Posted in Desopakari

அருட்பணியில் கிறிஸ்துவின் மாதிரி

அருட்பணியில் கிறிஸ்துவின் மாதிரி

*

ஆதித் திருச்சபைக் காலம் தொடங்கி, இன்று வரை அருட்பணியாளர்களின் பங்களிப்பே கிறிஸ்தவத்தின் முதுகெலும்பாக இருக்கிறது. காலங்கள் தோறும் அருட்பணியாளர்களின் செயல்கள் விமர்சனத்துக்கு உள்ளானாலும், அனைத்தையும் தாண்டி இன்று கிறிஸ்தவம் ஆல் போல் தழைத்து நிற்பதற்கு பெரும்பங்காற்றிய அருட்பணியாளர்களை எப்போதும் நன்றியுடன் நினைவு கூரவேண்டியது நம் கடமையாகும் !

பணியாளர் என்பவர் தலைவருக்கு மேலானவர் அல்ல, என்றார் இறைமகன் இயேசு. அவரே தன்னை ஒரு பணியாளராய் மாற்றிக் கொண்டு செயல்பட்டார். விண்ணரசை மண்ணில் கட்டியெழுப்பும் பணியில் அவர் தன்னை அனைவரிலும் கடையனாக்கிக் கொண்டு செயல்பட்டார். தலைவனாய் இருக்க விரும்புகின்றவர் எல்லோருக்கும் பணியாளராய் இருக்க வேண்டும் எனும் மாபெரும் முரணை, வாழ்வியல் தத்துவமாய்த் தந்து சென்றவர் இயேசு மட்டுமே ! 

அருட்பணி என்று சொல்லும் போது இறைவனின் பணியைச் செய்யும் அனைவருமே ஒருவகையில் அருட் பணியாளர்கள் தான். இதில் முழுநேரப் பணியாளர், பகுதி நேரப் பணியாளர் என்று சொல்வது கூட ஒரு வகையில் தவறு தான். ஒரு பணியாளர் தன்னகத்தே பணிவையும், தான் பணியாளர் எனும் சிந்தனையையும் முழு நேரமும் கொண்டிருக்கிறார். எந்தப் பணியைச் செய்தாலும் அதை அருட்பணியாய் நினைத்தே செய்கிறார். எனவே வாழ்க்கையே ஒரு அருட்பணி என்பது தான் சிறப்பானதாகும். 

பவுல் சொல்வது போல, எதைச் செய்தாலும் இறைவனுடைய பெயரின் புகழ்ச்சிக்காகச் செய்வது அருட்பணியாய் மாறிப் போகிறது ! அப்போது தான் நமது வாழ்க்கை பிறருக்குப் பாடமாகிறது. நமது பாடம் பிறருக்கு வாழ்க்கையாகிறது. 

அருட் பணி சிறப்பாய் நடக்க தேவையானது ஒன்றே ஒன்று தான் ! அருட்பணியில் நாம் இறைமகன் இயேசு கிறிஸ்துவின் மாதிரியைப் பின்பற்ற வேண்டும் !

நம்மிடையே பல விதமான அருட்பணிச் சிந்தனையாளர்கள் உண்டு. சிலரை  பவுலியன்ஸ் என அழைக்கலாம். அவர்கள் எப்போதுமே பவுல் பேசுகிறார் என்றே முன்னிலைப்படுத்திப் பேசிக்கொண்டிருப்பார்கள். அவர்களுடைய பேச்சில் எப்போதும் திருமுகங்களே முகம் காட்டும். இயேசுவின் போதனைகள் இரண்டாம் இடத்துக்கு இடம் பெயரும். 

சிலரை தாவீதியன்ஸ் என அழைக்கலாம். அவர்களுடைய பேச்சுகளில் பெரும்பாலும் சங்கீதங்களே சாரலடிக்கும். அது வாழ்த்தானாலும், சாபமானாலும், எச்சரிக்கையானாலும் தாவீதின் மொழிகளே தலைகாட்டும். தாவீதின் மகன் இயேசுவின் போதனைகள் பின் இருக்கைக்குத் தள்ளப்படும்.

இப்படி சாலமனியன்ஸ், மோசேயியன்ஸ், எசாயாயியன்ஸ் என பல பிரிவுகளை நாம் கிறிஸ்தவத்தில் பார்க்கலாம். உண்மையில் நாம் கிறிஸ்டியன்ஸ் - என அழைக்கப்பட வேண்டுமெனில் நமது வாழ்விலும், செயலிலும், பேச்சிலும் கிறிஸ்துவே வெளிப்பட வேண்டும். பவுலை விட, தாவீதை விட, மற்ற யாரையும் விட கிறிஸ்துவே நம்மை ஆக்கிரமித்து முன்னே நிற்கும் போது தான் நாம் உண்மையான கிறிஸ்தவர்கள் எனும் பெயருக்கு உரியவர்களாகிறோம். 

கிறிஸ்துவை மாதிரியாய்க் கொண்டு அருட்பணியாற்றுவது தான் மிகச் சிறந்த அருட்பணி என்பதில் மாற்றுக் கருத்தே இல்லை.  

முன்மாதிரிகையான வாழ்க்கை !

இயேசுவின் வாழ்க்கைக்கும், வார்த்தைக்கும் இடையே இடைவெளி இருந்ததில்லை. மன்னிப்பைப் போதித்து விட்டு, தனியே போய் அவர் வெறுப்பை விதைத்ததில்லை. பொது வெளியில் அன்பைப் பரப்பி விட்டு, வீட்டுக்குள் விரோதத்தை வெளிக்காட்டியதில்லை. தொழுகைக் கூடங்களில் தாழ்மையைப் போதித்து விட்டு, வீட்டுக்குள் கர்வத்தைக் கொட்டியதில்லை !

அருட்பணியாளர்கள் தங்கள் வாழ்க்கையினால் போதிக்க வேண்டும். ‘போதகத்தைப் பார், போதகரைப் பார்க்காதே’ என்பது போலிகளின் வாதம் என்பதை இயேசுவே சொல்கிறார். நமது வாழ்க்கையும், நமது வார்த்தையும் எப்போதும் இறைவனை பிரதிபலிப்பதே மிகச் சரியான அருட்பணி வாழ்க்கை.

கற்றுக் கொள்ளும் வாழ்க்கை !

இயேசு கற்றுக் கொண்டார். சிறு வயதிலேயே அறிவிலும் ஞானத்திலும் படிப்படியாய் வளர்ந்தார். மறை நூல்களைக் கற்றுத் தேர்ந்தார். அதனால் தான் மறை நூல் அறிஞர்களுடன் அவரால் விவாதம் செய்ய முடிந்தது. அதனால் தான் அலகையுடன் பேசும்போது இறைவாக்கைக் காட்டி மடக்க முடிந்தது. 

அருட்பணியாளர்கள் இறைவார்த்தைகளை சிறப்பாகத் தெரிந்து கொள்வதும், அதை வாழ்வியலோடு சேர்த்து புரிந்து கொள்வதும் அவசியம். வெறுமனே வார்த்தைகளை வீசி விளையாடுவதற்கானதல்ல இறை வார்த்தைகள். தேவைக்குத் தக்கபடி கத்தரித்துப் பயன்படுத்துவதற்கானவையல்ல கர்த்தரின் வார்த்தைகள். அதை முழுமையான அர்த்தத்துடன், கால சூழலுக்கு ஏற்பவும் செயல்படுத்த அறிந்திருக்க வேண்டும். வெறும் வசனங்களை வீசி கைத்தட்டல் பெறுவது பரிசேயத்தனம் என்பதைப் புரிதல் வேண்டும். 

பாலியல் தூய்மை !

மிகப்பெரிய ஆற்றல் மிக்க அருட்பணியாளர்களும் வீழ்ந்து விடுகின்ற தளம் பாலியல் தூய்மையின்மையே ! அல்லது, சாத்தானின் சோதனைகள் மிக தீவிரமாய்த் தாக்கும் தளம் பாலியல் பலவீனமே ! நமக்கு முன்னால் ஏராளமான சாட்சிகள் இருக்கின்றன. இயேசு தனது வாழ்நாளில் பெண்மையை நேசித்தார், பெண்களோடு பழகினார், பெண்ணுக்கே உயிர்ப்பின் முதல் காட்சியைத் தந்தார். ஆனால் விவிலியத்தில் எந்த இடத்திலும் அவர் மீது சந்தேகத்தின் சிறு துரும்பு கூட விழுந்ததில்லை ! வெறுப்பாளர்கள் உமிழும் கதைகளெல்லாம் காலங்கள் தாண்டிய பின்பே கற்பனையில் உருவாக்கப்பட்டிருக்கின்றன. 

அருட்பணியாளர்கள் அத்தகைய ஒரு மாதிரியை தங்களுடைய வாழ்க்கையில் கொண்டிருந்தால் ஆன்மிக வெற்றி என்பது சாத்தியப்படும். தனது உடலையும், உள்ளத்தையும் தூய்மையாய்க் காத்துக் கொள்பவரை சமூகம் வியப்புடனும், மரியாதையுடனும் பார்க்கும். பாலியலில் தூய்மை காப்பவர் காலங்கள் கடந்தும் மக்களால் பின்பற்றப்படுவார். 

அன்பால் அருட்பணி !

இயேசுவின் வாழ்க்கையை ஒற்றை வார்த்தையில் அடக்க வேண்டுமெனில், “அன்பு” என்று சொல்லிவிடலாம். அன்பையே போதித்து, அன்பையே செயல்படுத்தி, அன்பாகவே வாழ்ந்தவர் இறைமகன் இயேசு. அவரது. மாதிரியைப் பின்பற்றுவோர் கொண்டிருக்க வேண்டிய அடிப்படை குணாதிசயம் அன்பு தான். மனித நேயமும், ஏழைகளின் மீதான இரக்கமும், புறக்கணிக்கப்பட்டவர் மீதான பரிவும், சாதிமதம் கடந்த மனதுருக்கமும் இயேசுவிடம் நிரம்பியிருந்தன. அத்தகைய ஒரு மனநிலையே அருட்பணியாளரின் முக்கியமான தேவை !

திருச்சபைக்குத் தக்கபடி தங்களை மாற்றிக் கொள்வதையோ, சூழலுக்குத் தக்கபடி போதனைகளை சுருக்கிக் கொள்வதையோ இறைவன் விரும்புவதில்லை. அன்பின் செயல்களைச் செய்து, கனிகளினால் இயேசுவை அறிவிக்க வேண்டும்.

 ஆர்வத்தால் அருட்பணி !

இயேசுவின் பணியானது முழுக்க முழுக்க அவரது ஆத்மார்த்தமான ஆர்வத்தின் வெளிப்பாடாகவே இருந்தது. எந்த விதத்திலும் கட்டாயத்துக்குக் கட்டுப்பட்டதாகவோ, விருப்பமற்ற ஒன்றைச் செய்து முடிப்பதாகவோ இருக்கவே இல்லை. அவர் ஒரு நபரிடம் பேசினாலும், ஆயிரம் பேரிடம் பேசினாலும் ஒரே ஆர்வத்துடனே பேசினார். நள்ளிரவில் பேசினாலும், அதிகாலையில் பேசினாலும் ஒரே தன்மையுடனே பேசினார். காரணம் அவரது சிந்தனை முழுவதும் அருட்பணியின் ஆர்வம் நிரம்பியிருந்தது.

உமது ஆலயத்தின் மீதான ஆர்வம் என்னை எரித்து விடும் - எனும் இறைவார்த்தை அவரது ஆலய ஆர்வத்தையும், ஆண்டவர் ஆர்வத்தையும் விளக்குகிறது. எப்போதும் அவர் செபித்தலிலும், தந்தையின் சித்தத்தை நிறைவேற்றுவதிலும் அதிக ஆர்வமாய் இருந்தார். ஊனுடலின் அழைப்பைப் புறந்தள்ளி, மேலுலகின் அழைப்புக்கு ஏற்ப பணி செய்தார். அத்தகைய மனநிலை அருட்பணியாளர்களிடம் இருக்க வேண்டும். 


மொத்தத்தில் இறைமகன் இயேசுவின் குணாதிசயங்கள் நமது ஒவ்வொரு அசைவிலும் வெளிப்படும் போது அருட்பணியானது, அருமையான பணியாய் மாறிவிடுகிறது. 


*

சேவியர்
Posted in EASTER 2022

உயிர்ப்பின் முதல் காட்சி

இயேசு
உயிர்த்து விட்டார் !

இரவின் போர்வைக்குள்
வெளிச்சம்
கண்மூடிக் கிடந்த பொழுதில்
இயேசு
கண்விழித்து நடந்தார்.

வாளோடு இருந்த காவலர்களுக்குத்
தெரிந்திருக்காது !
இயேசு
வாழ்வோடு திரும்பிச் சென்ற
செய்தி !  

தூதர்கள் வந்து
அடைத்த கதவை
உடைத்த போது தான்
உதயம் நடந்திருப்பதை
இதயங்கள் புரிந்து கொண்டன !

கடவுள் வெளியேற
கதவுகள் தேவையில்லை,
மனிதன்
கண்டுணரவே
கல்லும் புரட்டப்பட்டது !

விடியலுக்கு முன்பே
துயரத்தின் தூங்காக் கண்களோடு
கல்லறை நோக்கி
விரைந்தோடினாள் 
மகதலா மரியா.

அடைபட்ட ஆதவன்
வெளியேறிய செய்தியை
அவள்
அறிந்திருக்கவில்லை !

காலியாய்க் கிடந்த கல்லறை
அவளை
கலங்கடித்தது !
கண்களில்
கண்ணீர் சுழன்றடித்தது !

இயேசு
உடலாய்க் கிடப்பார் என்றே
அவள் கருதினாள்,
தடயம் இல்லாமல்
கடத்திச் சென்றார்களோ
என தடுமாறினாள் !

இயேசு
மரியாளின் 
வாழ்வின் மையமாய் இருந்தார்
மரித்த பின்பும் !

தொடக்கம் முதல்
அடக்கம் வரை
கூடவே இருந்த மரியா ,
உயிர்த்த இயேசுவை
மரணத்தின் வீதிகளில் தேடினாள்.  

திடீரென ஒரு குரல்
திரும்ப வைத்தது !
ஏனம்மா அழுகிறாய் ?
காதுகளில் வார்த்தைகள்
வந்து விழுந்தாலும்
மரியாவின் விழிகள்
இயேசுவைத் தேடியே அலைந்தன !

யாரைத் தேடுகிறாய் ?
இயேசுவின் 
அடுத்த கேள்வி 
மரியாவை திருப்பியது.

தோட்டத்தில்
நின்றிருந்த மரியாவுக்கு
இயேசு
தோட்டக்காரராய் தெரிந்தார். 

ஐயா
இயேசுவின் உடலை
நீர் எடுத்தீரா ? மரியா கேட்டாள்.

இயேசுவோ
உடலை உடுத்துக் கொண்டு
வந்திருந்தார் !

எங்கே வைத்தீர்
என சொல்லும்,
எடுத்து வரும் வேலை கூட
உமக்கு வேண்டாம்
நானே எடுத்துச் செல்வேன் என்றாள் !

இயேசு
மரியாவின் அன்பினால்
மீண்டும் ஒருமுறை
உயிர்த்தெழுந்தார் !

இயேசு
மரியா - என அழைத்தார் !

அதுவரை
தோட்டக்காரராய் தெரிந்தவர்
சட்டென
அவளுக்கு இயேசுவாய் மாறினார். 

இப்போது
மரியா 
கவலைகளை உதறி உயிர்த்தெழுந்தார் !

இயேசு
பெயர் சொல்லி அழைக்கும் போது
இருள் விலகுகிறது
பார்வை தெளிவடைகிறது !
மரியா
பரவசத்தின் மலைகளில்
சட்டென தாவினாள்,
ரபூனி எனக் கூவினாள்.

என்னைப் 
பற்றிக் கொள்ளாதே
ஆனால்
என்னைப் பற்றிச் சொல்
என்றார் இயேசு !

உயிர்த்த இயேசுவின்
முதல் காட்சி
வியப்பின்  வெளிகளில்
அதிசய ஆடுகளாய் மேய்ந்து திரிகின்றன.

சாத்தானின்
தலையை நசுக்கி 
வெற்றி வீரனாய் வரும் இயேசு,
முன்பு
சாத்தனை விரட்டியிருந்த
மரியாவை சந்திக்கிறார் ! 

தேடுங்கள் கண்டடைவீர்கள்
என்ற இயேசு
தன்னைத் தேடியவரைச்
சந்திக்கிறார் !

அதிகாலையில் என்னைத் 
தேடுங்கள் என்றவர்
அதிகாலையில்
அற்புத தரிசனம் கொடுக்கிறார். 

இது தற்காலிக 
சந்திப்பல்ல,
காலங்களுக்கு முன்பே
கடவுள் குறித்து வைத்த சந்திப்பு.

தனது காட்சியை
இயேசு
ரோம அரசின் தலைமைக்கு
நிகழ்த்தியிருந்தால்
சட்டென
சாம்ராஜ்யம் முழுதும்
உயிர்ப்பின் செய்தி பறந்திருக்கும் !
யூதத் தலைவர்களுக்கு
இயேசு
காட்சி கொடுத்திருந்தால்
இஸ்ரேல் முழுதும்
இயேசு புகழ் பரவியிருக்கும் !

இயேசுவோ
சாதாரண மனிதருக்குக்
காட்சியளிக்கிறார்

வாழ்ந்த போது
புறக்கணிக்கப்பட்ட மக்களோடு
பயணித்தவர்,
முதல் காட்சியையும்
புறக்கணிக்கப்படும் பெண்ணினத்துக்கே
தருகிறார் !
இயேசு
பல நூறு பேருக்குக் காட்சியளித்தார்,

விவிலியம்
பதிவு செய்யாத பல்லாயிரம் பேர்
அந்தப் பட்டியலில் இருக்கலாம்.

எல்லாருக்கும் மேலாக
இங்கே
மகதலா மரியா 
முதல் வரிசையில் நிற்கிறார்.  

உயிர்த்த இறைவனை
முதலில் பார்க்கும்
பாக்கியம் பெற்றதும் இவரே தான் 

உயிர்த்த இயேசு
முதலில் பெயர் சொல்லி 
அழைத்ததும் இவரைத் தான் !
Posted in EASTER 2022

சிலுவைக் காலம் 

சதி ஆலோசனை 

 
இதோ
பாஸ்கா எனும்
விடுதலை விழா
இரண்டு நாள் தொலைவில் இருக்கிறது.

விடுதலை நாயகனை
படுகொலை செய்ய
சதி ஆலோசனை நடக்கிறது. 

தலைவனை எப்படிக் கொல்லலாம்
என,
தலைமைக் குருக்கள்
தலையைப் பிசைகின்றனர்.

இறைமகனைக் கொல்ல
மறை நூல் அறிஞர்கள்
மறைவாய் உரையாடுகின்றனர். 

கடவுளோடு வாழ்வதென
பாவிகள் முடிவெடுக்க,
கடவுளைக் கொல்வதென
மதவாதிகள் முடிவெடுக்கின்றனர்.

ஆட்சியை
அளிக்க வந்தவரை
சூழ்ச்சியால்
அழிக்க நினைக்கிறது கூட்டம்.

இரவின் சிந்தனைகளை
இருட்டுத் தளத்தில் அவர்கள்
உருட்டினார்கள்.
வெளிச்ச நாயகனை வெளியேற்ற
திருட்டுத் திட்டம் தீட்டினார்கள்.

தலைமைக் குருவின்
முற்றம்,
அங்கே தான் 
உருவாகிக் கொண்டிருந்தது
வரலாற்றின் மாபெரும் 
குற்றம் !

அவர்கள்
மக்களுக்கு அஞ்சினார்கள்,
இறைவனுக்கு
அஞ்ச மறந்தார்கள்.

இயேசுவுக்கான ஆதரவு
அவர்களை
பதற வைத்தது !
மனிதத்தின் சிந்தனைகளை
அது
சிதற வைத்தது ! 

பலி ஆடாய் வந்தவரை
பழி வாங்க நினைத்தார்கள்.

பாஸ்கா விழா
வெளிச்சத்தின் செய்தியோடு
அழைத்தது,
மதவாதிகள்
இருட்டிய இதயத்தோடு
காத்திருந்தார்கள். 

நிலைக் கால்களில்
பூசப்பட்ட இரத்தம்,
பூஜிக்கப்படுகிறது, 
நிலை வாழ்வுக்கான
இரத்தம் 
நிராகரிக்கப்படுகிறது.  

எகிப்தைத் தாண்டியதை
கொண்டாடும் மக்கள்,
பாவத்தைத் தாண்டுவதை
கண்டு கொள்ள மறந்தனர்.

சதிகளின்
அரசவைகளில்
எப்போதுமே இருக்கும்
யூதாஸ்களுக்கான இருக்கை.

அவன்
பன்னிருவருள் ஒருவனாய்
இருந்தான்,
பின்னிரவில் பின் வாங்கினான்.

அவன்
பை வைத்திருந்தான், 
பையில் கை வைத்திருந்தான் !
அதனால்
மதி யிழந்தவன் ஆனான்
சதியில் விழுந்தவன் ஆனான். 

அவன்
பரமன் நடந்த
பாதைகளில் நடந்தான், ஆனால்
பரமனின் 
பாதைகளில் நடக்கவில்லை.

அவன்
வெட்டி எறியப்பட்ட மரத்தில்
கட்டி வைக்கப்பட்ட கனியாய்
ஒட்டாமல் கிடந்தான்.

அவன்
சில்லறைகளின் சத்தத்தை
சிற்றின்ப
அறைகளில் நிரப்பினான்,
பேரன்பின் பிரவாகத்தை
ரகசியமாய் காட்டிக் கொடுக்க
ஒப்பந்தம் இட்டான். 

அவன்
சிந்தனைகள்
சாத்தானின் சக்கரத்தோடு
இணைக்கப்பட்டன.

மீட்பை வெல்லும்
வாய்ப்பை உதறிவிட்டு
மீட்பரைக் கொல்லும்
வாய்ப்புக்காய் காத்திருந்தான்.

கொலை வாள்களை
பூக்கள் கொண்டு மூடிவிட்டு,
நாட்கள்
சிலுவைக் காலத்துக்காய் காத்திருந்தன.

*

சேவியர் 
Posted in Articles

உயிர்ப்பின் அனுபவம்

உயிர்ப்பின் அனுபவம்

உயிர்ப்பிக்கும்

*

காட்சி 1

( அஸ்வின் காலையில் பைபிள் படிக்கிறான் )

அஸ்வின் மனதில் : இன்னிக்கு எப்படியாவது ஒருத்தருக்கு நற்செய்தி அறிவிக்கணும். என்ன பண்ணலாம் ? புதுசா ஐடியா பண்ணணும்.. லேட்டஸ்ட் டிரெண்டுக்கு ஏத்தபடி…

ம்ம்.. என்ன பண்ணலாம்… சரி.. பாப்போம். ஏதாச்சும் ஐடியா கிடைக்கும்….

காட்சி 2

( அஸ்வின் – அலுவலகத்தில் )

( அஸ்வினின் நண்பன் சோகமாக உட்கார்ந்திருக்கிறான் )

அஸ்வின் : ஹாய்…. என்னப்பா.. என்னாச்சு

நண்பன் : இல்லடா.. மனசே சரியில்ல… அப்ரைசல் டைம்ல பாத்து நமக்கு ஏதாச்சும் ஆப்பு வைக்கிறாங்களோன்னு பயமா இருக்கு…

அஸ்வின் : என்ன சொல்றே புரியல

நண்பன் : இல்ல, பெர்ஃபாமன்ஸ் சரியில்ல இன்னும் நீ நல்லா இம்ப்ரூவ் பண்ணணும்ன்னு மேனேஜர் சொல்றாரு.

அஸ்வின் : மேனேஜர்ஸ்னா ஒரு ஃபீட்பேக் குடுக்கத் தான் செய்வாங்க… அதுக்கு போய் டென்ஷன் ஆகறே ? என்ன பிரச்சினைன்னு பாத்து சரி பண்ணிக்கலாம்

நண்பன் : உனக்கு ஆபீஸ் பாலிடிக்ஸ் தெரியல. மார்ச் ஏப்ரல்ல உன் கிட்டே இப்படி சொல்றாங்கன்னா உனக்கு மோசமான ரேட்டிங் குடுக்கப் போறாங்கன்னு அர்த்தம். டார்கெட் பண்ணிட்டாங்களோன்னு பயமா இருக்கு..

அஸ்வின் : அப்படியெல்லாம் ஏன் கவலைப்படறே…. நீ நல்ல சின்சியரா வேலை பாக்கறவன் உனக்கு சரியான ரேட்டிங் தான் கிடைக்கும்.

நண்பன் : இல்லடா, ஒரு மன பாரமாவே இருக்கு.

அஸ்வின் : நான் உனக்காக பிரேயர் பண்றேண்டா…. “சுமை சுமந்து சோர்ந்திருப்போரே எல்லோரும் என்னிடம் வாருங்கள், உங்களுக்கு நான் இளைப்பாறுதல் தருவேன்” ந்னு இயேசு சொல்றாரு. நீ அவருகிட்டே ப்ரேயர் பண்ணு.. அவரு உனக்கு நிச்சயம் ஒரு மன நிம்மதி தருவார்.

நண்பன் : என்ன இயேசு, அது இதுன்னு பேசறே ?

அஸ்வின் : இல்லடா.. நீ தேடற நிம்மதி கண்டிப்பா இயேசு தருவார்ன்னு பைபிள் சொல்லுது..

நண்பன் : என்ன மதமாற்ற பிரசங்கமா ? நம்ம ஆபீஸ்லயேவா ?

அஸ்வின் : சே…சே ஏன் அப்படி நினைக்கிறே.. நீ சோர்வா இருந்தே அதான்..

நண்பன் : அந்த கேப்ல உன் கடவுளை விக்க பாக்கறியா ?

அஸ்வின் : ஏண்டா இப்படியெல்லாம் பேசறே.. உன் நல்லதுக்கு தானே பேசறேன்

நண்பன் : நான் ஹைச்.ஆர் கிட்டே கம்ப்ளெயின் பண்றேன். இந்த கிறிஸ்டியன்ஸுக்கே இதான் வேலை. ஏதாச்சும் ஒரு சின்ன இடம் கிடைச்சா போதும் உடனே இயேசு, பைபிள்னு தூக்கிட்டு வந்திடுவாங்க.

அஸ்வின் : சரி விடு.. நான் பேசல

நண்பன் : என்ன பேசல.. உன்னை பத்தி கம்ப்ளெயின் பண்ணி உன்னை வேலையை விட்டே தூக்கறேனா இல்லையா பாரு

அஸ்வின் : ஹேய்.. பிளீஸ் பிளீஸ்.. இனிமே அப்படி பேசவே மாட்டேன். இந்த ஆபீஸ்ல இயேசுங்கற பேச்சையே எடுக்க மாட்டேன். கம்ப்ளெயிண்ட் பண்ணி என் வேலையை கெடுக்காதே பிளீஸ்….

நண்பர் : சரி, நீ என் பிரண்ட் ஆனதால விடறேன்… இனிமே இந்த ஆபீஸ்ல இயேசுங்கற பேச்சை நீ எடுத்தாலே நான் கம்ப்ளையிண்ட் பண்ணிடுவேன். கடுப்படிக்காம போயிடு….

அஸ்வின் : நோ..நோ.. இனிமே பண்ணவே மாட்டேன். பிராமிஸ்

காட்சி 4

(அஸ்வின் தனிமையில் )

சே…. ஆபீஸ்ல நற்செய்தி அறிவிக்கிறதுல ஏகப்பட்ட பிரச்சினை. வேலையை விட்டே தூக்கிடுவாங்க போல… ம்ம்… இனிமே ஆபீஸ்ல இந்த பேச்சையே எடுக்கக் கூடாது. வெளியே பண்ணலாம்…ம்ம் பாப்போம்

ம்ம்ம்.. வெளியே பண்ணினா ஹைச் ஆர் கேள்வி கேக்க முடியாது.. பர்சனல் விஷயம்ன்னு சொல்லிடுவேன்.

காட்சி 5

( TWO PEOPLE NEEDED – Shaun & his brother ? Or John’s son )

( தெருவில் அஸ்வின் )

அஸ்வின் : ஐயா.. இதாங்க ( ஒரு பேப்பர் குடுக்கிறார் )

நபர் 1 : இது என்னது ?

அஸ்வின் : ஐயா.. இது இயேசுவைப் பற்றிய ஒரு பேப்பர்…. இயேசு கேள்விப்பட்டிருக்கீங்களா ? இயேசு நமக்காக இரத்தம் சிந்தி உயிர்விட்ட கடவுள். அவரை நம்பினா நாம நித்திய வாழ்வை பெறலாம்

நபர் : நித்திய வாழ்வுன்னா ?

அஸ்வின் : ஐயா.. இந்த உலகத்துல நாம வாழ்றது கொஞ்ச காலம் தான். அதுவும் இந்த கோவிட் காலத்துல எப்ப மரணம் வரும்னே தெரியல. ஆனா அதுக்கு அப்புறம் நம்ம வாழ்க்கை கடவுளோட நிலையானதா இருக்கணும்.

நபர் : ஓ.. அதுக்கு என்ன பண்ணணும்

அஸ்வின் : இயேசுவை நம்பணும். அவர் நமக்காக மரித்து உயிர்த்தாருங்கறதை நம்பணும். இயேசுவே நான் பாவி, என்னை மன்னிச்சுடுங்க. என்னை உங்க பிள்ளையா ஏத்துக்கங்கன்னு கேக்கணும்

நபர் : அவ்ளோ தானா ?

அஸ்வின் : ஆமா.. அவரை தேடி வரவங்களை அவர் விரட்ட மாட்டாரு அரவணைப்பாரு. அதுக்கு அப்புறம் அவரோட வழியில நடக்கணும்.

நபர் : அவரோட வழின்னா ? அதை எப்படி தெரிஞ்சுக்கறது

அஸ்வின் : அதுக்கு தான் இந்த பைபிள் இருக்கு. இதை படிச்சா இயேசுவோட வழி என்னன்னு தெரியும்

( ஒருவர் வருகிறார் )

( Karen Dad – in Green screen )

( கேமராவை பாத்த மாதிரி பேசணும்… )

நபர் 2 : ஏய். என்ன பண்றே ? என்ன கன்வர்ஷனா ? மதமாற்றமா ? உங்களையெல்லாம் உயிரோடவே விடக்கூடாது

அஸ்வின் : ஐயா.. நான் சும்மா பேசிட்டிருந்தேன்யா,,,

நபர் 2 : சும்மா பேசிட்டிருந்தியா…. நான் கேட்டுட்டு தானே இருந்தேன்.. இயேசுவாம், நித்தியமாம்.. மக்களை குழப்பிட்டே இருப்பீங்களா ? இது எங்க மண்ணு தெரியும்ல….

அஸ்வின் : ஐயா…. அது வந்து..

நபர் 2 : போன் போட்டு எல்லாரையும் வரவழைக்கிறேன்.. வந்தேறி மதத்தோட தெனாவெட்டைப் பாரு…. இன்னிக்கு உனக்கு சங்கு தான். எங்கே வந்து என்ன பண்றே நீ…

அஸ்வின் : ஐயா.. என்னை விட்டுடுங்க பிளீஸ்.. இனிமே நான் இப்படி பண்ணவே மாட்டேன் பிளீஸ்… பிளீஸ்…

நபர் 2 : இப்படியெல்லாம் நடிச்சா விட்டுடுவோமா…

அஸ்வின் : இனிமே கண்டிப்பா இப்படி பண்ண மாட்டேன்.. பிளீஸ்…

நபர் 2 : சரி சரி… எத்தனை பேரை கொளுத்தினாலும் , எத்தனை சர்ச் இடிச்சாலும் நீங்கல்லாம் திருந்த மாட்டீங்களா…. ஓடு… ஓடு… இனிமே ஒரு தடவை உன்னை எங்கேயாச்சும் பாத்தேன்.. காலி பண்ணிடுவேன்..

அஸ்வின் : (பயத்துடன் ஓடுகிறான் )

காட்சி 6

( ONE PERSON – Sweetlyn Son )

( அஸ்வின் நண்பனுக்கு போன் பண்ணுகிறான் )

அஸ்வின் : ஹாய்.. எப்படிடா இருக்கே

நண்பன் 2 : நல்லா இருக்கேண்டா.. என்ன மேட்டர் ?

அஸ்வின் : இல்லடா… எப்படியாவது நற்செய்தி அறிவிக்கணும்ன்னு பாக்கறேன்.. ஆனா முடிய மாட்டேங்குது

நண்பன் 2 : என்னாச்சு

அஸ்வின் : மிரட்டறாங்க.. துரத்தறாங்க…. ஒரு காலத்துல சுதந்திரமா பேசிட்டிருந்தோம்.. இப்போ பேசவே பயமா இருக்கு. எல்லா இடங்கள்லயும் மிஷனரி பணிக்கு எதிர்ப்பு தான்.

நண்பன் 2 : ம்ம்.. அதுக்கு ஒரு வழி இருக்கு

அஸ்வின் : என்ன வழி ?

நண்பன் 2 : ஒரு ஆன்லைன் சானல் ஆரம்பிச்சு, நற்செய்தி அறிவி.. நானும் ஒரு குக்கிங் சேனல் ஆரம்பிச்சேன்…. அது இன்னிக்கு செம பாப்புலர்டா….

அஸ்வின் : சமையல் சேனலா ?

நண்பன் : ஆமாடா எனக்கு சமையல் பாத்திரங்களோட பழக்கம், உனக்கு கதாபாத்திரங்களோட பழக்கம். நான் இதை பண்றேன், நீ அதை பண்ணு. இண்டர்நெட் மிஷனரில ரிஸ்க் இல்லை.

அஸ்வின் : ஓக்கே….ஓக்கேடா…. தட்ஸ் எ குட் ஐடியா.. பாப்போம்.

காட்சி 7

( ஒரு சேனல் வழியாக நற்செய்தி அறிவிக்கிறான் )

அஸ்வின் : இன்னிக்கு நாம இயேசு சொன்ன இரண்டு கட்டளைகள் பற்றி பேசப் போறோம். இயேசு , கிறிஸ்தவத்தின் போதனைகளை எல்லாம் சுருக்கி இரண்டு கட்டளையா குடுத்தாரு. எல்லாவற்றுக்கும் மேலாக கடவுளை நேசி, தன்னைத் தான் நேசிப்பது போல பிறரையும் நேசி. இது தான் அந்த இரண்டு கட்டளைகள்……

நிறைய கமெண்ட் வந்திருக்கு, பரவாயில்லை.. குட் குட்

( சில நாட்களுக்குப் பின் )

என்ன ஒரு மிரட்டல் கடிதம் வந்திருக்கு.

‘உன் சானலை சைபர் கிரைமுக்கு குடுத்து டிராக் பண்ணப் போறேன். பாரின் மணி உனக்கு வருது. மதமாற்றத்துக்கும், மத கலவரத்துக்கும் தூண்டற மாதிரி நீ போஸ்ட் போடறே. இன்னும் கொஞ்ச நாள்ல உன் குடும்பத்தையே ஜெயில்ல தள்ளலேன்னா பாத்துக்கோ

அஸ்வின் : ஓ.. மை காட்.. இதுலயும் பிரச்சினையா… இதையும் மூடி வைக்க வேண்டியது தான்.

( சானலை குளோஸ் பண்ணுகிறான் )

காட்சி 8

( அம்மா & அஸ்வின் )

அஸ்வின் : அம்மா…. சுவிசேஷத்தை அறிவிக்கிறது எவ்ளோ பெரிய சவால் இல்ல ? எப்படி தான் பழைய காலத்துல மிஷனரிகள் வந்து வேலை பாத்தாங்களோ

அம்மா : அது எல்லாம் ஒரு பெரிய அர்ப்பணம்பா… கடவுளோட அழைப்பு. அந்த அழைப்பு இருந்தா எப்படிப்பட்ட சவாலையும் தாண்டிடுவாங்க.

அஸ்வின் : ம்ம்… நானும் எப்படியாவது நாலுபேருக்கு இயேசுவைப் பத்தி சொல்லணும்ன்னு பாத்தேன். ஆபீஸ்ல சொன்னா வேலையை காலி பண்ணிடுவேன்னு சொல்றாங்க, ரோட்ல சொன்னா ஆளையே காலி பண்ணிடுவேன்னு சொல்றாங்க, டிஜிடல்ல சொன்னா குடும்பத்தையே காலி பண்ணிடுவேன்னு சொல்றாங்க…

அம்மா : பயமுறுத்துறவங்க பயமுறுத்த தான் செய்வாங்க.. அதைக் கண்டு பயப்படாம பணி செய்யணும். அதுக்கு ஒரு விஷயம் ரொம்ப முக்கியம்

அஸ்வின் : என்னம்மா ?

அம்மா : நீ போற வழியில ஒரு நரி உன்னை பாத்து ஆக்ரோஷமா முறைச்சா நீ பயப்படுவியா ?

அஸ்வின் : கண்டிப்பா… பயந்து நடுங்கிடுவேன்

அம்மா : ஒருவேளை நீ ஒரு சிங்கத்தைக் கூட்டிட்டு போனா , அந்த நரியைப் பாத்து பயப்படுவியா ?

அஸ்வின் : எதுக்கு பயப்படணும் ? சிங்கம் இருக்கும்போ என்ன கவலை

அம்மா : அது தான் விஷயம். நீ நற்செய்தி அறிவிக்க போகும்போ சிங்கத்தைக் கூட்டிட்டு போணும்….

அஸ்வின் : சிங்கத்தையா… ? சிங்கத்துக்கு நான் எங்க போவேன்… சிங்கமே என்னை காலி பண்ணிடுமே..

அம்மா : நம்மளை காலி பண்ணாம பாதுகாக்கற சிங்கத்தோட தான் நீ போணும்…

அஸ்வின் : அதென்ன சிங்கம் ? சர்க்கஸ் சிங்கமா

அம்மா : இல்லை, யூதாவின் சிங்கம்… அதான் இயேசு ! நீ இயேசுவோட போனேன்னா எல்லா எதிர்ப்பையும் சமாளிக்கிற தைரியம் கிடைக்கும்.

அஸ்வின் : அது எப்படிம்மா.

அம்மா : இயேசுவே சொன்னாரு, இதோ உலகம் முடியும் வரை எந்நாளும் நான் உங்களோடு இருக்கிறேன். அதனால போய் நற்செய்தியை அறிவியுங்கள்ன்னு…

அஸ்வின் : ம்ம்…

அம்மா : விண்ணுலகிலும் மண்ணுலகிலும் அனைத்து அதிகாரமும் எனக்கு அருளப்பட்டிருக்கிறது – அதனால போய் நற்செய்தியை அறிவியுங்கள் ந்னு சொன்னாரு. எல்லா அதிகாரமும் இயேசுவிடம் இருக்கு. அதனால இயேசுவோட போனா நமக்கு எந்த கவலையும் இல்லை

அஸ்வின் : ம்ம்.. புரியுதும்மா.. நானும் பிரேயர் பண்ணிட்டு தான் போரேன்.. பட்.. அந்த பயம் போக மாட்டேங்குது.

அம்மா : நல்லா பிரேயர் பண்ணுப்பா… உயிர்த்த இயேசுவின் அனுபவம் உனக்கு கிடைக்கும்… கடவுள் வழி காட்டுவார்.. அவரு உன் கூட பேசுவாரு , நேரடியாவோ, ஒரு செய்தி மூலமாவோ, ஒரு கனவு மூலமாவோ உன் கிட்டே அவரு பேசுவாரு

காட்சி 9

( அஸ்வின் ப்ரேயர், பைபிள் ரீடிங் )

காட்சி 10

( ONE PASTOR – Xavier )

( அஸ்வின் ஈஸ்டர் சர்வீஸ் அட்டண்ட் பண்ணுகிறான் )

பாஸ்டர் : இன்னிக்கு நமக்கு ஈஸ்டர் விழா. மகிழ்ச்சியின் விழா.

சிலுவை இயேசுவின் அன்பின் அடையாளம்.

உயிர்ப்பு, விண்ணக திறப்பின் அடையாளம்.

சிலுவை அர்ப்பணிப்பின் அடையாளம்

உயிர்ப்பு நம்பிக்கையின் அடையாளம்.

ஆதாமின் வாழ்வின் மூலமாக வந்தது சாவு. இயேசுவின் சாவின் மூலமாக வந்தது வாழ்வு.

இயேசு எவ்வளவோ பெரிய செயல்கள் எல்லாம் செய்தாலும், இயேசுவின் மரணம் அவர்களை நிலை குலைய வைத்தது. ஓடி ஒளிஞ்சாங்க. இயேசுவோட உயிர்ப்பைக் கண்டபிறகு தான் உற்சாகம் அடைஞ்சாங்க. இருந்தாலும் கல்லறை திறக்கப்பட்ட பிறகு கூட, கதவை அடைச்சிட்டு இருந்தாங்க. அவர்களை இயேசு சந்தித்தார். உயிர்ப்பின் அனுபவம்.

கோழைத்தனத்திலிருந்து துணிச்சலுக்கு

இருளிலிருந்து வெளிச்சத்துக்கு

பயத்திலிருந்து தைரியத்துக்கு

குழப்பத்திலிருந்து தெளிவுக்கு

நம்பிக்கையின்மையிலிருந்து நம்பிக்கைக்கு

இயேசு நம்மோடு இருக்கிறார் என நம்புவதும்,

தூய ஆவி நம் உள்ளத்தில் இருக்கிறார் என்பதை நம்புவதும் தான் மிக முக்கியம்.

அது இல்லையேல் நமக்கு துணிச்சல் பிறக்காது. அது தான் நம்மை நற்செய்தியாளர்களாக மாற்றும்.

காட்சி 11 அ

( அஸ்வின் சிந்திக்கிறான் )

நான் தனியா போய் இயேசுவை அறிவிக்க முடியாது, இயேசுவோட போய் தான் இயேசுவை அறிவிக்கணும். ம்ம்ம்ம்

இயேசுவே.. நான் என்ன பண்ணணும்ன்னு எனக்கு சொல்லுங்க.. உமது உயிர்ப்பின் அனுபவத்தை எனக்கும் தாருங்க.

காட்சி 12

( கனவு )

நீ நடக்க வேண்டிய வழியை உனக்குக் காட்டுவேன். உன் மேல் என் கண்ணை வைத்து உனக்கு ஆலோசனை சொல்லுவேன்… நான் உன்னை விட்டு விலகுவதில்லை.

( எழும்புகிறான் )

இயேசுவே… நீர்… நீர் என்னோடு பேசினீர்… நன்றி இயேசுவே… இனி நீர் என்ன சொல்கிறீரோ அப்படியே செய்கிறேன்.

காட்சி 12 ஆ

( அஸ்வின் & அம்மா )

அஸ்வின் : அம்மா, என் கூட கடவுள் பேசினாரும்மா. ஒரு செய்தி மூலமா பேசினாரு, அப்புறம் அதை உறுதிப் படுத்தற மாதிரி கனவுலயும் பேசினாரும்மா…. எனக்கு இப்போ ஒரு உற்சாகம் வந்திருக்கு

அம்மா : ரொம்ப சந்தோசம் தம்பி. ஆனா ஒண்ணு மட்டும் ஞாபகம் வெச்சுக்கோ, கடவுள் நம்ம கூட இருக்கும்போ பிரச்சினைகள் வராதுன்னு நினைக்காதே. வரும், நிறையவே வரும். ஆனா அதையெல்லாம் சமாளிக்கிற வல்லமையை கடவுள் தருவாரு.

அஸ்வின் : அது தான் மிகப்பெரிய பலம் மா…

அம்மா : நல்லா பிரேயர் பண்ணிக்கோப்பா…

அம்மா :

காட்சி 13

( அலுவலகம், அதே பழைய நண்பர் )

நண்பர் : என்னப்பா… அஸ்வின் எப்படி இருக்கே ?

அஸ்வின் : இயேசுவோட கிருபையால நல்லா இருக்கேண்டா.. நீ எப்படி இருக்கே ?

நண்பர் : மறுபடியும் இயேசுவா ?

அஸ்வின் : என் வாழ்க்கைல எல்லாத்துக்குமே அவர் தான் காரணம். அதை சொல்ல எனக்கு தயக்கம் இல்லை.

நண்பர் : (நக்கலாக ) புரமோஷன் வருதா உனக்கு இந்த தடவை

அஸ்வின் : இயேசுவுக்கு விருப்பம் இருந்தா தருவாரு, இல்லேன்னா தரமாட்டாரு. எது நமக்கு நல்லதுன்னு அவருக்கு தெரியும்.

நண்பர் : ஓ..அப்படியா ? மேனேஜ்மெண்ட் க்கு விருப்பம் இருந்துச்சு.. ஆனா, நீ இயேசு இயேசுன்னு சொன்னதால அதை இல்லாம பண்ணிடறேன்.

அஸ்வின் : வாட் டு யூ மீன்

நண்பர் : நான் இன்னிக்கே ஹைச்.ஆர் கிட்டே கம்ப்ளெயிண்ட் பன்ணுவேன். நீ டூ மச்சா போறே. இந்த பேச்சே செம கடுப்பா இருக்கு. இயேசுவாம்.. இயேசு…

அஸ்வின் : நான் எந்த தப்பும் பண்ணல, பட்.. உனக்கு என்மேல அவளோ கோபம்ன்னா.. இயேசுவுக்காக அதை ஏத்துக்க எனக்கு சந்தோசம் தான்.

காட்சி 14

( ONE PERSON – May be we can show back side )

( தெருவில் ஒரு ஏழைக்கு உதவுகிறான் )

ஏழை : நீங்க நல்லா இருக்கணும் தம்பி.

அஸ்வின் : இயேசு எல்லாரையும் நேசிக்கிறார். உங்களையும் நேசிக்கிறார். உங்களுக்கு ஹெல்ப் பண்ண சொல்றார். அதான் பண்றேன். எல்லா புகழும் அவருக்கே சேரட்டும்.

காட்சி 14 அ

( சில நாட்களுக்குப் பின் )

( ONE PERSON – Sudakar )

அஸ்வின் : குட் மார்ணிங் சார்…

மேலதிகாரி : மார்ணிங் எல்லாம் இருக்கட்டும்பா… என்ன நடக்குது ? ஏகப்பட்ட கம்ப்ளெயிண்ட்ஸ் உன் மேல

அஸ்வின் : என்ன கம்ப்ளெயிண்ட் சார்

மேலதிகாரி : பாலிசி வயலேஷன் கம்ப்ளெயிண்ட்.. உனக்கு இந்த வருஷம் புரமோஷன் வரவேண்டியது, இதனால ஸ்டாப் ஆச்சு….

அஸ்வின் : என்ன பாலிசி வயலேஷன் சார் ?

மேலதிகாரி : இயேசு இயேசுன்னு பேசி நீ மக்களை மதம் மாத்த முயற்சி பண்றியாமே, இட்ஸ் எ மல்டி நேஷனல் கம்பெனி. 2 பில்லியன் டாலர் புராஜக்ட்ல நீ இருக்கே… யோசிக்க மாட்டியா ?

அஸ்வின் : சார், அது தப்பான குற்றச்சாட்டு. நான் என்னோட வாழ்க்கைக்குக் காரணம் இயேசுன்னு தான் சொன்னேன். அடுத்தவங்க இயேசுவை ஏத்துக்கணும்ன்னு கட்டாயப்படுத்தல.

மேலதிகாரி : வாட்டெவர்.. ஹைச் ஆர் க்கு கம்ப்ளெயின்ட் போயிருக்கு.. சோ, ஐம் சாரி… இந்த வருஷம் உங்களை பிளாக் லிஸ்ட் பண்ணிட்டாங்க..

அஸ்வின் : தட்ஸ் ஓக்கே சார். எனக்கு புரமோஷன் தரது இயேசு தான், அதை உங்க மூலமா தராருன்னு நான் நம்பறேன். அவரு தரலேன்னா, அது எனக்கு தேவையில்லாததுன்னு நான் புரிஞ்சுக்கறேன்.

மேலதிகாரி : இத பாரு.. நீ நல்லா வளர்ந்து வர பையன். இந்த மாதிரி பேசறதை நிப்பாட்டிட்டு வேலையை பாத்தா கேரியர்ல எங்கயோ போலாம். லுக் அட் மி.. நானும் கிறிஸ்டியன் தான். ஆனா யாருக்குமே தெரியாது. என் ஆபீஸ்ல கூட ஒரு ஜீஸஸ் படம் கிடையாது. பி எ ரோமன் வென் யூ ஆர் இன் ரோம். ஜீசஸையெல்லாம் ஹாலிடேஸ்ல பாத்துக்கோ, அல்லது ஆஃப் ஆபீஸ் அவர்ஸ்ல பாத்துக்கோ…

அஸ்வின் : சாரி… சார்.. இயேசுவை இன்ஸ்டால்மெண்ட்ல நேசிக்க என்னால முடியாது. எனக்கு ஆபீஸ்ல வளர்றதை விட, ஆண்டவர்ல வளர்ரது தான் சார் முக்கியம்.

மேலதிகாரி : இப்படியெல்லாம் பேசினா.. ஐ காண்ட் ஹெல்ப்.. யூ மே கோ…

காட்சி 15

( மறுபடியும் சேனல் ஆரம்பிக்கிறான் )

அஸ்வின் : பேதுரு இயேசுவை மூன்று முறை மறுதலித்தார். இயேசுவை தெரியாதுன்னு சொன்னார். ஆனா இயேசுவை விட்டு விட்டு ஓடிவிடவில்லை. மனம் கசிந்து அழுதார் மீண்டும் இயேசுவிடமே வந்தார். மூன்று முறை மறுதலித்தவர், மூன்று முறை ‘இயேசுவே உம்மை அன்பு செய்கிறேன்’ என்றார்.

ஆனா யூதாஸ் “இயேசுவை எனக்குத் தெரியும்” ந்னு சொன்னான். ஆனா இயேசுவை விட்டு விலகிப் போனான். நாம யாராக இருக்கிறோம் ? முத்தத்தால் காட்டிக் கொடுத்து மொத்தமும் விலகிய யூதாசாகவா ? முற்றத்தில் விட்டுக் கொடுத்து, மீண்டும் அன்புக்குள் வந்து சேர்ந்த பேதுருவாகவா ?

( அஸ்வின் மகிழ்ச்சியாய் புன்னகைக்கிறான் )

காட்சி 17

(* ஒரு போன் வருகிறது )

அஸ்வின் : ஓ…. கோவிட்டா ? வாட்… அவங்க அப்பாவா ? ஐயையோ…. எப்போ ? எனக்கு தெரியவே தெரியாதே… சரி.. நான் போய் பாக்கறேன்… பரவாயில்லை… இந்த டைம்ல போய் பாக்காம எப்ப பாக்கறது ?

காட்சி 18

( அஸ்வின் & அலுவலக நண்பர் )

அஸ்வின் : ஹாய்… எப்படி இருக்கீங்க

நண்பர் : ஹேய்… நீ.. நீங்க என்ன இந்தப் பக்கம்.. உக்காருங்க…

அஸ்வின் : நான் இங்கயே உக்காந்துக்கறேன்.. சோசியல் டிஸ்டன்சிங் வேணும்ல்லயா…. ஐம் வெரி சாரி டு ஹியர் எபவுட் யுவர் பாதர்… எனக்கு தெரியவே தெரியாது.. எப்போ எப்படி ?

நண்பர் : ஒருவாரம் ஆச்சு… அப்பா ஆம்புலன்ஸ் டிரைவரா இருந்தாரு. கொரோனா வேகமா பரவுது போக வேண்டாம்ன்னு சொன்னோம். அவரு தான், இந்த நேரத்துல நிறைய பேரு வேலைக்கு வரதில்லை. மக்களுக்கு ஹெல்ப் பண்ணாம எப்படி இருக்கிறதுன்னு போயிட்டிருந்தாரு.. அப்படி தான்.. அவருக்கு கோவிட் வந்துச்சு… இருந்த பணம் எல்லாத்தையும் செலவு பண்ணி டிரீட்மெண்ட் எடுத்தோம்.. பட் காப்பாத்த முடியல.

அஸ்வின் : ம்ம்ம் ஹி ஈஸ் எ கைண்ட் ஹார்ட்டட் மேன்.. ஐ ரியலி ரெஸ்பெக்ட் ஹிம்… அம்மா எப்படி இருக்காங்க ?

நண்பர் : அம்மாக்கு வீட்ல தான் டிரீட்மெண்ட் குடுக்கிறேன். ஹாஸ்பிடல்ஸ் ல இடம் இல்லை.. அண்ட்.. ஃபைனான்சியலாவும் கொஞ்சம் ஸ்றகிள் ஆயிடுச்சு… அப்பாக்கு எல்லாத்தையும் செலவழிச்சிட்டோம்… நானும் வீட்ல தான் டிரீட்மெண்ட் எடுக்கறேன்.

அஸ்வின் : ஃபீல் பண்ணாதீங்க.. நான் தெரிஞ்ச டாக்டர் ஒருத்தர் கிட்டே பேசியிருக்கேன்.. அவரு இன்னும் கொஞ்ச நேரத்துல வருவாரு…. ரெண்டு பேரையும் செக் பண்ணுவாரு. அம்மாக்கு ஆக்சிஜன் தேவைப்பட்டா ஹி வில் அரேஞ்ச். ஐ வில் டேக் கேர் ஆஃப் ஆல் த எக்ஸ்பென்சஸ்….

நண்பர் : ரொம்ப நன்றி.. நான் உங்க கிட்டே சொல்லக் கூட இல்லை…. குளோஸ் பிரண்ட்ஸ் ந்னு நினைச்ச யாருமே இந்தப் பக்கம் வரவே பயப்படறாங்க. கம்பெனியும் கை விட்டுச்சு…. வீட்ல போஸ்டர் ஒட்டினதால, இந்த தெருவுலயே மக்கள் அதிகம் வரதில்லை.

அஸ்வின் : கவலைப்படாதீங்க, உங்களுக்கு என்னென்ன தேவையோ அதை நான் பண்றேன். உங்க கூகிள் பே அக்கவுண்ட்ல ஏற்கனவே பணம் அனுப்பியிருக்கேன்

( நண்பர் ஆச்சரியமாய் நிமிர்ந்து பார்க்கிறார் )

அஸ்வின் : அதை வெச்சு தேவையான பொருட்களையெல்லாம் ஆன்லைன்ல ஆர்டர் பன்ணுங்க. இஃப் யூ நீட் மை ஹெல்ப், ஐ கேன் ஆர்டர் பார் யூ..

நண்பர் : அஸ்வின்… உங்களுக்கு எப்படி நன்றி சொல்றதுன்னே தெரியல… இந்த குவாரண்டைன் வீட்ல கூட தைரியமா வந்திருக்கீங்க.. கேக்காமலேயே என்ன தேவைன்னு அறிஞ்சு ஹெல்ப் பண்றீங்க…. ரொம்ப கம்ஃபர்ட்டிங்கா இருக்கு..

அஸ்வின் : லவ் ஈஸ் கிரேட்டர் தேன் லா – இல்லையா ? சோசியல் டிஸ்டன்சிங் மனசுக்கு இருக்கக் கூடாதுல்ல. முகத்துக்கு மாஸ்க் போடலாம் அகத்துக்கு போடக் கூடாதுல்ல . ஒரு நண்பருக்கு கஷ்டம்ன்னா எப்படி என்னால வீட்ல இருக்க முடியும்.

நண்பர் : ஐம் ரியலி டச்ட்.. இப்படி யாருமே இருக்க மாட்டாங்க.

அஸ்வின் : அப்படி இல்லை. நிறைய பேரு இருக்காங்க. ஃபாதர் டேமியன் ந்னு ஒருத்தரு, ஹவாய் தீவுல தொழுநோயாளிகள் மத்தியில அவங்களுக்கு உதவி செய்யப் போனாரு. 18ம் நூற்றாண்டில தொழுநோயாளிகளை எல்லோரும் ஒதுக்கி வெச்சிருந்தாங்க. ஆனா இவரு துணிச்சலா போனாரு. தன் உயிரையே துச்சமா மதிச்சு போனாரு. கடைசியில அவருக்கும் தொழுநோய் வந்து இறந்து போனாரு.

நண்பர் : ஹௌ.. ஹௌ ஈஸ் திஸ் பாசிபிள்

அஸ்வின் : காட்ஸ் லவ். த லவ் ஆஃப் ஜீசஸ். கடவுளோட அன்பை பிறரோட பகிர்ந்து கொள்ளணும்னு நினைச்சா போதும். இயேசு இந்த சூழல்ல நிச்சயமா இப்படித் தான் செய்வாரு. அவரை ஃபாலோ பண்ற என்னையும், அவரோட அன்பு நெருக்கி ஏவுகிறது. அதான் என்னை இயக்குது.

நண்பன் : சாரிடா… என்ன சொல்றதுன்னே தெரியல. … நான் தான் உன்னோட புரமோஷனையே கெடுத்தேன். உன்னோட கடவுளையே வெறுத்தேன். ஆனா நீ, என்னை தேடி வந்து அன்பு செய்யறே….

அஸ்வின் : அதுக்கெல்லாம் ஏன் ஃபீல் பண்றே…. லா ஆஃப் த லேண்டை நாம பாலோ பண்றோம். லா ஆஃப் த லார்டை பாலோ பண்ண வேண்டாமா ? ஜீசஸோட அன்பின் சட்டம் நம்மை சும்மா இருக்க விடாது. ஐம் சாரி…. ஐ நோ யூ டோண்ட் லைக் டு ஹியர் த நேம் ஜீசஸ்.. பட்… ஐ ஏம் நாட் ஏபிள் டு கீப் த குட் நியூஸ் வித் மி.

நண்பன் : நோ..நோ… ஐம் ரியலி இம்ப்ரஸ்ட்…. ஐ வாண்ட் டு நோ தட் ஜீசஸ்… எல்லாரும் வார்த்தையில அன்பைக் காட்டுவாங்க, நீங்க வாழ்க்கைல காட்டறீங்க…. அன்புக்கு மேலா என்ன இருக்கு. பிளீஸ்.. எனக்கு அவரைப் பற்றி சொல்லுங்க. ஐம் ரியலி டச்ட். ஐ ஃபீல் கம்ஃபர்டட்…. இப்படி அன்பே உருவான ஆண்டவரைப் பற்றி அறியாம இருக்கிறது எனக்கு அவமானம்.. பிளீஸ்..

அஸ்வின் : கண்டிப்பா ..எல்லாம் சொல்றேன்… lபிரைஸ் த லார்ட்…

பின் குரல்

தந்தையின் கரத்தைப் பற்றிக் கொண்டிருக்கும் குழந்தை எதைப்பற்றியும் கவலைப்படுவதில்லை. அதே போல தான் நற்செய்தி அறிவித்தலுக்குச் செல்லும் போது இயேசுவின் கரத்தைப் பற்றிக் கொண்டிருப்பதும் அவசியமாகிறது. அதற்கு, நாம் உயிர்த்த இயேசுவின் அனுபவத்தைப் பெறவேண்டும். அர்ப்பணிப்போடும், தாழ்மையோடும், தாழ்பணிந்து வேண்டினால் – இயேசு நம்மை வாழ்வினால் நிரப்புவார். நன்றி

Posted in Articles

பயணத்தில் அன்பு

*

காட்சி 1

( ரயில்வே ஸ்டேஷனில் ஒரு அம்மா, ஒரு மகள் + டி.டி.ஆர் )

டிடிஆர் : அம்மா, சொன்னா புரிஞ்சுக்கோங்க… டிரெயின் ஓவர் புக்கிங் ஆயிடுச்சு.. ஒண்ணும் பண்ண முடியாது.

மகள் : சார்… வெயிட்டிங் லிஸ்ட்ல இருந்து ஆர்.ஏசி வந்திருக்கு. எப்படியும் கன்ஃபர்ம் ஆயிடும்ன்னு நினைச்சேன்.. பட்.. ஆகல.. கொஞ்சம் ஹெல்ப் பண்ணுங்க.

டிடி : இந்த சீசன் ரொம்ப பிஸிம்மா.. எல்லாருக்கும் லீவ்… சோ ஊர்களுக்கு போவாங்க. அதுவும் சவுத் சைட் போற டிரெயினெல்லாம் மூணு மாசம் முன்னாடியே புல்லாயிடுச்சு.. உங்களுக்கு ஆர்.ஏசிகிடைச்சதே பாக்கியம்.. சார்ட் எல்லாம் ஒட்டியாச்சு, இனிமே ஒண்ணும் பண்ண முடியாது.

மகள் : சாதாரண டைம்னா பரவாயில்லை, அம்மாக்கு உடம்பு முடியல… அதனால வைத்தியசாலைக்கு கூட்டிட்டு போறேன். அவங்களால ரொம்ப நேரம்… உக்கார முடியாது.

டி.டி : ஆமா… உங்களுக்கு எங்கே சீட் ?

மகள் : எனக்கு ஆர்.ஏ.சியும் கிடைக்கல, அதனால அன் ரிசர்வ்ட் ல டிக்கெட் எடுத்திருக்கேன். அதுல தான் வர முடியும்.

டி.டி : ம்ம்.. ஒண்ணும் பண்ண முடியாதும்மா… இது ஏசி கம்பார்ட்மெண்ட் வேற… எல்லாரும் கம்ஃபர்டபிளா டிராவல் பண்றவங்க… ஆர்.ஏ.சி – தான் பாசிபிள். இல்லேன்னா, நீங்க இன்னொரு நாள் தான் டிராவல் பண்ணணும்

மகள் : இல்ல சார்… அம்மாக்கு ரொம்ப முடியல. டிரீட்மெண்ட் டேஸ் மிஸ் பண்ண கூடாது. வைத்தியர் கிட்டே சொல்லிட்டோம்.

டிடி : ஓக்கே.. அட்ஜஸ்ட் பண்ணிக்கோங்க..

காட்சி 2

மகள் : அம்மா… என்னம்மா பண்ண

அம்மா : பரவாயில்ல, சமாளிச்சுக்கறேன்.. இடம் கிடச்சா, தரையில கூட படுத்துக்கலாம்..

மகள் : அதுக்கெல்லாம் அலோ பண்ண மாட்டாங்கம்மா… ஏசி கோச் இல்லையா… ம்ம்ம்

அம்மா : பரவாயில்ல.. ஏதாச்சும் பண்ணிக்கலாம். நீ அன்ரிசர்வ்ட் க்கு போ, அங்கே நிக்க கூட இடம் இருக்காதுன்னு நினைக்கிறேன்.

மகள் : நான் பாத்துக்கறேம்மா.. என்னைப் பற்றி கவலைப்படாதீங்க

அம்மா : சரி.. வா உள்ளே போவோம்

காட்சி 3

( அம்மா டிரைனில் சிலரிடம் கேட்கிறார் )

அம்மா : ஐயா.. ஒரு சீட் கிடைக்குமா… ஆர்.ஏசி இருக்கு.. கொஞ்சம் உடம்பு முடியல…

நபர் 1 : மேல பர்த்தை எடுத்துட்டு, கீழ் சீட் குடுக்கிறீங்களான்னு கேட்டாலே குடுக்க மாட்டாங்க .. நீங்க வேற…. எனக்கு கேரளா வரை போணும்ம்மா.. காலைல வேலை வேற இருக்கு…

அம்மா : பரவாயில்லைய்யா

( இன்னொரு நபர் )

நபர் 2 : ஆர்.ஏ.சி ந்னா கேன்சல் பன்ணியிருக்கலாமே.. பிளைட்ஸ் கூட இப்போ கொஞ்சம் சீப் தான்… அவசரம்ன்னா அப்படி பண்ணியிருக்கலாம்.

அம்மா : இல்ல… எப்படியாவது கன்ஃபர்ம் ஆகும்ன்னு நினைச்சேன். பிளைட்ல போற அளவுக்கு வசதி இல்லை

நபர் 2 : ஆர்.ஏசி வசதியா தான் இருக்கும்.. அட்ஜஸ்ட் பண்ணிக்கோங்க

( இன்னொரு நபர் )

நபர் 3 : கல்லு குடுத்து நெல்லு வாங்க முடியுமா. ஆர் ஏ சி குடுத்து சீட் வாங்கறது அப்படி தான்… நீங்க கேக்கறதே வேஸ்ட் தான்..

( டி.டி.ஆர் )

டிடிஆர் : அம்மா.. ஏற்கனவே சொல்லிட்டேன்…. சும்மா சும்மா பேசஞ்சர்சை டிஸ்டர்ப் பண்ணக் கூடாது. அப்புறம் இறக்கி விட்டுடுவேன்..

அம்மா : இல்லய்யா.. இனிமே நான் கேக்கல… நான்… நான், தரையில படுத்துக்கலாமா ?

டி.டி.ஆர் : தரையில எல்லாம் படுக்க முடியாது. அடுத்தவங்களுக்கு தொந்தரவா இருக்கும்… சாரி.. என்னால அனுமதிக்க முடியாது.

காட்சி 4

( ஒருவர் & அம்மா )

ஒருவர் : அம்மா.. என்னம்மா.. நீங்க ரொம்ப கெஞ்சறமாதிரி டி.டி.ஆர் கிட்டே பேசிட்டு இருந்தீங்க.. என்னாச்சு

அம்மா : இல்லை … ஆயுர்வேதிக் டிரீட்மெண்ட்க்காக கேரளா போறேன்.. சீட் கிடைக்கல.. ஆர்.ஏசி தான் கிடைச்சுது. எனக்கு ஹில் ல பிராப்ளம்.. ரொம்ப நேரம் உக்கார முடியாது.

ஒருவர் : ஓ… டி.டி.ஆர் என்ன சொல்றாரு ?

அம்மா : சீசன் டைம், இடம் இல்லேன்னு சொன்னாரு. சிலர் கிட்டே கேட்டேன்… பட்.. அவங்களுக்கும் டிராவல் பண்ணணும் இல்லையா. எல்லாரும் ஏற்கனவே புக் பண்ணியிருப்பாங்க….

ஒருவர் : ம்ம்.. ஒண்ணு பண்ணுங்க, நீங்க என் சீட்டை எடுத்துக்கோங்க. நான் உங்க சீட்டை எடுத்துக்கறேன்

அம்மா : ஐயா.. நிஜமாவா.. எனக்கு .. ஆர்.ஏ.சி தான்… அதுல.. நீங்க உக்காந்துட்டு தான் வரணும்…

ஒருவர் : பரவாயில்லம்மா.. எவ்ளோ நாள் படுத்துட்டே போயாச்சு, ஒரு நாள் உக்காந்துட்டே போலாம். நோ பிராப்ளம்.

அம்மா: ஐயா.. ரொம்ப நன்றிய்யா.. ரொம்ப நன்றி…

ஒருவர் : சாப்பிட்டீங்களா ?

அம்மா : சாப்டேன்.. பொண்ணு வாங்கி குடுத்தாங்க…

ஒருவர் : மகளா ? அவங்க எங்கே ?

அம்மா : அவங்களுக்கு ஆர். ஏ.சியும் கிடைக்கல…. அதனால அன் ரிசர்வ்ட்ல வந்திட்டிருக்காங்க.

ஒருவர் : ஓ.. ஓக்கே ஓக்கே.. வாங்கம்மா நான் உங்களை என் சீட்டுக்கு கூட்டிட்டு போறேன். என்னை உங்க பையன் மாதிரி நினைச்சுக்கோங்க வாங்க.

காட்சி 5

( அந்த நபர், இரவு முழுவதும் பாடலும், செய்தியும் கேட்டுக்கொண்டிருக்கிறார் )

டி.டி.ஆர் : என்ன சார் இங்க வந்து உக்காந்திருக்கீங்க

ஒருவர் : என் சீட்டை ஒரு அம்மாக்கு குடுத்தேன். அந்த அம்மா சீட்ல உக்காந்திருந்தேன். அதுல இன்னொரு வயசானவரு கஷ்டப்பட்டு உக்காந்திருந்தாரு, சோ அவர் கிட்டே படுக்க சொல்லிட்டு இங்கே உக்காந்திருக்கேன்.

டி.டி.ஆர் : ம்ம்… பரவாயில்ல.. அடுத்தவங்களுக்கு ஹெல்ப் பண்ண நினைக்கிற ஆட்களும் இருக்காங்க.

காட்சி 6

( காலையில் டீ வாங்கி கொண்டு அந்த அம்மாவுக்குக் கொடுக்கிறார் )

அம்மா : ரொம்ப நன்றி தம்பி.. உங்களுக்கு ஏன் சிரமம்.

ஒருவர் : பரவாயில்லம்மா.. சாப்பிடுங்க. தூங்கினீங்களா ? வலி எப்படி இருக்கு ?

அம்மா : நல்லா தூங்கினேன்பா… உன் பேரு என்னப்பா

ஒருவர் : என் பேரு ஸ்டீபன்ம்மா….

அம்மா : எங்கே இறங்கணும்..

ஒருவர் : நான் நாகர்கோவில்ல இறங்குவேன்…. நீங்க என் சீட்லயே படுத்துக்கோங்க….

அம்மா : ரொம்ப நன்றி தம்பி.. எப்படி போவீங்க வீட்டுக்கு ?

ஒருவர் : டிரைவர் வருவாரும்மா.. கார் எடுத்துட்டு. அதுல போயிடுவேன்.

அம்மா : ஓ.. கார்லயா ? காரெல்லாம் வெச்சிருக்கீங்களா ? எங்கே வேலை பாக்கறீங்க தம்பி

ஒருவர் : … ஆரூஸ் இண்டர்நேஷனல்ன்னு. ஒரு கம்பெனி. இதாம்ம்மா என் கார்ட்.. உங்களுக்கு ஏதாச்சும் தேவைன்னா எனக்கு கால் பண்ணுங்க.

அம்மா : ரொம்ப நன்றி தம்பி.. பெரிய பெரிய வேலைல எல்லாம் இருக்கீங்க.. எனக்காக சீட்டை விட்டுக்கொடுத்துட்டு நைட் புல்லா கஷ்டப்பட்டிருக்கீங்க. உங்க ஆர்.ஏ.சி சீட்ல கூட ஒருத்தர் படுத்திருக்கிறதை பாத்தேன். அப்போ நீங்க தரையிலயா உக்காந்திருந்தீங்க…

ஒருவர் : தட்ஸ் ஓக்கேம்மா.. நான் படி பக்கத்துல நல்ல காற்றோட்டமா உக்காந்திருந்தேன்…

அம்மா : இருந்தாலும்.. எவ்ளோ பெரிய ஆள்.. இப்படி யாரும் பண்ண மாட்டாங்க..

ஒருவர் : இயேசு என்னைக்குமே ஏழை பணக்காரர் பாகுபாடு காட்டி அன்பு செய்ததில்லை. தேவையில இருக்கிற ஒருத்தருக்கு உதவி செய்றது தான் உண்மையான அன்புன்னு சொல்லியிருக்காரு. யார் அயலான் -ந்னு ஒரு கதை இருக்கு. அதுல ஆலயம் போறதை விட முக்கியமான விஷயம் தேவையில் இருப்பவருக்கு உதவுவது தான்னு சொல்றாரு. அதை தான் நான் கொஞ்சம் பண்ணினேன். இட்ஸ் எ ஸ்மால் ஹெல்ப்.

அம்மா : ரொம்ப நன்றி தம்பி. நீங்க.. இன்னும் பெரிய பெரிய உயரங்களை அடையணும். உங்க அன்பும், பணிவும் உங்களை இன்னும் பெரிய ஆளா மாற்றும். உங்க செயல்லயும் பேச்சிலயும் இன்னிக்கு நான் இயேசுவை பாத்தேன்.

ஒருவர் : ரொம்ப நன்றிம்மா… நான் வரேன்

காட்சி 7

( மகள் & அம்மா )

மகள் : அம்மா.. எப்படிம்மா இருக்கீங்க..சமாளிச்சீங்களா ? நாகர்கோயில் ல தான் வண்டி கொஞ்ச நேரம் நிக்கும் அதனால தான் இப்போ இறங்கி வந்தேன்.

அம்மா : ஒரு சீட் கிடைச்சுதும்மா.. அதுல படுத்துட்டு வந்துட்டேன். ஒரு பிரச்சினையும் இல்லை

மகள் : சீட்டு கிடைச்சுதா ? படுத்துட்டா.. பர்த்தா…. சூப்பம்மா.. எப்படிம்மா ? டி.டி.ஆர் குடுத்தாரா

அம்மா : இல்லப்பா… ஒருத்தரு அவரோட சீட்டை குடுத்துட்டு டோர் பக்கத்துல உக்காந்துட்டாரு நைட் புல்லா

மகள் : ஓ.. ரொம்ப சூப்பரும்மா.. அவரு எங்கேம்மா ஒரு தேங்க்ஸ் சொல்லணும்..

அம்மா : அவரு கிளம்பிட்டாரும்மா.. கார் வெயிட் பண்ணும்ன்னு சொன்னாரு. காலைல டீ எல்லாம் கூட வாங்கி குடுத்தாரு.

மகள் : ஐயையோ…. .. ஒரு தேங்க்ஸ் கூட சொல்லாம போயிட்டேனே…

அம்மா : இந்தாம்மா.. அவரோட கார்ட் குடுத்தாரு. நீ அப்புறம் அவருக்கு போன் பண்ணி தேங்க்ஸ் சொல்லு

( அம்மா கார்டை குடுக்கிறார் )

மகள் : அம்மா ( அதிர்ச்சியாய் ) இது என் கம்பெனி முதலாளிம்மா…

அம்மா : என்ன சொல்றே.. கம்பெனி முதலாளியா ?

மகள் : ஆமாம்மா… ஓ.. மை காட்.. என்னால நம்பவே முடியல. வாட் எ நைஸ் மேன்.

அம்மா : அவரு நிறைய விஷயம் சொன்னாரும்மா.. நான் எல்லாம் சொல்றேன்.

அம்மா : கண்டிப்பாம்மா