஸ்றெஸ் ஆ போச்சு… என்ன பண்ண.. இந்த ரயில்வேயும்… ம்ம்ம்ம்.. வாயில பேட் வேர்ட்ஸ் வருது.

அம்மா : ஏண்டா… கொஞ்ச நேரம் லேட்டானதுக்கு ஏன் இவ்ளோ டென்ஷனாகிறே… ரெய்னா.. நீ எந்த டிரெயின்ல வந்தே.. கூலா இருக்கே

ரெய்னா : அதே டிரெயின் தாம்மா.. எனக்கு டைம் போனதே தெரியல.. 

ரயன் : ஆமா.. இவ வழக்கம் போல யாருக்காவது ஹெல்ப் பண்றேன்னு சுத்திட்டு திரிஞ்சிருப்பா… அவளுக்கென்ன ..

ரெய்னா : உண்மை தான்.. ரெண்டு பேருக்கு நற்செய்தியை அறிவிக்க கடவுள் எனக்கு ஹெல்ப் பண்ணினாரு. அதுக்காகத் தான் ஒன்னரை மணி நேரம் டிரெயினை லேட்டாக்கினாரு.

ரயன் : நீ ..சுவிசேஷம் சொல்ல என்னை வெயிட் பண்ண வெச்சாராக்கும்

ரெய்னா : அப்படியில்லை.. நற்செய்தி அறிவிக்க முடியலேன்னா. பைபிள் படிச்சிட்டிருப்பேன். நற்செய்தியை அறி.. நற்செய்தியை அறிவி.. அதான் என்னோட காத்திருத்தல் நேரத்தோட மோட்டோ..

ரயன் : ஆமா. பெரிய மோட்டோ… சோட்டோ

அம்மா : அவ சொன்னதுல என்னப்பா தப்பு.. கரெக்டா சொல்லியிருக்கா…

ரயன் : அம்மா இவளை மாதிரி யாராச்சும் இருப்பாங்களா ?

அம்மா : அக்கா மாதிரி நிறைய பேரு இருக்காங்க. உண்மையிலேயே கடவுளைப் பற்றி பிறருக்கு அறிவிக்கணும்ன்னு ஆசை இருக்கிறவங்க எல்லாம் அதைத் தான் பண்ணுவாங்க. 

ரயன் : ஒரு ஆளை சொல்லுங்க பாப்போம்..

அம்மா : உதாரணமா பவுலை எடுத்துக்கோ. ஒரு கடற் பயணம் போறாரு. போற வழியிலயும் நற்செய்தி அறிவிக்கிறாரு. ஒரு தீவுல கொஞ்ச நாள் தங்க வேண்டி வருது. அங்கயும் நற்செய்தி அறிவிக்கிறாரு. ரோம்ல போய் வீட்டுச் சிறையில அடைக்கப்படறாரு. அங்கயும் நற்செய்தி அறிவிக்கிறாரு. ஒரு தடவை ஜெயிலுக்குள்ள வேற யாரும் இல்லாதப்போ ஜெயிலருக்கே நற்செய்தி அறிவிக்கிறாரு.

ரயன் : ஓ..  பவுல் வாழ்க்கை சுவாரஸ்யமா இருக்கும்மா

அம்மா : நற்செய்தி அறிவித்தல் நம்மேல் விழுந்த கடமை. அதை செய்யலேன்னா பாவம். அதை எப்பல்லாம் வாய்ப்பு கிடைக்குதோ அப்பல்லாம் செய்யணும்பா.. ஓய்வு நேரம், காத்திருத்தல் நேரமெல்லாம் டென்ஷனாகி உடம்பைக் கெடுத்துக்கிறதுக்கு பதிலா, கடவுளை பிறருக்கு கொடுத்துட்டு வரலாமே…

ரயன் : ம்ம்…. சரிம்மா..

அம்மா : கையில எப்பவும் ஒரு சின்ன பைபிளை வெச்சுக்கோ.. அப்போ உனக்கு எப்பல்லாம் டைம் கிடைக்குதோ அப்பல்லாம் படிக்கலாம். அப்படி தொடர்ந்து படிச்சுட்டே இருந்தேன்னா, உனக்கும் கடவுளைப் பற்றி பேசணும்ன்னு ஆர்வம் வரும்.

ரயன் : சரிம்மா.. இனி நான் அப்படியே பண்றேம்மா… 

அம்மா : சரி, சரி.. டயர்டா இருப்பீங்க.. கை கால் கழுவிட்டு வாங்க காபி போட்டு தரேன்.

*