Posted in skit

SKIT : நன்றிக்கடன் 

நன்றி மறப்பது நன்றன்று !

*

காட்சி 1

( தொழிலதிபர் ராபர்ட் போனில் )

ராபர்ட் : (போன் ) விக்கி, லாஸ்ட் மந்த் டேன் ஓவர் கொஞ்சம் கம்மியாயிருக்கே.. என்ன விஷயம் ? 

போன் : டேன் ஓவர் கம்மி ஆகல சார், நாம புது பிராஞ்ச் ஒன்னு ஓப்பன் பண்றதால 5 சி அங்கே இன்வெஸ்ட் பண்ணியிருக்கோம் சார், ஓவரால் டேஷ்போர்ட்ல நீங்க அதை பாக்கலாம்.

ராபர்ட் : ஓ.. ஐ சீ…. குட்… குட்… ஐ ஜஸ்ட் ஃபர்காட்…  தேங்க்யூ.. பிளீஸ் லெட் மி நோ எனி சேலஞ்சஸ் அஸ் அண்ட் வென் யூ சீ இட்..

போன் : கண்டிப்பா சார்…

( போனை வைக்கிறார் )

ஒருவர் : சார், பென்ஸ் கார் சர்வீஸ் முடியல.. ஆடி கார் எடுத்துட்டு வரவா ? ரேஞ்ச் ரோவர் எடுத்துட்டு வரவா சார் ?

ராபர்ட் : எனி திங் ஈஸ் ஃபைன்… ஜஸ்ட் எ டிரான்ஸ்போர்ட்… 

( பைபை புரட்டுகிறார் )

( லேப்டாப்பில் வேலை செய்கிறார் )

காட்சி 2

( சர்ச்சில் செபம் )

செபம் : ஆண்டவரே ஒரு நல்ல வளமான, நிம்மதியான வாழ்க்கையைக் குடுத்திருக்கீங்க. எதிரிகளே இல்லேங்கற அளவுக்கு நல்ல வளர்ச்சியை குடுத்திருக்கீங்க. உங்க அன்புக்கு எப்பவுமே நான் கடமைப்பட்டிருப்பேன். 

காட்சி 3

( அம்மா & ராபர்ட் )

ராபர்ட் : அம்மா…. ரொம்ப சந்தோசமா இருக்கும்மா.. வாழ்க்கை நிம்மதியா இருக்கு… இந்த வளர்ச்சிக்கெல்லாம் காரணமான கடவுளுக்கு தான்மா நன்றி சொல்லணும்

அம்மா : கண்டிப்பா.. அதான்… சர்ச்க்கு நிறைய குடுக்கிறியே.. அதுல எனக்கு ரொம்ப சந்தோசம்பா… 

ராபர்ட் : இன்னும் ஏதாச்சும் பண்ணணும்ம்மா.. மேபி ஒரு கிராம சபை சர்ச் பெருசா கட்டி குடுப்போம்.. நம்ம சார்பா

அம்மா : வெரி குட்பா… குப்பையில இருந்த நம்மை கடவுள் இங்கே உயர்த்தியிருக்காரு.. கண்டிப்பா அவருக்கு காலமெல்லாம் நன்றியுள்ளவங்களா இருக்கணும்

ராபர்ட் : கண்டிப்பாம்மா… 

அம்மா : அதே மாதிரி நம்மை சுற்றி இருக்கிறவங்களுக்கும் நாம நல்லது செய்யணும்ப்பா..

ராபர்ட் : நீங்க சொல்லுங்கம்மா… கண்டிப்பா செய்யலாம்..

அம்மா : ம்ம்.. குறிப்பா நாம கஷ்டத்தில இருக்கும்போ கடவுள் மாதிரி வந்து உதவி செஞ்சுட்டு காணாம போயிடுவாங்க சில பேரு.. அவங்களை நாம கண்டிப்பா ஞாபகம் வெச்சு நன்றிக்கடன் செலுத்தணும்ப்பா…அவங்களை நாம பல நேரம் கவனிக்கவே மாட்டோம்… 

ராபர்ட் : அதெப்படிம்மா ஹெல்ப் பண்ணினவங்களை கவனிக்காம இருப்போம்

அம்மா : ஸீ… இப்ப நீயே யோசிச்சு பாரு.. லாசர் உடல்நிலை சரியில்லாம இருக்காரு… சகோதரிகள் அவருக்கு ஆளனுப்பி விஷயத்தை சொல்றாங்க.. அப்புறம் இயேசு நாலு நாளைக்கு அப்புறம் வந்து அவரை உயிரோட எழுப்பறாரு..

ராபர்ட் : எஸ்… கனவுல தட்டி எழுப்பினா கூட இந்த கதையை எல்லா கிறிஸ்டியன்ஸும் சொல்லுவாங்களே… லாசரே வெளியே வா..ந்னு 

அம்மா : இதுல கவனிக்கப்படாத கதாபாத்திரம் உண்டா ?

ராபர்ட் : இல்லையேம்மா… லாசரஸ்… மார்த்தா..மரியா.. ஜீஸஸ்.. கூட்டம்.. சீடர்கள்.. நமக்கு எல்லாரையும் தெரியுமே !

அம்மா : இயேசு கிட்டே செய்தி கொண்டு போன ஆள் உனக்கு ஞாபகம் வரல பாத்தியா ? அவரு தான் லாசருக்கு உடம்பு சரியில்லேங்கற விஷயம் இயேசு வரைக்கும் போகவே காரணம். 

ராபர்ட் : ஓ.. யா… யோசிச்சதே இல்லை. 

அம்மா : நாமானுக்கு தொழுநோய் போச்சு இல்லையா ? அதுல கவனிக்கப்படாத ஆள் இருக்காங்களா ?

ராபர்ட் : ஐ நோ… அந்த சின்னப் பொண்ணை சொல்றீங்க கரெக்டா ?

அம்மா : நோ.. நோ… எலியா சொன்னதும் முடியாதுன்னு சொல்லிட்டு நாமான் போறாருல்லயா.. அப்போ வேலைக்காரங்க சொல்றாங்க, … கஷ்டமான காரியம்ன்னா செஞ்சிருப்பீங்கல்ல.. இதையும் செய்யுங்கன்னு.. அதை கேட்டு தான் நாமான் ஆற்றில இறங்குவாரு… 

ராபர்ட் : ஓ.. ஆமா..

அம்மா :  நாமான் பெரிய படைத் தலைவன்னு எல்லாரும் எல்லாரும் சைலண்டா இருந்திருந்தா ஒருவேளை நாமானுக்கு சுகமே கிடைச்சிருக்காது.. அந்த வேலைக்காரங்க தான் நாமான் வாழ்க்கைல பெரிய மாற்றத்தை கொண்டுவந்தவன்.. 

ராபர்ட் : எஸ்மா..உண்மை தான்

அம்மா : அப்படிப்பட்டவங்க நம்ம லைஃப்ல இருந்தா கண்டுபிடிச்சு ஹெல்ப் பண்ணணும்பா… கடவுளுக்கும், மனிதனுக்கும் நன்றியும் அன்பும் உடையவர்களா நாம இருக்கணும்.

ராபர்ட் : சரியா சொன்னீங்கம்மா… எனக்கு தெரிஞ்சு எல்லாருக்கும் ஹெல்ப் பண்ணியிருக்கேன்… பட்.. லெட் மி திங்க்

காட்சி 4

( ராபர்ட் யோசிக்கிறான் )

ராபர்ட் : ஒரு தடவை ஒரு ஆக்சிடண்ட் நடக்காம நம்ம டிரைவர் காப்பாத்தினாரு.. அவருக்கு ஹெல்ப் பண்ணிட்டேன்..

ஒருதடவை … ஒரு பிஸினஸ் டீலை ஒருத்தன் முடிச்சு குடுத்தான்… அவனுக்கும் நல்லது பண்ணியாச்சு

வர்க்கர்ஸ்க்கு எல்லாம் தேவையானதை குடுத்தாச்சு…

ப்ரண்ஸ்க்கும் ஹெல்ப் பண்ணியாச்சு…

ஓ..மை..காட்.. ஒரு விஷயத்தை மறந்துட்டேனே !!!!

காட்சி 5

( பிளாஷ்பேக் )

சின்ன வயதில் ராபர்ட் குப்பை தொட்டியிலிருந்து பிளாஸ்டிக் பாட்டில்களை சேகரித்துக் கொண்டிருக்கிறான். 

நபர் : என்னப்பா.. காலையிலயே பாட்டில் பொறுக்கிட்டிருக்கே..

ராபர்ட் : டெய்லி இதை வித்தா தான் சார் அஞ்சோ பத்தோ கிடைக்கும்… ஸ்கூலுக்கு போறதுக்கு முன்னாடி நான் இப்படி பண்ணுவேன் சார்..

நபர் : அப்பா என்ன பண்றாருப்பா..

ராபர்ட் : அப்பாவாலை வேலை செய்ய முடியாது சார். உடம்பு சரியில்லை… .. அம்மா ஒரு கடையில சேல்ஸ் உமனா இருக்காங்க…. அங்கேயும் ஒழுங்கா சம்பளம் கிடைக்கிறதில்லை… வீட்ல ஒரு தங்கச்சி உண்டு… 

நபர் : ம்ம்..அம்மாவோட சம்பளத்தை மட்டும் வெச்சு குடும்பத்தை ஓட்டறது கஷ்டம் தான்.

ராபர்ட் : ஆமா சார், நான் படிக்கணும்ன்னா… கொஞ்சமாச்சும் காசு வேணும் சார்.. அதான் இப்படி…

நபர் : சரிப்பா.. கவலைப்படாதே… நான் ஒரு வர்க்‌ஷாப்ல உன்னை சேத்து விடறேன். நம்ம பிரண்டோட வர்க்‌ ஷாப் தான். நீ ஸ்கூல் முடிஞ்சப்புறம் அங்கே போய் வேலை செய். மாசா மாசம் சம்பளமும் கிடைக்கும், டே டைம்ல ஸ்கூலுக்கும் போலாம் சரியா… 

ராபர்ட் : ஓ..அப்படியா… ரொம்ப நன்றி சார்..

நபர் : இருக்கட்டும்பா… நானும் வர்க்‌ஷாப்ல தான் வேலை செய்றேன்… எழில் நகர் வர்க்‌ஷாப்ல… அதனால வர்க்‌ஷாப்ஸ் காண்டாக்ட் உண்டு… 

ராபர்ட் : ரொம்ப நன்றி சார்.. இந்த உதவியை நான் மறக்கவே மாட்டேன் சார். 

நபர் : நல்ல பொறுப்பான பையம்பா நீ.. நிச்சயம் பெரிய ஆளா வருவே.. உன் பேரு என்னப்பா ? 

ராபர்ட் : ராபர்ட் சார்.

நபர் : அட.. என் பேரும் ராபர்ட் தான்… ராபர்ட் பெனடிக்ட்…. இதா இந்த காசை கைல வெச்சுக்கோ, பீஸ் கட்டவோ, டிரஸ் வாங்கவோ யூஸ் பண்ணிக்கோ…. 

ராபர்ட் :  வே..வேணாமே சார்…. சா…சார்… ரொம்ப நன்றி சார்… 

காட்சி 6

( ராபர்ட் சிந்திக்கிறான் )

ராபர்ட் : அம்மா..அம்மா… ஒரு ஆளை நாம் மறந்தே போயிட்டேன்மா….

அம்மா : எதுக்குப்பா… 

ராபர்ட் : கவனிக்கப்படாத கதாபாத்திரம்மா..

அம்மா : ஓ.. யாருப்பா அது ?

ராபர்ட் : அம்மா.. என்னை முத முதல்ல குப்பை பொறுக்கிற வேலையில இருந்து காப்பாற்றி ஒரு வர்க்‌ஷாப்ல சேத்து விட்டாரே அவரும்மா..

அம்மா : ஓ.. ஆமா.. நீ சொல்லியிருக்கே.. நானும் மறந்துட்டேன்.. நிறைய வருஷம் ஆச்சுல்ல

ராபர்ட் : அவரை எப்படியாவது கண்டுபிடிச்சு அவருக்கு ஹெல்ப் பண்ணணும்மா…

அம்மா : அவரை எப்படிப்பா கண்டுபிடிப்பே..

ராபர்ட் : அம்மா.. அந்த காலத்துல அவரு எழில் நகர் வர்க்‌ஷாப்ல வேலை செஞ்சாரும்மா…. அவரு பேரு கூட..ம்ம்.. ராபர்ட் பெனடிக்ட் மா…

அம்மா : ஓ..

ராபர்ட் : லெட் மி ஃபைண்ட் அவுட்

காட்சி 7

( ராபர்ட் அந்த வர்க்‌ஷாப்பைத் தேடுகிறான் )

ராபர்ட் ( ஒரு கடையில் ) ஐயா.. இங்கே நிறைய வர்க்‌ஷாப் இருக்கு.. இதுல ஒரு 20 வருஷத்துக்கு முன்னாடியே இருக்கிற கடை எதுன்னு தெரியுமா ?

நபர் : அப்படி ஒரே ஒரு வர்க்‌ஷாப் தான் இருக்கு தம்பி..… மூணாவது தெருவில இருக்கு… அதுவும் மூடிடுவாங்கன்னு நினைக்கிறேன்… புதிய கடைகளும், புதிய டெக்னாலஜியும் எல்லா இடத்துலயும் வந்துச்சு இல்லையா ?

ராபர்ட் : ம்ம்.. நன்றி சார்.. வரேன்.

காட்சி 8

( அந்த வர்க் ஷாப் )

ராபர்ட் : ஐயா… இந்த வர்க்‌ஷாப் தான் ரொம்ப வருஷமா இருக்கிற கடையா ?

நபர் : ஆமா.. என்ன வேணும்.. வண்டிக்கு ஏதாச்சும் பிரச்சினையா ?

ராபர்ட் : இல்ல.. நான் ஒருத்தரை தேடி வந்தேன்… 

நபர் : ஆளை தேடி வந்தீங்களா ? .. இங்கே இப்போ நானும் ரெண்டு பசங்களும் தான் இருக்கோம்… பெரிய அளவில வேலையும் இல்லை… 

ராபர்ட் : இங்கே.. ராபர்ட்ன்னு ஒருத்தர் வேலை பாத்தாருல்லயா ?

நபர் : ராபர்ட்டா ?

ராபர்ட் : ஆமா… ரொம்ப முன்னாடி.. முழு பேரு கூட ராபர்ட் பெனடிக்ட் ந்னு நினைக்கிறேன்..

நபர் : ஓ.. பெனடி.. ஆமா தம்பி.. ரொம்ப வருஷமா இங்க தான் வேலை பாத்தாரு…. நல்ல மனுஷன்.. எல்லாருக்கும் ஹெல்ப் பண்ணூவாரு… பாவம்..

ராபர்ட் : பாவமா… அவரு இப்ப எங்க இருக்காரு ?… 

நபர் : என்னப்பா இப்போ வந்து கேக்கறே… அவரு தான் பாவம் ஒரு பாழாப்போன நோய் வந்து ரொம்ப நாள் கஷ்டப்பட்டாரு.. அப்புறம்..

ராபர்ட் : அப்புறம் என்னாச்சு சார்.. காப்பாத்திட்டாங்களா ? 

நபர் : எங்கே தம்பி.. காப்பாத்தற  அளவுக்கு யாருக்கு வசதி இருக்கு… அவரும் பொண்ணு தன்யாவும் மட்டும் தான் தனியா இருந்தாங்க…. எனக்கும் அவ்ளோ வசதி இல்லப்பா…. அவரை காப்பாத்தமுடியல.. நாலு வருஷம் ஓடிப் போச்சு.

ராபர்ட் : ஐயோ… சே… ஐம் வெரி லேட்.. ஆமா, அந்த பொண்ணு இப்போ எங்கே இருக்காங்க… 

நபர் : தனியா அவங்களை பாதுகாக்க ஆள் இல்லேன்னு, அன்னை அனாதை இல்லத்துல சேத்து விட்டாங்க தம்பி.. அங்கே தான் இருப்பா… நான் எப்பவாச்சும் போய் பாத்துட்டு வருவேன். பாவம், நல்லா இருந்த குடும்பம் இப்படி ஆயிடுச்சு…

ராபர்ட் : ( சோகமாக ) ஓ.. ஜீஸஸ்… சரிங்க.. நன்றி,… நான் போய் அவரோட பொண்ணை பாக்கறேன்.. 

காட்சி 9 

( அனாதை இல்லம் )

ராபர்ட் :  ஹாய்… இங்கே தன்யான்னு ஒரு பொண்ணு இருக்காங்களா ? 

அ.இ : நீங்க யாரு சார் ?

ராபர்ட் : அவங்க அப்பாவுக்கு தெரிஞ்சவங்க, என் பேரு ராபர்ட். 

அ.இ : வெயிட் பண்ணுங்க சார், நான் வர சொல்றேன்… 

( சற்று நேரத்துக்குப் பின் )

( உடல் ஊனமுற்ற ஒரு பெண் வருகிறார் )

பெண் : சார்.. வணக்கம் நீங்க… 

ராபர்ட் : நீ.. நீ… ராபர்ட் பெனடிக்ட் பொண்ணா ?

பெண் : ஆமா சார்.. அப்பா இருந்தவரைக்கும் அப்பா கூட இருந்தேன்… இப்போ அப்பாவோட நினைவோட இருக்கேன்.. 

ராபர்ட் : உ. உன் கை… 

பெண் : சின்ன வயசுலயே போனது சார்… அதனால என்னால எந்த வேலைக்கும் போக முடியல.. யாரும் வேலைக்கு சேத்துக்கவும் இல்லை.. அப்படியே போகுது சார் லைஃப்.

ராபர்ட் : நான் உன் அப்பாவுக்கு ரொம்ப கடமைப்பட்டிருக்கேன்.. நான் சின்ன வயசுல ஒண்ணுமே இல்லாம இருந்தப்போ உங்க அப்பா தான் கை குடுத்தாரு.. 

பெண் : என் அப்பாவா ? அப்பாவைப் பற்றி கேக்கவே சந்தோசமா இருக்கு…

ராபர்ட் : அதுக்கு கைமாறா நான் ஏதாவது பண்ணணும்ன்னு நினைக்கிறேன்.

பெண் : சார், நீங்க ஏதாச்சும் பண்ண நினைச்சா இந்த அனாதை இல்லத்துக்கு பண்ணுங்க. எங்களை மாதிரி ஆட்களை அன்பாவும், கனிவாகவும் வளத்தறது அவங்க தான். எனக்கு உதவின அவங்களுக்கு நன்றியுடையவளா இருக்கணும்னு நினைக்கிறேன்…

ராபர்ட் : உங்க அப்பாவை மாதிரியே உனக்கும் இளகிய மனசும்மா… அடுத்தவங்களுக்கு உதவற மனம் தான் கடவுள் இருக்கிற மனம். நான் கண்டிப்பா உதவறேன்.

பெண் : ரொம்ப நன்றி சார்… 

ராபர்ட் : அப்படியே உன்னை நான் எங்க வீட்டுக்கு கூட்டிட்டு போகப் போறேன்… அம்மா இருக்காங்க உன்னை நல்லா பாத்துப்பாங்க, என் கம்பெனில உனக்கு ஒரு நல்ல வேலையும் தரேன்…  

பெண் : சார்.. என்ன சொல்றீங்க… அந்த அளவுக்கு நான் தகுதி இல்லாதவ சார்…

ராபர்ட் : அப்படி இல்லம்மா… நான் உங்க அப்பாவால வளர்ந்தவன் .. அவரு இல்லேன்னா  இன்னிக்கு நான் இல்ல… இன்னிக்கு நான் வசதியா இருக்கேன்… உங்க அப்பாவுக்கு நன்றிக்கடன் செலுத்த ஒரு வாய்ப்பா இதை நினைக்கிறேன்…. அதான் உன்னை தத்தெடுக்கலாம்ன்னு நினைக்கிறேன்..

பெண் : தத்தா… சார், கை கூட இல்லாத பொண்ணு சார் நான்… என்னால உங்களுக்கு ஒரு சின்ன ஹெல்ப் கூட பண்ண முடியாது…. 

ராபர்ட் : நல்லது செய்யணுங்கற மனசு இருந்தா போதும், வழியை கடவுள் காட்டுவாரு. 

பெண் : நன்றி சார்… எனக்கு.. எனக்கு என்ன சொல்றதுன்னே தெரியல. இதுக்கு நான் என்ன கைமாறு செய்வேன்னே தெரியல.. கையே இல்லை.. அப்புறம் என்ன கைமாறு…

ராபர்ட் : அப்படியெல்லாம் பேசாதீங்க, கடவுள் உங்களை சிறகில வைச்சு பாதுகாப்பாரு… ஐம் ரியலி பிரவுட் ஆஃப் யுவர் ஃபாதர்… அண்ட் ,, அவர் உயிரோட இருக்கும்போ அவரை பாக்க முடியலையேன்னு தான் வருத்தமா இருக்கு… பட்… பெட்டர் லேட் தேன் நெவர்…. 

பெண் : ஆமா சார்… காட்ஸ் பிளான்… தேங்க்யூ சார். 

*

Posted in Articles

குறும்படம் : சூழ்ச்சி

காட்சி 1

( கேரல் படம் வரைந்து கொண்டிருக்கிறார், அப்போது அம்மா )

அம்மா : என்ன கேரல், இவ்ளோ லேட் ஆச்சும் இன்னும் படம் வரைஞ்சிட்டு இருக்கியா  ஹ்

கேரல : சீக்கிரம் முடிச்சிடறேம்ம்மா…. வரைய ஆரம்பிச்சா டைம் போறதே தெரியல. 

அம்மா : ம்ம்.. உனக்கு மட்டும் இந்த படம் வரையற ஆர்வம் எங்க இருந்து வந்துச்சோ தெரியல..

கேரல் : அம்மா… மனுஷங்களோட ஹிஸ்டரியை எடுத்துப் பாத்தீங்கன்னா, முதல்ல அவங்க படம் மூலமா தான் கம்யூனிகேட் பண்ணினாங்க.. சோ, இது எனக்கு கற்கால ஜீன்ல இருந்து கிடைச்சதுன்னு நினைக்கிறேன்

அம்மா : ஆமா.. என்ன சொன்னாலும் ஒரு தியரி சொல்லிடுவியே

கேரல் : அம்மா, நான் விளையாட்டா சொல்லல. முன்னாடி எல்லாம் குகையில ஓவியம் வரையறது, கல்லுல ஓவியம் வரையறது இப்படி தான் மக்கள் தங்கள் வரலாற்றை பதிவு செஞ்சாங்க… 

அம்மா : ஆமா. சொல்றவங்க எல்லாம் சொல்லுவாங்க..

கேரல் : பழசை விடுங்க.. நாம சிந்திக்கிறது எல்லாமே படங்களா தான் பிரையின்ல இருக்குமாம். படமா சிந்திச்சா தான் அது மறக்காம இருக்குமாம். இதை டிசைன் திங்கிங் ந்னு சொல்றாங்க… 

அம்மா : இதெல்லாம் நீ எங்கயிருந்து படிச்சுட்டு வருவியோ… ஒண்ணு கேட்டா இன்னொன்னு சொல்லு !  

கேரல் : ஸீ.. தானியேல்ன்னு சொன்னா உங்களுக்கு என்ன ஞாபகம் வருது… சிங்கம், சிலை, தீ.. இதெல்லாம் தானே…. படங்களா மனசுல வருதா…  தட்ஸ் டிசைன் திங்கிங். 

அம்மா : சரி .. சரி… இதை எல்லாம் அப்புறம் பேசலாம், நீ முதல்ல வேலையை முடிச்சிட்டு தூங்கு. 

கேரல் : ஓக்கேம்மா.

அம்மா : மாத்திரை எல்லாம் சாப்பிட்டே இல்லே…. எதையும் மிஸ் பண்ணிடாதே…

கேரல் : ம்ம்.. அதெல்லாம் சாப்டேம்ம்மா… 

காட்சி 2

(  கேரல் & ரெய்னா )

ரெய்னா : ஹேய் கேரல் .. என்ன அதை முடிச்சுட்டியா ?

கேரல் : யா..யா… நைட் முடிச்சுட்டு தான் தூங்கினேன்

ரெய்னா : எப்படி வந்திருக்கு ?

கேரல் : பிரமாதமா வந்திருக்கு… நீயே பாத்து சொல்லு..

ரெய்னா : ( பார்க்கிறார் ) வாவ்.. செம சூப்பர்.. வண்டர்புல்… 

கேரல் : அவருக்கு புடிக்குமா ?

ரெய்னா : என்ன அப்படி சொல்லிட்டே.. உன் டிராயிங் எப்பவுமே அவருக்கு புடிக்கும்… வழக்கமான விலையை விட கொஞ்சம் அதிகமாவே கேட்டு பாக்கறேன்.

கேரல் : தேங்க்யூ ரெய்னா…. என்னோட வர்க்கை எல்லாம் நீ வித்து பணமாக்கி தரதனால வீட்ல எந்த பிரச்சினையும் இல்லாம வாழ்க்கை ஓடுது.

ரெய்னா : சே.. என்ன இப்படி சொல்லிட்டே… உன்னோட திறமைக்கு நீ அமெரிக்க யூனிவர்சிட்டில ஆர்ட் புரஃபசரா போவே பாரேன்.

கேரல் : ஹா..ஹா.. போலியோ அட்டாக்ல ஒழுங்கா நடக்கவே முடியாம கஷ்டப்படறவ நான். அதனால தான் எனக்கு வேற வேலைக்கே போக முடியல… 

ரெய்னா : எதுக்கு அதையெல்லாம் நினைக்கிறே… உன் காலுக்கு பிரச்சினைன்னாலும், உன் கலைக்கு சிறகே முளைச்சு பறக்குது. நீயும் ஒரு நாள் பறப்பே… 

கேரல் : எனக்கு அவ்வளவு எல்லாம் ஆசை இல்லை. கலையை ரசிச்சுட்டே, கடவுளை நேசிச்சுட்டே இங்கே இருந்தா போது. 

ரெய்னா : என்ன சொன்னாலும் அதுல கடவுளை கொண்டு வந்துடுவியே… 

கேரல் : அவரு இல்லேன்னா நாம இல்லையே… எல்லாம் குடுக்கிறது அவரு தானே.

ரெய்னா : ம்ம்.. யா..யா.. பட்.. பாஸ்டர் மாதிரி இனி பிரசங்கம் பண்ண ஆரம்பிக்காதே.. நான் கிளம்பறேன்…

கேரல் : ஓக்கே…. ரெய்னா 

காட்சி 3

( ரெய்னா : தனிமையில் சிந்திக்கிறார் )

ரெய்னா : ம்ம்.. இந்த பெயிண்டிங்கை விக்கறதுல இரு ஐயாயிரமாச்சும் நாம அடிக்கணும். அவ படம் வரையறதனால, நமக்கு பொழப்பு ஓடுது. அவ படம் வரையறா, நான் படம் காட்டறேன்.. ஹி..ஹி…  கவித..கவித…

காட்சி 4

( கேரல் செபிக்கிறார் )

காட்சி 5

( நபர் & ரெய்னா )

நபர் : இந்த வருஷம் சர்வதேச  ஓவியக் கண்காட்சி நம்ம ஊர்ல நடக்கப் போவுது. அதுக்கு பொறுப்பாளரா என்னை தான் போட்டிருக்காங்க. 

ரெய்னா : வாவ்.. சூப்பர் சார் ! செம நியூஸ்

நபர் : தேங்க்யூ… அதுக்கு நிறைய வேலை பண்ண வேண்டியிருக்கு… ஐ நீட் யுவர் ஹெல்ப்

ரெய்னா : சொல்லுங்க சார்.

நபர் : ஐ நோ யூ ஆர் வர்க்கிங் இன் ஏன் ஆர்ட் காலேஜ் பிஸியா இருப்பீங்க.. பட்… இந்த புரோக்ராமுக்கு நிறைய ஆட்களை கொண்டு வர வேண்டியது உங்க பொறுப்பு. 

ரெய்னா : கொண்டு வரலாம் சார்… ஒரு லிஸ்ட் போட்டு, ஐ வில் ரீச் அவுட் டு பீப்பிள்… 

நபர் : லிஸ்ட் நானே வெச்சிருக்கேன்.. அவங்களை மீட் பண்ணி வர வைக்க வேண்டியது தான் உன் வேலை. யூ நோ.. அஸ் யூஷுவல், உன் கமிஷன் உனக்கு உண்டு.

ரெய்னா : ஹா..ஹா.. பண விஷயத்துல நீங்க எப்பவுமே கரெக்ட் சார்.. அதனால தான் நானும் எப்பவும் உங்களை தேடியே வரேன்… விளக்கை சுற்றி தானே விட்டில் பறக்கும்

நபர் : ஹி..ஹி.. இதா.. இதான் அந்த லிஸ்ட்..

ரெய்னா : (பார்க்கிறார் ) .. என்ன சார்.. கேரல் பெயரெல்லாம் போட்டிருக்கீங்க…

நபர் : யா… நீ குடுக்கிற படம் எல்லாம் நல்லாவே இருக்கும்.. லெட்ஸ் கிவ் ஹர் ஏன் ஆப்பர்டூனிடி… நல்ல ஆர்ட் வெச்சா அவங்களுக்கு பெஸ்ட் ஆர்ட்டிஸ்ட் அவார்ட் கிடைக்க சான்ஸ் இருக்கு…. 

ரெய்னா : சார்.. பெரிய பெரிய ஆட்கள் கூட அவளை எதுக்கு சார்… இட் வில் நாட் ஆட் எனி வேல்யூ..

நபர் : எல்லா பெரிய ஆட்களும் சின்னவங்களா இருந்து வந்தவங்க தானே.. ஒரு சேன்ஸ் மே பி அ டர்னிங் பாயிண்ட் பார் தம்… 

ரெய்னா : (சுவாரஸ்யமில்லாமல் ) ம்ம்..ஒ..யா…அவங்களையும் வர சொல்றேன்… பட்… யூ..நோ…. அவளுக்கு நடக்க முடியாது… 

நபர் : ஓ… தட் ஐ டோட்ண்ட் நோ… நல்ல கலைஞர்களுக்கு எப்பவுமே ஏதாச்சும் ஒரு ஊனம் இருக்குது.. யூ நோ பிக்காஸோ ரைட்.. ? அவருக்கு dyslexic பிரச்சினை இருந்துது…  யூ நோ பீத்தோவான்.. இசைச்சக்கரவர்த்தி.. பட் காது கேக்காது !

ரெய்னா : ம்ம்ம்.. வெரி இண்டரஸ்டிங்

நபர் : கடவுள் எல்லாரையும் அற்புதமா காப்பாத்தறவர்… ஓக்கே.. லெட்ஸ் ஸ்டார்ட் அவர் வர்க்

ரெய்னா : ஓக்கே சார்

காட்சி 6

ரெய்னா : ( மனதில் ) சே… அவளுக்கு வந்த வாழ்வை பாருங்க…. எப்படியாவது கட் பண்ணலாம்ன்னு பாத்தா விடமாட்டேங்கறாரு… ம்ம்.. சரி சரி, நாம நம்ம கமிஷனை வாங்குவோம்

காட்சி 7

( ரெய்னா & கேரல் )

ரெய்னா : கேரல்.. ஒரு செம செம நியூஸ்…. சொன்னா நீ அப்படியே ஆச்சரியப்படுவே

கேரல் : என்ன பீடிகை ரொம்ப பலமா இருக்கு

ரெய்னா : பின்னே இருக்காதா, உனக்காக உயிரைக் குடுத்து போராடி, சண்டை போட்டு ஒரு விஷயம் பண்ணியிருக்கேன்.

கேரல் : போதும் பீடிகை விஷயத்தை சொல்லு…

ரெய்னா : இந்த வருஷம் இண்டர்நேஷனல் ஓவியக் கண்காட்சி நம்ம ஊர்ல தான் நடக்குது…

கேரல் : ஓ..வாவ்.. அங்கே போறதுக்கு டிக்கெட் வாங்கியிருக்கே.. அப்படி தானே

ரெய்னா : ஹா..ஹா… போறதுக்கு இல்ல, நீ அங்கே பார்ட்டிசிப்பேட் பண்ண போறே.. அதுக்கு பெர்மிஷன் வாங்கியிருக்கேன்

கேரல் : வாட்… என்ன சொல்றே…. 

ரெய்னா : யா… எப்டி

கேரல் : ஓ மை காட்.. ஐ காண்ட் பிலீவ். தேங்க்யூ ஜீஸஸ்.. யூ ஆர் அமேசிங்

ரெய்னா : பலரோட கைல கால்ல விழுந்து சேன்ஸ் வாங்கிட்டு வந்தது நான்.. நன்றி இயேசுவுக்கா ?

கேரல் : ஹே.. நீ என்னோட பெஸ்ட் பிரண்ட். எப்பவுமே எனக்கு நல்லது தான் நினைப்பே. உன் மூலமா தானே இயேசு இதெல்லாம் செஞ்சிருக்காரு.. உனக்கு இல்லாத நன்றியா

ரெய்னா : ஓக்கே.. ஓக்கே … ஓவர் ஆக்டிங் வேண்டாம்.. கண்காட்சிக்கு ரெடி ஆகு

கேரல் : சே..சே ஐ மீன் இட்

ரெய்னா : யா.. ஐ நோ… ஐ வாஸ் கிட்டிங்..

காட்சி 8

( ஓவியக் கண்காட்சிக்காய் தயாராகிறாள் )

அம்மா : ராத்திரி பகலா உக்காந்து எல்லாம் பண்ணிட்டிருக்கியேம்ம்மா… ரெஸ்ட் எடு.. ஹெல்த் என்ன ஆவ போவுதோ 

கேரல் : அம்மா, பெரிய பெரிய இடங்களுக்கு கடவுள் நம்மை கொண்டு போகும்போ, நாம அதுக்குத் தக்கபடி கடுமையா உழைக்கணும்மா….

அம்மா : ம்ம்ம்.. உன்னோட வளர்ச்சியை விட வேற சந்தோசம் எனக்கு என்ன இருக்கு.. ஆனாலும், ஹெல்த்தை பாத்துக்கம்மா..

கேரல் : ஷுயர்மா.. நீங்க போய் தூங்குங்க..

காட்சி 9

( கண்காட்சி நடக்கிறது 

கேரலை பலர் பாராட்டுகிறார்கள் + )

நபர் : கேரல்.. இட் வாஸ் வண்டர்புல்.. தேங்க்யூ பார் த பார்டிசிபேஷன்…

கேரல் : தேங்க்யூ சார். 

காட்சி 10 

( நபர் & ரெய்னா )

நபர் : ரெய்னா.. கேரலோட வர்க்ஸ் எல்லாமே பிரமாதமா வந்திருக்கு… சோ அவங்க பெயரையும் நாமினேட் பண்ணி அனுப்ப போறேன்.. லெட்ஸ் சீ, ரிவ்யூ கமிட்டி என்ன சொல்றாங்கன்னு… 

ரெய்னா : எதுக்கு சார்..

நபர் : பெஸ்ட் ஆர்ட்டிஸ்ட் அவார்டுக்கு தான்…. 

ரெய்னா : ஓ.. அ..அவ்ளோ நல்லா இருந்துச்சா சார்.

நபர் : ஐ.. காட் குட் ஃபீட் பேக்ஸ்… லெட்ஸ் டிரை.. உங்க பிரண்ட் வேற..

ரெய்னா : எஸ்.. எஸ்.. ஐ வில் பி எக்ஸைட்டட்… ( அவஸ்தையாய் புன்னகை )

நபர் : சூப்பர், அவங்க கிட்டே சொல்லிடுங்க… 

ரெய்னா : கண்டிப்பா சார்… 

காட்சி 11

ரெய்னா : இவளுக்கு ஒருவேளை அவார்ட் கிவார்ட் கிடைச்சா அப்புறம் நம்மளை டிப்பண்ட் பண்ணி இருக்க மாட்டா.. நம்ம வருமானம் எல்லாம் போயிடும்.. என்ன பண்ணலாம்.. ம்ம்.. சரி விட்டுப் பிடிப்போம்…

காட்சி 12 

( ரெய்னா & கேரல் ) 

ரெய்னா : கேரல்.. எகேயின் செம ஹேப்பி நியூஸ்.. உன் பேரை டாப் லிஸ்ட்ல போட்டு அவார்ட் கமிட்டிக்கு நாமிநேட் பண்ணியிருக்காங்க

கேரல் : ஓ… நம்பவே முடியல.. தேங்க்யூ ஜீஸஸ்.

ரெய்னா : யா, பத்து பேர் பெயர் கமிட்டிக்கு போயிருக்கு… ஆக்சுவலி உன் நேம் லிஸ்ட்ல வரல நான் தான் எப்படியாவது போட சொன்னேன்.

கேரல் : ஓ.. நேர்மையா வரலேன்னா வேண்டாம் ரெய்னா… கடவுளுக்கு தெரியும் எதை எப்ப தரணும்ன்னு

ரெய்னா : நோ.. நோ.. ஐ மீன்.. இது அவங்க செலக்ட் பண்றது தானே.. ஆக்சுவலி உனக்கு நிறைய குட் ஃபீட் பேக்ஸ்…

கேரல் : தேங்க்யூ..

ரெய்னா : நியாயமா தான் போயிருக்கு.. டோண்ட் வரி… உனக்கு கிடைச்சா ஐ வில் பி கேப்பி.. இட்ஸ் ஃபைவ் லேக்ஸ் கேஷ் பிரைஸ்

கேரல் : வாட்ட்… 5 இலட்சமா.. 

ரெய்னா : யா.. லெட்ஸ் சீ

கேரல் : யா.. கடவுளோட விருப்பம் எதுவோ அது நடக்கட்டும்.

காட்சி 13

ரெய்னா : ஆன்லைன் ஓட்டிங் போர்ட்டல்ல ஹேக் பண்ண சொன்னேனே.. முடிஞ்சுதா ?

நபர் 2 : இல்லை, அது இண்டர்நேஷனல் செக்யூரிடி கீயோட வருது.. 

ரெய்னா : சே… கேரலுக்கு யாரும் ஓட்டு போடாம இருக்கணும்ய்யா.. அதுக்கு என்ன பண்ணலாம்

நபர் 2 : இனிமே ஒண்ணும் பண்ண முடியாது.. இட்ஸ் டூ லேட். 

ரெய்னா ( யோசிக்கிறார் ) : ம்ம்.. யா.. ஒண்ணு பண்ணு… சோசியல் மீடியால அவ பேரை டேமேஜ் பண்ணு…. 

நபர் 2 : அப்படின்னா ?

ரெய்னா : இந்த டிராயிங்க்ஸ் எல்லாம் காப்பி, சம்படி ஈஸ் ஹெல்ப்பிங், அப்படி இப்படி கிளப்பி விடு… அது வைரல் ஆகட்டும்..

நபர் 2 : ஓ.. ஓக்கே. ஓக்கே

ரெய்னா : அப்படியே.. திறமை இல்லாதவங்களுக்கு ஹேண்டிகேப்ட் ஆனதால கன்சிடரேஷன் குடுக்கிறாங்க… ஆர்கனைஸருக்கு தெரிஞ்சவங்க…. பயஸ்ட் ந்னு ஒரு கதை கிளப்பி விடு. 

நபர் 2 : அதை பண்ணிடுவோம்… கண்டிப்பா நாலு பேரு நாலு விதமா பேசுவாங்க… 

ரெய்னா : ஹே..ஹே.. ஒன் மோர் திங்…. ஸ்கூல்ல படிக்கும்போ ஒரு தடவை காப்பி அடிச்சதா அவ மேல கம்ப்ளெயிண்ட் உண்டு. ஆக்சுவலி அவ காப்பி அடிக்கல, பட் அது மேட்டர் கிடையாது. சின்ன வயசிலயே இப்படிப்பட்ட ஆளு தான், இன்னும் திருந்தல ந்னு போட்டு விடு. ரெண்டையும் லிங்க் பண்ணு. எதை சொன்னாலும் நம்பறதுக்கு ஒரு வாட்சப் கூட்டமே இருக்கு… 

நபர் 2 : எல்லாம் பக்காவா பண்றேன்…டோண்ட் வரி

காட்சி 14

pl

( நபர் & ரெய்னா )

நபர் ( போனில் ) : வெரி அன்ஃபார்சுனேட்…. 

ரெய்னா : என்ன சார்

நபர் : கேரல் க்கு அவார்ட் கிடைக்கல.. ஆக்சுவலி ஷி வாஸ் ஃபர்ஸ்ட் இன் த லிஸ்ட்.. பட்.. அவங்க கேரக்டர் சரியில்லை, வர்க் மேல சந்தேகம் அப்படி இப்படி நிறைய சோசியல் மீடியா ஹைப் கிரியேட் ஆயிடுச்சு..

ரெய்னா : ஐயையோ.. அவ சோசியல் மீடியாலயே இல்லையே சார்

நபர் : யா.. சம்படி இனிஷியேட்டர்..  அவ நேம் ஸ்பாயில் ஆயிடுச்சு. 

ரெய்னா : சார், ஷி ஈஸ் இன்னசெண்ட்.. நாம புரூஃப் பண்ணலாம் சார் ( ரகசியமாய் புன்னகை )

நபர் : அதுக்கு டைம் இல்லை.. அலிகேஷன்ஸ் இருந்ததால பேனல் அவளை ரிஜக்ட் பண்ணிட்டாங்க… சோ, லெட்ஸ் டிரை நெக்ஸ்ட் டைம்

ரெய்னா : ஓ.. ஓக்கே சார்.. பேட் லக்

காட்சி 15

( ரெய்னா & கேரல் )

கேரல் : டோண்ட் வரி ரெய்னா… நான் அவார்டெல்லாம் எதிர்பார்க்கல. கண்காட்சிக்கு போக முடிஞ்சதே பெரிய விஷயம் தாம்

ரெய்னா : பட்.. நீ ஜெயிக்கணும் அவார்ட் வாங்கணும்ன்னு நான் ரொம்ப ஆசைப்பட்டேன்.. ம்ம்ம்… 

கேரல் : தேங்க்யூ ஃபார் யுவர் கன்சர்ன்… லெட்ஸ் ப்ரே.. காட் வில் லீட்

காட்சி 16

( கேரல் செபிக்கிறார் )

காட்சி 16 ஆ

( போன் வருகிறது )

கேரல் : ஹலோ..

போன் : ஹலோ.. ஈஸ் திஸ் ஜெனி ?

கேரல் : ஜெனி ஈஸ் மை மாம்.. அவங்க வெளியே போயிருக்காங்க.. நீங்க  ?

போன் : நான் சைபர் கிரைம் இன்ஸ்பெக்டர் பேசறேன்… ஜெனி கிட்டே பேசணுமே…. 

கேரல் : சைபர் கிரைமா ? என்ன சார் விஷயம், என் கிட்டே சொல்லுங்க… நான் அவங்க பொண்ணு தான்… 

போன் : ஓ… யூ ஆர் கேரல் ?

கேரல் : எஸ் ..சார்

போன் : இல்ல.. உங்க பேரை வேணும்ன்னே யாரோ கெடுத்ததாகவும், சோசியல் மீடியால உங்களைப்பற்றி தப்பு தப்பா சொன்னதாகவும், அதனால நீங்க மன உளைச்சல்ல இருக்கிறதாகவும், அந்த புரளி கிளப்பினவங்களை கண்டுபிடிக்கணும்ன்னும் உங்க அம்மா ஒரு கம்ப்ளெயிண்ட் குடுத்திருந்தாங்க..

கேரல் : ஓ.. அம்மா கம்ப்ளெயிண்ட் குடுத்த விஷயம் எனக்கு தெரியாதே சார்…. பட்…யாரு பண்ணினதுன்னு தெரிஞ்சுதா சார் ?

போன் : யா.. விக்டர்ன்னு ஒரு பையன் தான் இந்த கான்வர்சேஷன் எல்லாம் இனிஷியேட் பண்ணியிருக்கான். கொஞ்சம் டெக்கி போல, அதனால சோர்ஸை டிராக் பண்ண கொஞ்ச டைம் ஆச்சு.. பட்…. 

கேரல் : சொல்லுங்க சார்…

போன் : அத அவனா பண்ணல, ஒருத்தங்க அவனை பண்ண வெச்சிருக்காங்க… பணத்துக்காக…. அந்த ஆள் யாருன்னும் அவன் சொல்லிட்டான். அந்த நபரையும் நாங்க ஸ்டேஷனுக்கு வர சொல்லியிருக்கோம்.

கேரல் : யாரு சார் அது ?

போன் : அவங்க உங்களுக்கு வெரி குளோஸ் அதனால தான் ஒரு தடவை போன் பண்ணி என்ன பண்ணலாம்ன்னு கேக்கலாம்ன்னு நினைச்சேன்… ஐ நோ யுவர் மாம் வெரி வெல்… இருபது வருஷமா நாங்க பிரண்ட்ஸ்… 

கேரல் : எனக்கு குளோஸா… அப்படி யாரும் எனக்கு கெடுதல் நினைக்கிறவங்க இல்லையே சார்.

போன் : இட்ஸ் ரெய்னா 

கேரல் : வாட்… ரெய்னா வா… ஓ… மே பி மிஸ்டேக்கன் சார்

போன் : நோ நோ… இட்ஸ் கிளியர்.. நிறைய விஷயங்களை தொடர்ந்து பண்ணியிருக்காங்க.. நீங்க தான் வெள்ளந்தியா இருந்திருக்கீங்க.

கேரல் : ஓ..ம்ம்…. சார், ஒரு ரிக்வஸ்ட்…

போன் : சொல்லுங்க…

கேரல் : கேன் வி டிராப் திஸ் கேஸ் ? நான் அம்மா கிட்டே சொல்றேன்… லெட்ஸ் லீவ் திஸ் கேஸ்…. 

போன் : என்னம்மா இப்படி சொல்றீங்க… உங்களுக்கு எதிரா இருக்கிறவங்களுக்கு ஒரு பாடம் கற்பிக்க வேண்டாமா ? இதையெல்லாம் சொல்லி அவங்க வேலையை விட்டே தூக்க வைக்கிறேன்… இந்த மாதிரி கிரிமினல்ஸை விடக் கூடாதும்மா

கேரல் : தண்டனையை விட மன்னிப்பு பெரியது சார்.. நான் அம்மா கிட்டே பேசறேன்.. அம்மா உங்க கிட்டே பேசுவாங்க.

போன் : என்னவோம்மா… டேக் த ரைட் டிசிஷன்… 

காட்சி 16 இ

( கேரல் சோகமாக இருக்கிறார்…. பைபிள் படித்து செபிக்கிறார் )

காட்சி 17 : 

நபர் 3 : ஹலோ ஈஸ் திஸ் கேரல் 

கேரல் : ஆமா சார்.

நபர் 3 : நான் டேவிட் பேசறேன்… 

கேரல் : சொல்லுங்க சார்

நபர் 3 : உங்க கண்காட்சிக்கு வந்திருந்தேன். யுவர் வர்க்ஸ் ஆர் ஆசம்.. ரொம்ப பிரமாதம். நான் மிச்சிகன் யூனிவர்சிடில ஆர்ட் டிப்பார்ட்மெண்ட் ஹெட்… உங்க கிட்டே ஒரு விண்ணப்பம்

கேரல் : ஓ.. சூப்பர் சார். நீங்க எல்லாம் போன் பண்ணி பாராட்டறது ரொம்ப சந்தோசம் சார்.

நபர் 3 : நோ..நோ.. இட்ஸ் மை பிளஷர். நீங்க எங்க காலேஜ்க்கு ஆர்ட் லெக்சரரா வர முடியுமா ? ஸ்பெஷல் கேட்டகிரில வி கேன் ஹயர் யூ

கேரல் : சார்.. என்ன சொல்றீங்க…. என்னால.. நான்… 

நபர் 3 : உங்க அனுமதி. மட்டும் இருந்தா, ஐ வில் டேக் கேர் ஆஃப் எவ்ரிதிங்.

கேரஸ் : சார்.. என்னால நம்பவே முடியல.. ஐடோண்ட் நோ வாட் டுடு.. ஐ நீட் டைம்.. ஐ நீட் டு ப்ரே… ஆஸ்க் காட்.. ஆஸ்க் மை மதர்..  

நபர் 3 : நோ பிராப்ளம்.. அடுத்த வாரம் கால் பண்றேன் சொல்லுங்க. திஸ் ஈஸ் மை வாட்சப் நம்பர்.. பிளீஸ் பீ இன் டச்.

கேரல் : தேங்க்யூ சார்

காட்சி 18

ரெய்னா : என்ன கேரல் அவசரமா வர சொன்னே.. .என்ன மேட்டர்… 

கேரல் :  …. ஒரு. முக்கியமான விஷயம் பேச தான் வர சொன்னேன்… 

ரெய்னா : சொல்லு கேரல்.. புது டிராயிங் ரெடியா

கேரல் : அதெல்லாம் விடு… எனக்கு ஒரு வேலை கிடைச்சிருக்கு… நானும் ஓக்கே சொல்லிட்டேன்

ரெய்னா : வாவ்.. எக்சலண்ட்.. எங்கே ? என்ன வேலை..கொஞ்சமாச்சும் சம்பளம் குடுப்பாங்களா ?

கேரல் : நீ அடிக்கடி சொல்ற மாதிரி.. அமெரிக்கால ஒரு வேலை.. ஆர்ட் லெக்சரரா வேலை…. அம்மாவையும் கூட்டிட்டு போக போறேன்… 

ரெய்னா : வா..வாட்… அ..அ..மெரிக்க….அமெர்க்கா…

கேரல் : யா.. உன் வாய் முகூர்த்தம்பா.. யூ ஆர் அமேசிங். எல்லாத்துக்கும் உன் அன்பும் ஆதரவும் ஒரு காரணம். 

ரெய்னா : ஹி..ஹி.. யா.. அம்.. ஹேப்பி.. யா..

கேரல் : ஒரு ரிவ்கஸ்ட்..

ரெய்னா : சொல்லு… இனி..என்ன ?

கேரல் : உனக்கும் அதே காலேஜ்ல ஒரு ஆப்பர்டூனிடி கேட்டிருக்கேன். நீ ஆல்ரெடி ஆர்ட் காலேஜ்ல தானே இருக்கே.. அவங்க கன்சிடர் பண்றேன்னு சொல்லியிருக்காங்க. நீ கூட இருந்தா தான் எனக்கு நிம்மதி

ரெய்னா : ( வருந்துகிறார் ) கேரல்.. ஐம் சாரி.. நீ நினைக்கிற மாதிரி நான் நல்லவ இல்ல.. ஐம் நாட் ஹானஸ்ட்… நிறைய விஷயங்கள் உனக்கு எதிரா ….

கேரல் : அதெல்லாம் விடு ரெய்னா.. ஐ நோ… சைபர் கிரைம் இன்ஸ்பெக்டர் நேற்று பேசினாரு…. பாஸ்ட் ஈஸ் பாஸ்ட்…. நான் அதை அப்பவே மன்னிச்சுட்டேன். மறந்துட்டேன். 

ரெய்னா : கேரல்.. ஐ ஃபீல் கில்ட்டி.. உனக்கு எதிரா நான் எவ்ளோ பண்ணினாலும்   நீ கொஞ்சம் கூட மாறாம அப்படியே இருக்கே… ஐம் அஷேம்ட்… 

கேரல் : கடவுளோட அன்பு, தியாகத்துக்கு முன்னாடி நாம சந்திக்கிற சவால்கள் எல்லாம் ரொம்ப ரொம்ப சின்னது தானே ரெய்னா..

ரெய்னா : உண்மை தான்.. ஆனா, சைபர் கிரைம் இன்ஸ்பெக்டர் கூப்பிட்டிருக்காரு…. கண்டிப்பா கேஸ் ஆயிடும், என்னோட வேலைக்கும் பிரச்சினை தான். இந்த நியூஸ் வெளியே வந்து ஊர்லயே பெரிய அவமானமா போயிடும்… அடுத்தவங்க லைஃபை கெடுக்கிறதுல சோசியல் மீடியா ஆயிரம் கண்ணோட காத்திட்டிருக்கு… அது மட்டுமில்லை… எஃப் ஐ ஆர் ஆயிச்சுன்னா, நான் ஃபாரின் டிராவல் பண்ணவும் முடியாது.

கேரல் : இல்ல, அப்படியெல்லாம் ஆகாது. நான் கேஸை வித்றா பண்ண சொல்லிட்டேன். அம்மாவும் இன்ஸ்பெக்டர் கிட்டே பேசியிருக்காங்க. 

ரெய்னா : ஓ… 

கேரல் : யா.. அம்மா தான், உனக்கு இங்கே அன் கம்ஃபர்டபிளா இருக்கும், எப்படியும் விஷயம் வெளியே வந்துச்சுன்னா ஃபீல் பண்ணுவே, சோ அமெரிக்கால ஒருவேலை பாருன்னு சொன்னாங்க. அதான் நானும் ரொம்ப மும்முரமா உனக்காக பேசி ஏற்பாடு பண்ணினேன். 

ரெய்னா : கேரல்… ஐ டோண்ட் நோ வாட் டு சே……. உண்மையான நட்பு என்னன்னு நீ புரூஃப் பண்ணியிருக்கே…. 

கேரல் : ரெய்னா.. பிளீஸ்… லெட்ஸ் நாட் டாக் எபவுட் எனிதிங்… யூ நோ வாட் ஈஸ் ரைட்.. காட் வில் கைட்… 

ரெய்னா : யா.. காட் ஷுட் ஹெல்ப்

கேரல் : கேன் யூ பிளீஸ் கம்… ஒரு மாற்றமாவும் இருக்கும்…. ஒரு கேரியர் எலிவேஷனாவும் இருக்கும்…. வீட்ல போய் பேசிப் பாத்து சொல்லேன்

ரெய்னா : லெட் மி ஆஸ்க் காட் பர்ஸ்ட் … வீட்ல பேசறதுக்கு முன்னாடி, வான் வீட்ல பேசணும்… அவரு கிட்டே நிறைய பேச வேண்டியிருக்கு.. நிறைய மன்னிப்பு கேக்க வேண்டியிருக்கு… கொஞ்சம் டைம் குடு… நான் சொல்றேன்

கேரல் : தேங்க்யூ.. கடவுள் என்ன சொல்றாரோ அதுபடி செய்.. ஐ வில் பி ஹேப்பி டு ஹியர் பிரம் யூ

ரெய்னா : ஷுவர்

*

Posted in Articles, Sunday School

SKIT : கருணைக் கொலை

கருணைக் கொலை

*

 ( அரசவை கூடுகிறது )

மந்திரி : மன்னரே வணக்கம். 

அரசன் : வாருங்கள் மந்திரியாரே, மாதம் மும்மாரி மழை பொழிகிறதா ?

மந்திரி : என்ன அரசரே.. அந்த டயலாக்கை இன்னும் மாத்தலையா ? கொள்ளை நோய் வந்து மக்கள் கொத்துக் கொத்தா செத்திட்டிருக்காங்க.. 

அரசன் : ஓ… ஆமா, அதை மறந்து விட்டேன். இப்போது தான் நிலமை கொஞ்சம் சீராகிவிட்டதே ? 

மந்திரி : எங்கே சரியாச்சு ? யானை புகுந்த வயல் போல ஆகிவிட்டது நமது நாடு. பொருளாதாரம் பெருத்த சேதமடைந்து விட்டது. 

அரசன் : ம்ம்.. குறுநில மன்னர்களெல்லாம் வரி கட்டி விட்டார்களா ?

மந்திரி : அரசே … எல்லோரும் குவாரண்டைனில் இருப்பதால் எந்த வருமானமும் இல்லை…  யாரும் வரி கட்டவில்லை. 

அரசன் : என்ன ? யாரும் வரி கட்டவில்லையா ? அவர்கள் மீது போர் தொடுப்போம் என சொல்லுங்கள்.

மந்திரி : அரசரே.. போர்வீரர்களெல்லாம் வாள் பிடிப்பதை மறந்துவிட்டு, ஆவி பிடித்துக் கொண்டிருக்கிறார்கள். போரெல்லாம் சில ஆண்டுகளுக்கு வாய்ப்பே இல்லை.

அரசன் :  ம்ம்… சரி, கொஞ்ச நாள் பொறுத்திருப்போம். 

மந்திரி : பொறுத்திருக்க முடியாத சூழல் இருப்பதால் தான் உங்களைக் காண வந்திருக்கிறேன். 

அரசன் : என்னாச்சு ? புரியும்படி கூறுங்கள்… 

மந்திரி : மன்னரே… நமது கஜானா காலியாகிவிட்டது !

அரசன் : என்ன ? கஜானா காலியாகிவிட்டதா ? எப்படி ? எப்படி ?

மந்திரி : வருமானமே இல்லாத கஜானா, ஓட்டைப் பானையில் விழுந்த மழை போல ஒழுகித் தீர்வது இயல்பு தானே மன்னா ?

அரசன் : நீர் என்ன மந்திரியா ? தமிழ் வாழ்த்தியாரா ? இந்த பிரச்சினைக்கு என்ன தீர்வு என்பதைச் சொல்லும்.

மந்திரி : அரசே, அரசவையைக் கூட்டி மந்திரிகள் மற்றும், அதிகாரிகளின் ஆலோசனை பெறலாம் மன்னா.. 

அரசன் : ம்ம்.. அப்போ உங்களுக்கு ஒண்ணும் தெரியாது.. சரியான மிக்சர் மந்திரி நீர்… சரி சரி, அப்படியே ஆகட்டும். விரைவில் மந்திரிசபையைக் கூட்டும்… 


காட்சி 2

( மன்னர் மந்திரி சபை )

மன்னர் : இந்த அவை எதற்காகக் கூடியிருக்கிறது என்பதை நீங்கள் அறிவீர்கள் என நினைக்கிறேன்

மந்திரி 1 : இல்லை அரசே… ஏதேனும் விருந்து வைப்பீர்கள் என நினைக்கிறேன்

மந்திரி 2 : கொள்ளை நோய் காலத்தில் எங்களுக்கு செல்வம் தந்து மகிழ்விப்பீர் என நினைக்கிறேன்

மந்திரி 1 : இல்லையேல் .. உயர்பதவி கொடுத்து உற்சாகப்படுத்துவீர் என நினைக்கிறேன்

மந்திரி 2 : ஒருவேளை வாடிக்கையாய் ஏதேனும் கேளிக்கையோ ?

மன்னர் : கிழிஞ்சுது… உங்களுக்கெல்லாம் கஜானாவின் நிலை தெரியுமா இல்லையா ?

மந்திரி 1 : கஜா வுக்கு என்ன ஆச்சு ? அவனுக்கும் நோயா ?

மன்னர் : கஜா இல்லப்பா கஜானா ! அது காலியாய்க் கிடக்கிறது. வரவு இல்லை, செலவு ரொம்ப அதிகம்.

மந்திரி 2 : ஓ… இப்போ என்ன செய்யலாம் மன்னா ?

மன்னர் : ஆமா, அதையும் என்னிடமே கேளுங்கள் ! அதற்குத் தானே உங்களை அழைத்திருக்கிறேன்.. நீங்களே சொல்லுங்கள்.

மந்திரி 1 : மன்னரே, வருமானத்தை அதிகரிக்க வேண்டும், அது வரை செலவைக் குறைக்க வேண்டும். அதற்காக எங்கெல்லாம் அதிக செலவு வருகிறதோ அதையெல்லாம் கட் பண்ண வேண்டும்.

மந்திரி 2 : அதே போல, எங்கெல்லாம் வருமானம் வர வாய்ப்பு இருக்கிறதோ அதையெல்லாம் பெற்றுக் கொள்ள வேண்டும். குறைந்த பட்சம் உள்ளூர் வரியையாவது பெற வேண்டும்.

மன்னர் : ம்ம்.. எங்கெல்லாம் செலவு அதிகம் என நினைக்கிறீர்கள் 

மந்திரி 1 : உங்களுடைய தேவையற்ற பயணங்களை நிறுத்துவோம்.. உங்கள் அலங்காரத்துக்கு செலவிடும் பணத்தை கஜானாவில் போடுவோம்… பரிவாரங்களோடு சுற்றித் திரிவதற்கே பெரும் பணம் செலவாகிறது. 

மன்னர் : கடைசியில் என்னிடமேவா.. சரி சரி.. வேறென்ன ?

மந்திரி 2 : புதிய திட்டங்களை நிறுத்திவிடுவோம் மன்னா… 

மன்னர் : நீ வேற.. பழைய திட்டங்களையே கிடப்பில் போட்டாயிற்று. 

மந்திரி 1 : படை பலத்தைக் குறைத்து, படைக்காக செலவிடும் பணத்தை மக்களுக்காகச் செலவிடலாம் மன்னா

மன்னர் : எதிரி மன்னன் போரிட்டு வந்தால் என்ன செய்வது ? முழு படையை வைத்துக் கொண்டே முக்கோ முக்கென்று முக்குகிறோம்.

மந்திரி 2 : மக்களிடம் இன்னும் கொஞ்சம் வரி வாங்குவோம் மன்னா…  

மன்னர் : எழும்ப முடியாமல் கிடப்பவர்கள் மேல் பாறாங்கல்லா, என்ன ஐடியா சொல்கிறீர்கள் ? மந்திரிகளே.. நீங்கள் இன்னும் இரண்டு நாட்களில் கஜானாவை நிரப்பும் ஐடியா சொல்லவில்லையேல்.. உங்கள் தலை உங்கள் கழுத்தில் இருக்காது.

மந்திரி 1 : மன்னா ?

மன்னர் : இது அரச கட்டளை ! வாய்ப்பேச்சும், வயிறு வளர்ப்பும் தான் உங்கள் பணியா ? செய் அல்லது செத்துமடி.. இப்போ போகலாம்.


காட்சி 3

( மந்திரி 1 )

யோசிக்கிறார்.

திடீரென யோசிக்க சொன்னால் எப்படி யோசிப்பது. மூளையைப் பயன்படுத்தில் மாமாங்கம் ஆகிவிட்டதே. மன்னருக்குத் துதி பாடி காலத்தை ஓட்டலாம் என்றால் தலைக்கே ஆபத்து வந்து விட்டதே… ஐடியா என்ன ஊறுகாயா வரும் வழியில் வாங்கி வருவதற்கு.. ஐயையோ என்ன செய்வேன்.. என்ன செய்வேன்

காட்சி 4

( மந்திரி - வரும் வழியில் ஒரு முதியவர் வீட்டுத் திண்ணையில் படுத்திருக்கிறார் )

முதியவர் : யப்பா.. யாருப்பா அங்கே போறது.. கொஞ்சம் ஹெல்ப் பண்ணுங்கப்பா…

மந்திரி : ம்ம்..நானே தலைக்கு வந்தது தலைப்பாகையோடு போகாதா என தவித்துக் கொண்டிருக்கிறேன்.. உமக்கு என்னய்யா ?

முதியவர் : தம்பி.. தம்பி… என்னைப் பாருப்பா.. என் தலை எழுத்து..

மந்திரி : ஐயா.. தலையைத் தவிர வேறு ஏதாவது பேசுங்கள்..

முதியவர் : தம்பி.. எனக்கு நோய் வந்ததும் என் பையன் என்னை வீட்டை விட்டு வெளியே போட்டுவிட்டான். சாப்பாடும் தருவதில்லை… இந்த கொள்ளை நோய் என்னைக் கொல்லாமல் கொல்லுதுப்பா..

மந்திரி : என்ன சொல்றீங்க… உங்க சொந்த பையனா ?

முதிவர் : பின்னே வாடகை பையனா… ரொம்ப கேள்வி கேக்காம ஒரு ஹெல்ப் பண்ணுப்பா… 

மந்திரி : நான் இந்த நாட்டின் மந்திரி தான் சொல்லுங்கள். .என்ன செய்யவேண்டும்.

முதியவர் : நீ மந்திரியோ முந்திரியோ.. எனக்கு கொஞ்சம் வாங்கி குடுக்கிறியா…

மந்திரி : என்ன வாங்கி தரணும்னு சொல்லுங்க.. அன்னம் வாங்கி வரவா  ?

முதியவர் : சாப்பாடெல்லாம் வேண்டாம்.. அதை சாப்பிட்டு பல நாள் ஆச்சு.. இப்படியே நான் சாகட்டும்ன்னு என் பையன் என்னை போட்டுட்டு போயிட்டான்…. எனக்கு விஷம் மட்டும் வாங்கி குடுப்பா

மந்திரி : என்ன விஷமா ? நீர் கேட்பது விஷமத்தனமாய் இருக்கிறதே !

முதியவர் : இல்லப்பா.. கொஞ்சம் கொஞ்சமா வலியில சாகிறதுக்கு .. ஒரு விஷம் வாங்கி குடுத்தா நான் சட்டுன்னு போயிடுவேன். என்னோட வலியும் போயிடும். இது ஒரு கருணைச் செயல்ப்பா..

மந்திரி : ஐயா.. என்ன தெரிந்து தான் பேசறீங்களா ?

முதியவர் : தம்பி… என்னால இனிமே இந்த வீட்டுக்கோ நாட்டுக்கோ என்ன பயன்.. … செத்ததினொப்பமே ஜீவிச்சிரிக்கிலும்… தான் என்னோட நிலமைப்பா…

மந்திரி : அரசு தான் முதியோருக்கு பணம் தருதே..

முதியவர் : அட போப்பா.. அதெல்லாம் பையன் தான் செலவழிக்கிறான். நான் இல்லேன்னா அரசுக்கு செலவு மிச்சம் .. கஜானால கொஞ்சம் காசாவது சேரும்… 

மந்திரி : ( மனதில் ) அட… செம ஐடியா.. வயதானவங்க.. கஷ்டப்படறாங்க .. அவங்களால செலவு… அவங்க இல்லேன்னா… செலவு கம்மி… ஒருத்தன் சாகறான்.. அவன் பணம் கஜானா போவுது… ரிப்பீட்டு.. அடுத்தவன் சாகறான் அவன் பணம் கஜானா போவுது ரிப்பீட்டு.. சாகறான் பணம் வருது.. ரிப்பீட்டு.. ( சத்தமாக ) வாவ்.. செம ஐடியா…

முதியவர் : என்ன ஐடியாப்பா..

மந்திரி : கொஞ்சம் வெயிட் பண்ணுங்க… உங்க கஷ்டத்தை சீக்கிரம் சரி பண்ணிடறேன்

முதியவர் : தம்பி.. தம்பி.. அந்த விஷம்.. விஷம் தம்பி..


காட்சி 5

( மந்திரிகள் கூடுகிறார்கள் )

மந்திரி : நான் சொல்றதை கேளுங்க.. எனக்கு ஒரு செம ஐடியா கிடைச்சிருக்கு. நான் அதைப்பற்றி பழைய ஏடுகளைப் புரட்டியபோது இன்னும் நிறைய தகவல்கள் கிடைத்தது. அதை நாம் மன்னரிடம் சொல்ல வேண்டும். சொல்லும்போது எல்லோரும் ஒரே செய்தியைச் சொல்ல வேண்டும்… அது என்ன என்பதை இப்போது நான் சொல்கிறேன்.

( மந்திரி பேசுகிறார் ) 


காட்சி 6

( அரசவை )

மந்திரி 1 : மன்னரே.. நாங்கள் ஒரு மிகச்சிறந்த யோசனையோடு வந்திருக்கிறோம்.  இதை மட்டும் செய்தால் செலவு எக்கச்சக்கமாக குறையும்… கஜனா நிறையும். 

மன்னர் : ம்ம்..முதலில் சொல்லுங்கள். கஜானா நிறைகிறதா.. தலை உருள்கிறதா என பார்ப்போம்… சொல் சொல்..

மந்திரி 1 : கொஞ்சம் வித்தியாசமான யோசனை.. கோபித்துக் கொள்ளாமல் கேட்க வேண்டும்.

மன்னர் : பீடிகை போதும், விஷயத்தைச் சொல்லும்.

மந்திரி 1 : நம் நாட்டிலுள்ள ஆறு கோடி மக்களில் பத்து விழுக்காடு மக்கள் முதியோர்கள்.. அதாவது எழுபது வயது தாண்டியவர்கள். அவர்களுக்கு நாம் ஜீவனாம்சம் கொடுக்கிறோம்

மந்திரி 2 : ஆமா.. அவர்களால் ஒன்றும் செய்ய முடியாது.. நாம் தான் பணம் கொடுக்க வேண்டும்.

மந்திரி 1 : அது தான் விஷயம். ஒண்ணும் செய்ய முடியாதவர்களுக்கு ஜீவனாம்சம் கொடுத்து என்ன பயன் ?

மந்திரி 2 : ஜீவனாம்சம் கொடுக்கலேன்னா கஷ்டப்படுவாங்க மந்திரியாரே…என்ன பிதற்றுகிறீர்.

மந்திரி 1 : அதான் கஷ்டப்படாம அவங்களை தீத்துக் கட்டலாமே ?

மன்னர் : என்ன ? கொலையா ?

மந்திரி 1 : மன்னரே.. நானும் முதலில் அப்படித் தான் பதட்டப்பட்டேன். ஆனால் நேற்று நடந்த ஒரு நிகழ்ச்சி என்னை தெளிய வைத்தது. இது கொலையல்ல…. இது ஒரு மிகப்பெரிய உதவி. 

மன்னர் : என்ன உளறுகிறாய் ?

மந்திரி 1 : அரசே…. காய்க்கவே காய்க்காத தென்னை மரத்தை நாம வெட்றதில்லையா ? பயிருக்கு இடையே சும்மா நிக்கிற களையை நாம புடுங்கறதில்லையா ? எல்லாம் அடுத்த தலைமுறையோட நன்மைக்கு தானே 

மன்னர் : ஏதோ சொல்ல வருகிறீர்கள்.. ஆனா கொஞ்சம் விளக்கமா சொல்லுங்கள்.  

மந்திரி 1 : மன்னரே… இதொண்ணும் புதுசில்ல.. பழைய காலத்துல முதுமக்கள் தாழின்னு ஒரு விஷயம் உண்டு.. ரொம்ப வயசானவங்களை ஒரு பானையில போட்டு மூடி புதைச்சிடுவாங்க….அவங்க அங்கே ஜீவ சமாதி அடைவாங்க… 

மன்னர் : ஆனால்….. இது படுகொலை இல்லையா ?

மந்திரி 1 : இல்லை மன்னா.. இது கருணைக் கொலை… வாழ்வு அவங்களுக்கு சாபம், மரணம் அவங்களுக்கு வரம். நாம அவங்களோட சாபத்தைப் போக்கறோம்.  

மன்னர் : ம்ம்… இது பண்டைக்கால கதை… இப்போதைக்கு அது ஒத்து வருமா ?

மந்திரி 2: மன்னா.. இப்போது தான் நினைவுக்கு வருகிறது.. ஜப்பானிலோ எங்கோ.. இப்படி. முதியவர்களை சுமந்து போய், கொஞ்சம் உணவுப் பொட்டலங்களோடு நடுக்காட்டிலோ, மலையிலோ விட்டு விட்டு வருவார்களாம்.. அவர்கள் அங்கே இறந்து விடுவார்களாம்… 

மன்னர் : ஒ.. அப்படியா… அப்போ இது ஆங்காங்கே நடப்பது தானா ?

மந்திரி 1 : ஹெரூலி இன மக்கள் இயலாத, மற்றும் நோயாளி முதியவர்களை விறகுகளில் போட்டு எரிப்பார்கள் மன்னா,,நமது ஏடுகளில் அதைப்பற்றிய செய்தி உண்டு. 

மந்திரி 2 : இன்யூயிட் எனும் ஒரு இன மக்க ள் முதியோர்களை ஐஸ்கட்டிகளில் படுக்க வைத்து கொன்று விடுவார்களாம் மன்னா.. அதையும் கேள்விப்பட்டிருக்கிறேன்… 

மந்திரி 1 : சார்டியானா இன மக்கள் வயதானவர்களை மலை உச்சியிலிருந்து தூக்கி எறிந்து விடுவார்களாம் மன்னா… அப்படி அவர்களை ஒழித்து விடுகிறார்கள்.

மந்திரி 2 : கெயோஸ் எனும் ஒரு தீவில் முதியோர்கள் தற்கொலை செய்து கொள்ள அவர்களுக்கு அரசே விஷம் கொடுக்கும்..மன்னா… 

மன்னர் : போதும்.. போதும்.. போதும்… ம்ம்ம் உலகெங்கும் மக்கள் முதியோர்களை ஒழித்துக் கட்டுவதில் மும்முரமாய் இருக்கிறார்கள் போல. 
  
மந்திரி 1 : பழைய கழிதலும், புதியன புகுதலும் வழுவல… மன்னா இது தலை சிறந்த யோசனை.. நாங்கள் தலை துறக்காதிருக்க இதை பரிசீலியுங்கள் மன்னா… 

மன்னர் : ஷப்பப்பா…. தமிழ் வாத்தியார் மாதிரி பேசாதீங்க…. சரி, நம்ம நாட்ல உள்ள முதியோர்களுக்காக எவ்ளோ பணம் செலவாகுது. 

மந்திரி 1 : சுமார் 60 இலட்சம் பொன் மாதம் தோறும் செலவாகிறது மன்னா… 

மன்னர் : ஓ… மை காட்.. வருமானமே இல்லாமல் அவ்ளோ செலவு பண்ண முடியாது.

மந்திரி : அப்போ முதியோரை முடிச்சுடலாமா ? நிறைய பணம் சேமிக்கலாம்… அதான் மிகச் சிறப்பான யோசனை மன்னா… 

மந்திரி 2 : ஐடியா நல்லா தான் மன்னா இருக்கு.. நாட்டுக்காக முதியோர்களை பலிகொடுக்கிறது தப்பில்லை தான் இல்லையா… இது வீரத்தின் அடையாளம் தான். ஒருவகையில் இவர்களும் தியாகிகள் தான். 

மன்னர் : ம்ம்ம்.. நீங்கள் எல்லோரும் கருத்துகளை கட்சிதமாய் எடுத்து வைத்தீர்…… .. அப்படியே செய்வோம். நாம நல்ல அரசு.. அதனால அவங்க வலிக்காம சாக ஏதாச்சும்  பண்ணுங்க. 

மந்திரி 1 : மன்னரே… எல்லோருக்கும் ஆளுக்கொரு தியாக உருண்டை கொடுக்கலாம்.. முதியோர்கள் கண்டிப்பா சாப்பிடணும்… கொள்ளை நோய் போயிடும்ன்னு சொல்லுவோம்.. அவங்களும் சாப்டுவாங்க.. அப்புறம் அவங்களுக்கு கொள்ளை நோயே வராது.. ஆளே போனப்புறம் நோய் என்ன நோய்.. ஹி ஹி… பிரச்சினை முடியும்..pls 

மன்னர் : ம்ம்.. அதுவும் நல்ல ஐடியா தான்… அதுக்கு என்ன பண்ணணுன்னு யோசிச்சு வந்து சொல்லுங்க.. 


காட்சி 3

( மன்னர் இரவில் தூங்குகிறார் )


( மன்னரின் மகன் பேசுகிறான் கனவில் ) 

அப்பா… வயசானவங்களை எல்லாம் காலி பண்ண போறீங்களாமே.. சூப்பர் சூப்பர்… அப்போ உங்களுக்கு இன்னும் எத்தனை வருஷம் ? 4 visha உருண்டை உங்களுக்காக எடுத்து வெச்சிருக்கேன்.. ஹா..ஹா.. உங்க எழுபதாவது பர்த்டேக்கு அதான் கிஃப்ட்…  ஐம் வெயிட்டிங்… 

ஹா..ஹா

( மன்னர் திடுக்கிட்டு விழிக்கிறார் )


காட்சி 4

( மன்னரும்.. அவரது   அம்மாவும் )
 
அம்மா : என்னப்பா.. ரொம்ப யோசனையா இருக்கே ? என்னாச்சு ?

மன்னர் : அம்மா, நம்ம அரசவை கஜானா காலி. மக்களுக்கோ வேலையில்லை. ஊரெல்லாம் நோய் இன்னும் ஓஞ்ச பாடில்லை.அதனால மந்திரிகள் எல்லாம் ஒரு யோசனை சொன்னாங்க.. அதன் மூலம் நாட்டைக் காப்பாத்தலாம்… செல்வங்களை சேமிக்கலாம்.. செலவுகளை குறைக்கலாம்.. 

அம்மா : அப்படி என்னப்பா யோசனை.. 

மன்னர் : 70 வயசுக்கு மேலே மக்கள் போக விடாம பண்ணலாம்ன்னு முடிவு பண்ணியிருக்கோம். 

அம்மா : அதெப்படிப்பா முடியும்… வயசு கூடிட்டே போகும்ல  

மன்னர் : 70 ஆனதும் அவங்களை மகிழ்ச்சியா, சந்தோசமா வழியனுப்பி வைப்போம்.. சுவர்க்கத்துக்கு

அம்மா : என்ன சொல்றே ? அவங்களை கொல்ல போறியா ? .. இதெல்லாம் ஒரு யோசனையா ?  ஆலோசனையா ? இது அயோக்கியத்தனம் …  

மன்னர் : என்னம்மா சொல்றீங்க ?

அம்மா : மன்னன் தன்னோட நாட்டு மக்களையே படுகொலை செய்வானா ? 

மன்னர் : படுகொலை இல்ல, கருணைக்கொலை தான்

அம்மா : ம்ம்.. அதுக்கு ஒரு ஃபேன்ஸி நேம்… ஆமா, அவங்க வந்து எங்களை கொலை செய்யுங்கள்ன்னு கேட்டாங்களா ? கருணை காட்டுங்கன்னு கெஞ்சினாங்களா ?

மன்னர் : இல்லை.. இல்ல… 

அம்மா : அப்படி கேட்டா கூட அவங்களை கொல்ற உரிமை உங்களுக்கு இல்லை. மக்களை ஆளும் உரிமை தான் உங்களோடது, அழிக்கும் உரிமை இல்லை. உயிரைக் கொடுப்பதும், எடுப்பதும் கடவுள் மட்டும் தான். நீங்க கடவுளா ?

மன்னர் : இல்லை இல்லை.. நான் கடவுள் இல்லை… நான் அப்படி சொல்லவே இல்லை.

அம்மா : உனக்கொன்னு தெரியுமா ? நீ என் வயித்தில உருவாகும்போ அரண்மனை மருத்துவச்சிங்க குழந்தை சரியா பொறக்காது கொழந்தைக்கு ஆபத்துன்னு சொன்னாங்க.. ஆனா நான் அதை கண்டுக்கல.

மன்னர் : ஓ.. 

அம்மா : அப்புறம் அஞ்சு மாசம் ஆனப்போ நீ பொறக்கிறது என் உயிருக்கே ஆபத்து.. பிரசவத்துல ஆள் காலியாகலாம்னு சொன்னாங்க… நான் கண்டுக்கல.

மன்னர் : என்னம்மா சொல்றீங்க.

அம்மா : ஆமாப்பா. அது மட்டுமா.. பொறந்தப்போ அஞ்சாவது பையனா பொறந்தியா… அஞ்சாவது பையனா பொறந்தா அப்பனை முழுங்கிடும்.. அதனால பையனை கண்காணா தூரத்துல கொண்டு போய் விட்டுடுங்கன்னு அரண்மனை சோதிடர் சொன்னாரு.. நான் அதையும் கண்டுக்கல.

மன்னர் : என்னம்மா.. நீங்க இதெல்லாம் சொன்னதே இல்லையே ?

அம்மா : இதுல சொல்ல என்ன இருக்கு ? ஒரு உயிரை நம்மால உருவாக்க முடியாது, கருவில் தோன்றும் உயிரெல்லாம் கடவுள் கரத்திலிருந்து வருவது.. அது கடைசியில் கடவுளின் கையில் தான் போகணும்.. நாமளா நடுவில வாய்க்கா வெட்டி கடத்த முடியாது.

மன்னர் : நாட்டுமக்களோட நன்மைக்காகத் தான் அப்படி ஒரு முடிவெடுத்தோம். 

அம்மா : சிலரைக் கொன்று சிலரை வாழவைப்பது எப்படி தேச நலன் ? வருமானத்தை அதிகரிக்க ஆயிரம் வழி உண்டு. செலவைக் குறைக்கவும் ஆயிரம் வழி உண்டு. இதை விட்டு விடு. இல்லேன்னா முதல்ல என்னை. கொன்னுடு

மன்னர் : என்னம்மா அபசகுனமா பேசறீங்க

அம்மா ; என்னடா அபசகுனம் ? எனக்கும் எழுபது வயசாகப் போவுது.. என்னையும் சேத்து தானே கொல்லப் போறே… இப்பவே கொன்னுடு… 

மன்னர் : அம்மா.. நான் அப்படி யோசிக்கவே இல்லை… உங்களை எப்படி… 

அம்மா : சட்டம்ன்னா எல்லாருக்கும் பொது தானே… இதெல்லாம் மஹா பாவம்ன்னு மட்டும் தெரிஞ்சுக்கோ..

மன்னர் : பாவமா ? அதெங்கே படிச்சீங்க ?

அம்மா : பைபிளில் படிச்சிருக்கேன். நாம் பிறக்கும் முன்னே நம்மை அறிந்தவர் கடவுள். நாம் இறந்த பின்னும் நம்மை அறிபவர் கடவுள். நம்ம சொந்த உயிரைக் கூட நாம கொல்ல முடியாது.. அது பாவம்..

மன்னர் : யூ மீன்.. தற்கொலை பாவம் ?

அம்மா : கண்டிப்பா… உங்க கிட்டே வளத்தச் சொல்லி ஒரு புறாவைக் கொடுத்தா அதை வறுத்து சாப்பிடுவீங்களா ? 

மன்னர் : நோ..நோ.. அந்த மன்னர் நான் இல்லை… அது வேற ஒருத்தன்.. நான் கவனமா வளர்த்து, திரும்ப கொடுப்பேன்

அம்மா : அப்படி தான், உயிரும் உங்க கிட்டே கடவுள் கொடுத்திருக்காரு.. நல்ல முறையில வளர்த்து பாதுகாக்கணும். அவர் வந்து எடுத்திட்டு போகும் வரை வெயிட் பண்ணணும்.

மன்னர் : ஓ.. இப்போ புரியுது.. நான் ஒரு மங்குனி மன்னரா இருந்திருக்கேன்.

அம்மா : அவசரமா முடிவெடுத்து, நிதானமா வருந்தாம இருந்தியே.. அதுவே சந்தோசம் தான்

மன்னர் : ம்ம்.. இப்போ என்ன பண்ணலாம்.

அம்மா : முதல்ல அந்த திட்டத்தை நிறுத்த சொல்லுன. மக்களோட செலவை குறைக்க வழி சொல்லு, மக்களோட வரியை இந்த காலத்துல கட் பண்ணு, சலுகைகளை கம்மி பண்ணுங்க, விவசாயத்தை ஃபோக்கஸ் பண்ணுங்க.. எவ்ளோ வழி இருக்கு…

மன்னர் : நன்றிம்மா.. என் கண்ணை தொறந்துட்டீங்க… கருணைக் கொலைங்கற பேர்ல, கருணை இல்லாம கொலை செய்ய இருந்தேன். நல்ல வேளை காப்பாத்தினீங்க.

அம்மா : காப்பாத்தினது நான் இல்லப்பா.. நம்மை உருவாக்கினவரு தான். இந்தா இந்த புக்கை உங்க அரசவையில வெச்சுக்கோங்க.. இயேசுவோட போதனைப்படி அரசாளுங்க, மக்கள் சுபிட்சமா இருப்பாங்க.. 

மன்னர : கண்டிப்பாம்மா… இதை படிச்சு பாத்து புரிஞ்சுக்கறேன்.

அம்மா : ஆங்… அதே போல, இனிமே ஐடியா சொல்லாட்டா தலையை வெட்டுவேன், வாலை வெட்டுவேன்னு பேசாம.. எல்லாருமா சேர்ந்து உக்காந்து யோசிச்சு ஐடியா கண்டுபிடிங்க சரியா ? செலவு குறையணும், வருமானம் அதிகரிக்கணும்..நல்லா யோசிங்க… தலைவர்கள்ன்னா நாட்டு மக்களுக்காக யோசிக்கணும்… 

மன்னர் : சரிம்மா… …ரொம்ப நன்றி…  யாரங்கே. .. பொற்கிழி ஒன்றை அம்மாவுக்குக் கொடுங்கள் 

அம்மா :.. இப்ப தானே செலவைக் குறைக்க சொன்னேன்.. அதுக்குள்ள என்ன பொற்கிழி…பற்கிழி ந்னு… அதெல்லாம் கிழிக்க வேண்டாம்… …  அதெல்லாம் நீயே வெச்சுக்கோ .. மக்களுக்காக செலவு செய் 

மன்னர் : ஹி..ஹி.. பழக்க தோஷம்…போயிட்டு வாங்க.. நன்றி


*

சேவியர் 



- [ ] 
Posted in Articles

உயிர்ப்பின் அனுபவம்

உயிர்ப்பின் அனுபவம்

உயிர்ப்பிக்கும்

*

காட்சி 1

( அஸ்வின் காலையில் பைபிள் படிக்கிறான் )

அஸ்வின் மனதில் : இன்னிக்கு எப்படியாவது ஒருத்தருக்கு நற்செய்தி அறிவிக்கணும். என்ன பண்ணலாம் ? புதுசா ஐடியா பண்ணணும்.. லேட்டஸ்ட் டிரெண்டுக்கு ஏத்தபடி…

ம்ம்.. என்ன பண்ணலாம்… சரி.. பாப்போம். ஏதாச்சும் ஐடியா கிடைக்கும்….

காட்சி 2

( அஸ்வின் – அலுவலகத்தில் )

( அஸ்வினின் நண்பன் சோகமாக உட்கார்ந்திருக்கிறான் )

அஸ்வின் : ஹாய்…. என்னப்பா.. என்னாச்சு

நண்பன் : இல்லடா.. மனசே சரியில்ல… அப்ரைசல் டைம்ல பாத்து நமக்கு ஏதாச்சும் ஆப்பு வைக்கிறாங்களோன்னு பயமா இருக்கு…

அஸ்வின் : என்ன சொல்றே புரியல

நண்பன் : இல்ல, பெர்ஃபாமன்ஸ் சரியில்ல இன்னும் நீ நல்லா இம்ப்ரூவ் பண்ணணும்ன்னு மேனேஜர் சொல்றாரு.

அஸ்வின் : மேனேஜர்ஸ்னா ஒரு ஃபீட்பேக் குடுக்கத் தான் செய்வாங்க… அதுக்கு போய் டென்ஷன் ஆகறே ? என்ன பிரச்சினைன்னு பாத்து சரி பண்ணிக்கலாம்

நண்பன் : உனக்கு ஆபீஸ் பாலிடிக்ஸ் தெரியல. மார்ச் ஏப்ரல்ல உன் கிட்டே இப்படி சொல்றாங்கன்னா உனக்கு மோசமான ரேட்டிங் குடுக்கப் போறாங்கன்னு அர்த்தம். டார்கெட் பண்ணிட்டாங்களோன்னு பயமா இருக்கு..

அஸ்வின் : அப்படியெல்லாம் ஏன் கவலைப்படறே…. நீ நல்ல சின்சியரா வேலை பாக்கறவன் உனக்கு சரியான ரேட்டிங் தான் கிடைக்கும்.

நண்பன் : இல்லடா, ஒரு மன பாரமாவே இருக்கு.

அஸ்வின் : நான் உனக்காக பிரேயர் பண்றேண்டா…. “சுமை சுமந்து சோர்ந்திருப்போரே எல்லோரும் என்னிடம் வாருங்கள், உங்களுக்கு நான் இளைப்பாறுதல் தருவேன்” ந்னு இயேசு சொல்றாரு. நீ அவருகிட்டே ப்ரேயர் பண்ணு.. அவரு உனக்கு நிச்சயம் ஒரு மன நிம்மதி தருவார்.

நண்பன் : என்ன இயேசு, அது இதுன்னு பேசறே ?

அஸ்வின் : இல்லடா.. நீ தேடற நிம்மதி கண்டிப்பா இயேசு தருவார்ன்னு பைபிள் சொல்லுது..

நண்பன் : என்ன மதமாற்ற பிரசங்கமா ? நம்ம ஆபீஸ்லயேவா ?

அஸ்வின் : சே…சே ஏன் அப்படி நினைக்கிறே.. நீ சோர்வா இருந்தே அதான்..

நண்பன் : அந்த கேப்ல உன் கடவுளை விக்க பாக்கறியா ?

அஸ்வின் : ஏண்டா இப்படியெல்லாம் பேசறே.. உன் நல்லதுக்கு தானே பேசறேன்

நண்பன் : நான் ஹைச்.ஆர் கிட்டே கம்ப்ளெயின் பண்றேன். இந்த கிறிஸ்டியன்ஸுக்கே இதான் வேலை. ஏதாச்சும் ஒரு சின்ன இடம் கிடைச்சா போதும் உடனே இயேசு, பைபிள்னு தூக்கிட்டு வந்திடுவாங்க.

அஸ்வின் : சரி விடு.. நான் பேசல

நண்பன் : என்ன பேசல.. உன்னை பத்தி கம்ப்ளெயின் பண்ணி உன்னை வேலையை விட்டே தூக்கறேனா இல்லையா பாரு

அஸ்வின் : ஹேய்.. பிளீஸ் பிளீஸ்.. இனிமே அப்படி பேசவே மாட்டேன். இந்த ஆபீஸ்ல இயேசுங்கற பேச்சையே எடுக்க மாட்டேன். கம்ப்ளெயிண்ட் பண்ணி என் வேலையை கெடுக்காதே பிளீஸ்….

நண்பர் : சரி, நீ என் பிரண்ட் ஆனதால விடறேன்… இனிமே இந்த ஆபீஸ்ல இயேசுங்கற பேச்சை நீ எடுத்தாலே நான் கம்ப்ளையிண்ட் பண்ணிடுவேன். கடுப்படிக்காம போயிடு….

அஸ்வின் : நோ..நோ.. இனிமே பண்ணவே மாட்டேன். பிராமிஸ்

காட்சி 4

(அஸ்வின் தனிமையில் )

சே…. ஆபீஸ்ல நற்செய்தி அறிவிக்கிறதுல ஏகப்பட்ட பிரச்சினை. வேலையை விட்டே தூக்கிடுவாங்க போல… ம்ம்… இனிமே ஆபீஸ்ல இந்த பேச்சையே எடுக்கக் கூடாது. வெளியே பண்ணலாம்…ம்ம் பாப்போம்

ம்ம்ம்.. வெளியே பண்ணினா ஹைச் ஆர் கேள்வி கேக்க முடியாது.. பர்சனல் விஷயம்ன்னு சொல்லிடுவேன்.

காட்சி 5

( TWO PEOPLE NEEDED – Shaun & his brother ? Or John’s son )

( தெருவில் அஸ்வின் )

அஸ்வின் : ஐயா.. இதாங்க ( ஒரு பேப்பர் குடுக்கிறார் )

நபர் 1 : இது என்னது ?

அஸ்வின் : ஐயா.. இது இயேசுவைப் பற்றிய ஒரு பேப்பர்…. இயேசு கேள்விப்பட்டிருக்கீங்களா ? இயேசு நமக்காக இரத்தம் சிந்தி உயிர்விட்ட கடவுள். அவரை நம்பினா நாம நித்திய வாழ்வை பெறலாம்

நபர் : நித்திய வாழ்வுன்னா ?

அஸ்வின் : ஐயா.. இந்த உலகத்துல நாம வாழ்றது கொஞ்ச காலம் தான். அதுவும் இந்த கோவிட் காலத்துல எப்ப மரணம் வரும்னே தெரியல. ஆனா அதுக்கு அப்புறம் நம்ம வாழ்க்கை கடவுளோட நிலையானதா இருக்கணும்.

நபர் : ஓ.. அதுக்கு என்ன பண்ணணும்

அஸ்வின் : இயேசுவை நம்பணும். அவர் நமக்காக மரித்து உயிர்த்தாருங்கறதை நம்பணும். இயேசுவே நான் பாவி, என்னை மன்னிச்சுடுங்க. என்னை உங்க பிள்ளையா ஏத்துக்கங்கன்னு கேக்கணும்

நபர் : அவ்ளோ தானா ?

அஸ்வின் : ஆமா.. அவரை தேடி வரவங்களை அவர் விரட்ட மாட்டாரு அரவணைப்பாரு. அதுக்கு அப்புறம் அவரோட வழியில நடக்கணும்.

நபர் : அவரோட வழின்னா ? அதை எப்படி தெரிஞ்சுக்கறது

அஸ்வின் : அதுக்கு தான் இந்த பைபிள் இருக்கு. இதை படிச்சா இயேசுவோட வழி என்னன்னு தெரியும்

( ஒருவர் வருகிறார் )

( Karen Dad – in Green screen )

( கேமராவை பாத்த மாதிரி பேசணும்… )

நபர் 2 : ஏய். என்ன பண்றே ? என்ன கன்வர்ஷனா ? மதமாற்றமா ? உங்களையெல்லாம் உயிரோடவே விடக்கூடாது

அஸ்வின் : ஐயா.. நான் சும்மா பேசிட்டிருந்தேன்யா,,,

நபர் 2 : சும்மா பேசிட்டிருந்தியா…. நான் கேட்டுட்டு தானே இருந்தேன்.. இயேசுவாம், நித்தியமாம்.. மக்களை குழப்பிட்டே இருப்பீங்களா ? இது எங்க மண்ணு தெரியும்ல….

அஸ்வின் : ஐயா…. அது வந்து..

நபர் 2 : போன் போட்டு எல்லாரையும் வரவழைக்கிறேன்.. வந்தேறி மதத்தோட தெனாவெட்டைப் பாரு…. இன்னிக்கு உனக்கு சங்கு தான். எங்கே வந்து என்ன பண்றே நீ…

அஸ்வின் : ஐயா.. என்னை விட்டுடுங்க பிளீஸ்.. இனிமே நான் இப்படி பண்ணவே மாட்டேன் பிளீஸ்… பிளீஸ்…

நபர் 2 : இப்படியெல்லாம் நடிச்சா விட்டுடுவோமா…

அஸ்வின் : இனிமே கண்டிப்பா இப்படி பண்ண மாட்டேன்.. பிளீஸ்…

நபர் 2 : சரி சரி… எத்தனை பேரை கொளுத்தினாலும் , எத்தனை சர்ச் இடிச்சாலும் நீங்கல்லாம் திருந்த மாட்டீங்களா…. ஓடு… ஓடு… இனிமே ஒரு தடவை உன்னை எங்கேயாச்சும் பாத்தேன்.. காலி பண்ணிடுவேன்..

அஸ்வின் : (பயத்துடன் ஓடுகிறான் )

காட்சி 6

( ONE PERSON – Sweetlyn Son )

( அஸ்வின் நண்பனுக்கு போன் பண்ணுகிறான் )

அஸ்வின் : ஹாய்.. எப்படிடா இருக்கே

நண்பன் 2 : நல்லா இருக்கேண்டா.. என்ன மேட்டர் ?

அஸ்வின் : இல்லடா… எப்படியாவது நற்செய்தி அறிவிக்கணும்ன்னு பாக்கறேன்.. ஆனா முடிய மாட்டேங்குது

நண்பன் 2 : என்னாச்சு

அஸ்வின் : மிரட்டறாங்க.. துரத்தறாங்க…. ஒரு காலத்துல சுதந்திரமா பேசிட்டிருந்தோம்.. இப்போ பேசவே பயமா இருக்கு. எல்லா இடங்கள்லயும் மிஷனரி பணிக்கு எதிர்ப்பு தான்.

நண்பன் 2 : ம்ம்.. அதுக்கு ஒரு வழி இருக்கு

அஸ்வின் : என்ன வழி ?

நண்பன் 2 : ஒரு ஆன்லைன் சானல் ஆரம்பிச்சு, நற்செய்தி அறிவி.. நானும் ஒரு குக்கிங் சேனல் ஆரம்பிச்சேன்…. அது இன்னிக்கு செம பாப்புலர்டா….

அஸ்வின் : சமையல் சேனலா ?

நண்பன் : ஆமாடா எனக்கு சமையல் பாத்திரங்களோட பழக்கம், உனக்கு கதாபாத்திரங்களோட பழக்கம். நான் இதை பண்றேன், நீ அதை பண்ணு. இண்டர்நெட் மிஷனரில ரிஸ்க் இல்லை.

அஸ்வின் : ஓக்கே….ஓக்கேடா…. தட்ஸ் எ குட் ஐடியா.. பாப்போம்.

காட்சி 7

( ஒரு சேனல் வழியாக நற்செய்தி அறிவிக்கிறான் )

அஸ்வின் : இன்னிக்கு நாம இயேசு சொன்ன இரண்டு கட்டளைகள் பற்றி பேசப் போறோம். இயேசு , கிறிஸ்தவத்தின் போதனைகளை எல்லாம் சுருக்கி இரண்டு கட்டளையா குடுத்தாரு. எல்லாவற்றுக்கும் மேலாக கடவுளை நேசி, தன்னைத் தான் நேசிப்பது போல பிறரையும் நேசி. இது தான் அந்த இரண்டு கட்டளைகள்……

நிறைய கமெண்ட் வந்திருக்கு, பரவாயில்லை.. குட் குட்

( சில நாட்களுக்குப் பின் )

என்ன ஒரு மிரட்டல் கடிதம் வந்திருக்கு.

‘உன் சானலை சைபர் கிரைமுக்கு குடுத்து டிராக் பண்ணப் போறேன். பாரின் மணி உனக்கு வருது. மதமாற்றத்துக்கும், மத கலவரத்துக்கும் தூண்டற மாதிரி நீ போஸ்ட் போடறே. இன்னும் கொஞ்ச நாள்ல உன் குடும்பத்தையே ஜெயில்ல தள்ளலேன்னா பாத்துக்கோ

அஸ்வின் : ஓ.. மை காட்.. இதுலயும் பிரச்சினையா… இதையும் மூடி வைக்க வேண்டியது தான்.

( சானலை குளோஸ் பண்ணுகிறான் )

காட்சி 8

( அம்மா & அஸ்வின் )

அஸ்வின் : அம்மா…. சுவிசேஷத்தை அறிவிக்கிறது எவ்ளோ பெரிய சவால் இல்ல ? எப்படி தான் பழைய காலத்துல மிஷனரிகள் வந்து வேலை பாத்தாங்களோ

அம்மா : அது எல்லாம் ஒரு பெரிய அர்ப்பணம்பா… கடவுளோட அழைப்பு. அந்த அழைப்பு இருந்தா எப்படிப்பட்ட சவாலையும் தாண்டிடுவாங்க.

அஸ்வின் : ம்ம்… நானும் எப்படியாவது நாலுபேருக்கு இயேசுவைப் பத்தி சொல்லணும்ன்னு பாத்தேன். ஆபீஸ்ல சொன்னா வேலையை காலி பண்ணிடுவேன்னு சொல்றாங்க, ரோட்ல சொன்னா ஆளையே காலி பண்ணிடுவேன்னு சொல்றாங்க, டிஜிடல்ல சொன்னா குடும்பத்தையே காலி பண்ணிடுவேன்னு சொல்றாங்க…

அம்மா : பயமுறுத்துறவங்க பயமுறுத்த தான் செய்வாங்க.. அதைக் கண்டு பயப்படாம பணி செய்யணும். அதுக்கு ஒரு விஷயம் ரொம்ப முக்கியம்

அஸ்வின் : என்னம்மா ?

அம்மா : நீ போற வழியில ஒரு நரி உன்னை பாத்து ஆக்ரோஷமா முறைச்சா நீ பயப்படுவியா ?

அஸ்வின் : கண்டிப்பா… பயந்து நடுங்கிடுவேன்

அம்மா : ஒருவேளை நீ ஒரு சிங்கத்தைக் கூட்டிட்டு போனா , அந்த நரியைப் பாத்து பயப்படுவியா ?

அஸ்வின் : எதுக்கு பயப்படணும் ? சிங்கம் இருக்கும்போ என்ன கவலை

அம்மா : அது தான் விஷயம். நீ நற்செய்தி அறிவிக்க போகும்போ சிங்கத்தைக் கூட்டிட்டு போணும்….

அஸ்வின் : சிங்கத்தையா… ? சிங்கத்துக்கு நான் எங்க போவேன்… சிங்கமே என்னை காலி பண்ணிடுமே..

அம்மா : நம்மளை காலி பண்ணாம பாதுகாக்கற சிங்கத்தோட தான் நீ போணும்…

அஸ்வின் : அதென்ன சிங்கம் ? சர்க்கஸ் சிங்கமா

அம்மா : இல்லை, யூதாவின் சிங்கம்… அதான் இயேசு ! நீ இயேசுவோட போனேன்னா எல்லா எதிர்ப்பையும் சமாளிக்கிற தைரியம் கிடைக்கும்.

அஸ்வின் : அது எப்படிம்மா.

அம்மா : இயேசுவே சொன்னாரு, இதோ உலகம் முடியும் வரை எந்நாளும் நான் உங்களோடு இருக்கிறேன். அதனால போய் நற்செய்தியை அறிவியுங்கள்ன்னு…

அஸ்வின் : ம்ம்…

அம்மா : விண்ணுலகிலும் மண்ணுலகிலும் அனைத்து அதிகாரமும் எனக்கு அருளப்பட்டிருக்கிறது – அதனால போய் நற்செய்தியை அறிவியுங்கள் ந்னு சொன்னாரு. எல்லா அதிகாரமும் இயேசுவிடம் இருக்கு. அதனால இயேசுவோட போனா நமக்கு எந்த கவலையும் இல்லை

அஸ்வின் : ம்ம்.. புரியுதும்மா.. நானும் பிரேயர் பண்ணிட்டு தான் போரேன்.. பட்.. அந்த பயம் போக மாட்டேங்குது.

அம்மா : நல்லா பிரேயர் பண்ணுப்பா… உயிர்த்த இயேசுவின் அனுபவம் உனக்கு கிடைக்கும்… கடவுள் வழி காட்டுவார்.. அவரு உன் கூட பேசுவாரு , நேரடியாவோ, ஒரு செய்தி மூலமாவோ, ஒரு கனவு மூலமாவோ உன் கிட்டே அவரு பேசுவாரு

காட்சி 9

( அஸ்வின் ப்ரேயர், பைபிள் ரீடிங் )

காட்சி 10

( ONE PASTOR – Xavier )

( அஸ்வின் ஈஸ்டர் சர்வீஸ் அட்டண்ட் பண்ணுகிறான் )

பாஸ்டர் : இன்னிக்கு நமக்கு ஈஸ்டர் விழா. மகிழ்ச்சியின் விழா.

சிலுவை இயேசுவின் அன்பின் அடையாளம்.

உயிர்ப்பு, விண்ணக திறப்பின் அடையாளம்.

சிலுவை அர்ப்பணிப்பின் அடையாளம்

உயிர்ப்பு நம்பிக்கையின் அடையாளம்.

ஆதாமின் வாழ்வின் மூலமாக வந்தது சாவு. இயேசுவின் சாவின் மூலமாக வந்தது வாழ்வு.

இயேசு எவ்வளவோ பெரிய செயல்கள் எல்லாம் செய்தாலும், இயேசுவின் மரணம் அவர்களை நிலை குலைய வைத்தது. ஓடி ஒளிஞ்சாங்க. இயேசுவோட உயிர்ப்பைக் கண்டபிறகு தான் உற்சாகம் அடைஞ்சாங்க. இருந்தாலும் கல்லறை திறக்கப்பட்ட பிறகு கூட, கதவை அடைச்சிட்டு இருந்தாங்க. அவர்களை இயேசு சந்தித்தார். உயிர்ப்பின் அனுபவம்.

கோழைத்தனத்திலிருந்து துணிச்சலுக்கு

இருளிலிருந்து வெளிச்சத்துக்கு

பயத்திலிருந்து தைரியத்துக்கு

குழப்பத்திலிருந்து தெளிவுக்கு

நம்பிக்கையின்மையிலிருந்து நம்பிக்கைக்கு

இயேசு நம்மோடு இருக்கிறார் என நம்புவதும்,

தூய ஆவி நம் உள்ளத்தில் இருக்கிறார் என்பதை நம்புவதும் தான் மிக முக்கியம்.

அது இல்லையேல் நமக்கு துணிச்சல் பிறக்காது. அது தான் நம்மை நற்செய்தியாளர்களாக மாற்றும்.

காட்சி 11 அ

( அஸ்வின் சிந்திக்கிறான் )

நான் தனியா போய் இயேசுவை அறிவிக்க முடியாது, இயேசுவோட போய் தான் இயேசுவை அறிவிக்கணும். ம்ம்ம்ம்

இயேசுவே.. நான் என்ன பண்ணணும்ன்னு எனக்கு சொல்லுங்க.. உமது உயிர்ப்பின் அனுபவத்தை எனக்கும் தாருங்க.

காட்சி 12

( கனவு )

நீ நடக்க வேண்டிய வழியை உனக்குக் காட்டுவேன். உன் மேல் என் கண்ணை வைத்து உனக்கு ஆலோசனை சொல்லுவேன்… நான் உன்னை விட்டு விலகுவதில்லை.

( எழும்புகிறான் )

இயேசுவே… நீர்… நீர் என்னோடு பேசினீர்… நன்றி இயேசுவே… இனி நீர் என்ன சொல்கிறீரோ அப்படியே செய்கிறேன்.

காட்சி 12 ஆ

( அஸ்வின் & அம்மா )

அஸ்வின் : அம்மா, என் கூட கடவுள் பேசினாரும்மா. ஒரு செய்தி மூலமா பேசினாரு, அப்புறம் அதை உறுதிப் படுத்தற மாதிரி கனவுலயும் பேசினாரும்மா…. எனக்கு இப்போ ஒரு உற்சாகம் வந்திருக்கு

அம்மா : ரொம்ப சந்தோசம் தம்பி. ஆனா ஒண்ணு மட்டும் ஞாபகம் வெச்சுக்கோ, கடவுள் நம்ம கூட இருக்கும்போ பிரச்சினைகள் வராதுன்னு நினைக்காதே. வரும், நிறையவே வரும். ஆனா அதையெல்லாம் சமாளிக்கிற வல்லமையை கடவுள் தருவாரு.

அஸ்வின் : அது தான் மிகப்பெரிய பலம் மா…

அம்மா : நல்லா பிரேயர் பண்ணிக்கோப்பா…

அம்மா :

காட்சி 13

( அலுவலகம், அதே பழைய நண்பர் )

நண்பர் : என்னப்பா… அஸ்வின் எப்படி இருக்கே ?

அஸ்வின் : இயேசுவோட கிருபையால நல்லா இருக்கேண்டா.. நீ எப்படி இருக்கே ?

நண்பர் : மறுபடியும் இயேசுவா ?

அஸ்வின் : என் வாழ்க்கைல எல்லாத்துக்குமே அவர் தான் காரணம். அதை சொல்ல எனக்கு தயக்கம் இல்லை.

நண்பர் : (நக்கலாக ) புரமோஷன் வருதா உனக்கு இந்த தடவை

அஸ்வின் : இயேசுவுக்கு விருப்பம் இருந்தா தருவாரு, இல்லேன்னா தரமாட்டாரு. எது நமக்கு நல்லதுன்னு அவருக்கு தெரியும்.

நண்பர் : ஓ..அப்படியா ? மேனேஜ்மெண்ட் க்கு விருப்பம் இருந்துச்சு.. ஆனா, நீ இயேசு இயேசுன்னு சொன்னதால அதை இல்லாம பண்ணிடறேன்.

அஸ்வின் : வாட் டு யூ மீன்

நண்பர் : நான் இன்னிக்கே ஹைச்.ஆர் கிட்டே கம்ப்ளெயிண்ட் பன்ணுவேன். நீ டூ மச்சா போறே. இந்த பேச்சே செம கடுப்பா இருக்கு. இயேசுவாம்.. இயேசு…

அஸ்வின் : நான் எந்த தப்பும் பண்ணல, பட்.. உனக்கு என்மேல அவளோ கோபம்ன்னா.. இயேசுவுக்காக அதை ஏத்துக்க எனக்கு சந்தோசம் தான்.

காட்சி 14

( ONE PERSON – May be we can show back side )

( தெருவில் ஒரு ஏழைக்கு உதவுகிறான் )

ஏழை : நீங்க நல்லா இருக்கணும் தம்பி.

அஸ்வின் : இயேசு எல்லாரையும் நேசிக்கிறார். உங்களையும் நேசிக்கிறார். உங்களுக்கு ஹெல்ப் பண்ண சொல்றார். அதான் பண்றேன். எல்லா புகழும் அவருக்கே சேரட்டும்.

காட்சி 14 அ

( சில நாட்களுக்குப் பின் )

( ONE PERSON – Sudakar )

அஸ்வின் : குட் மார்ணிங் சார்…

மேலதிகாரி : மார்ணிங் எல்லாம் இருக்கட்டும்பா… என்ன நடக்குது ? ஏகப்பட்ட கம்ப்ளெயிண்ட்ஸ் உன் மேல

அஸ்வின் : என்ன கம்ப்ளெயிண்ட் சார்

மேலதிகாரி : பாலிசி வயலேஷன் கம்ப்ளெயிண்ட்.. உனக்கு இந்த வருஷம் புரமோஷன் வரவேண்டியது, இதனால ஸ்டாப் ஆச்சு….

அஸ்வின் : என்ன பாலிசி வயலேஷன் சார் ?

மேலதிகாரி : இயேசு இயேசுன்னு பேசி நீ மக்களை மதம் மாத்த முயற்சி பண்றியாமே, இட்ஸ் எ மல்டி நேஷனல் கம்பெனி. 2 பில்லியன் டாலர் புராஜக்ட்ல நீ இருக்கே… யோசிக்க மாட்டியா ?

அஸ்வின் : சார், அது தப்பான குற்றச்சாட்டு. நான் என்னோட வாழ்க்கைக்குக் காரணம் இயேசுன்னு தான் சொன்னேன். அடுத்தவங்க இயேசுவை ஏத்துக்கணும்ன்னு கட்டாயப்படுத்தல.

மேலதிகாரி : வாட்டெவர்.. ஹைச் ஆர் க்கு கம்ப்ளெயின்ட் போயிருக்கு.. சோ, ஐம் சாரி… இந்த வருஷம் உங்களை பிளாக் லிஸ்ட் பண்ணிட்டாங்க..

அஸ்வின் : தட்ஸ் ஓக்கே சார். எனக்கு புரமோஷன் தரது இயேசு தான், அதை உங்க மூலமா தராருன்னு நான் நம்பறேன். அவரு தரலேன்னா, அது எனக்கு தேவையில்லாததுன்னு நான் புரிஞ்சுக்கறேன்.

மேலதிகாரி : இத பாரு.. நீ நல்லா வளர்ந்து வர பையன். இந்த மாதிரி பேசறதை நிப்பாட்டிட்டு வேலையை பாத்தா கேரியர்ல எங்கயோ போலாம். லுக் அட் மி.. நானும் கிறிஸ்டியன் தான். ஆனா யாருக்குமே தெரியாது. என் ஆபீஸ்ல கூட ஒரு ஜீஸஸ் படம் கிடையாது. பி எ ரோமன் வென் யூ ஆர் இன் ரோம். ஜீசஸையெல்லாம் ஹாலிடேஸ்ல பாத்துக்கோ, அல்லது ஆஃப் ஆபீஸ் அவர்ஸ்ல பாத்துக்கோ…

அஸ்வின் : சாரி… சார்.. இயேசுவை இன்ஸ்டால்மெண்ட்ல நேசிக்க என்னால முடியாது. எனக்கு ஆபீஸ்ல வளர்றதை விட, ஆண்டவர்ல வளர்ரது தான் சார் முக்கியம்.

மேலதிகாரி : இப்படியெல்லாம் பேசினா.. ஐ காண்ட் ஹெல்ப்.. யூ மே கோ…

காட்சி 15

( மறுபடியும் சேனல் ஆரம்பிக்கிறான் )

அஸ்வின் : பேதுரு இயேசுவை மூன்று முறை மறுதலித்தார். இயேசுவை தெரியாதுன்னு சொன்னார். ஆனா இயேசுவை விட்டு விட்டு ஓடிவிடவில்லை. மனம் கசிந்து அழுதார் மீண்டும் இயேசுவிடமே வந்தார். மூன்று முறை மறுதலித்தவர், மூன்று முறை ‘இயேசுவே உம்மை அன்பு செய்கிறேன்’ என்றார்.

ஆனா யூதாஸ் “இயேசுவை எனக்குத் தெரியும்” ந்னு சொன்னான். ஆனா இயேசுவை விட்டு விலகிப் போனான். நாம யாராக இருக்கிறோம் ? முத்தத்தால் காட்டிக் கொடுத்து மொத்தமும் விலகிய யூதாசாகவா ? முற்றத்தில் விட்டுக் கொடுத்து, மீண்டும் அன்புக்குள் வந்து சேர்ந்த பேதுருவாகவா ?

( அஸ்வின் மகிழ்ச்சியாய் புன்னகைக்கிறான் )

காட்சி 17

(* ஒரு போன் வருகிறது )

அஸ்வின் : ஓ…. கோவிட்டா ? வாட்… அவங்க அப்பாவா ? ஐயையோ…. எப்போ ? எனக்கு தெரியவே தெரியாதே… சரி.. நான் போய் பாக்கறேன்… பரவாயில்லை… இந்த டைம்ல போய் பாக்காம எப்ப பாக்கறது ?

காட்சி 18

( அஸ்வின் & அலுவலக நண்பர் )

அஸ்வின் : ஹாய்… எப்படி இருக்கீங்க

நண்பர் : ஹேய்… நீ.. நீங்க என்ன இந்தப் பக்கம்.. உக்காருங்க…

அஸ்வின் : நான் இங்கயே உக்காந்துக்கறேன்.. சோசியல் டிஸ்டன்சிங் வேணும்ல்லயா…. ஐம் வெரி சாரி டு ஹியர் எபவுட் யுவர் பாதர்… எனக்கு தெரியவே தெரியாது.. எப்போ எப்படி ?

நண்பர் : ஒருவாரம் ஆச்சு… அப்பா ஆம்புலன்ஸ் டிரைவரா இருந்தாரு. கொரோனா வேகமா பரவுது போக வேண்டாம்ன்னு சொன்னோம். அவரு தான், இந்த நேரத்துல நிறைய பேரு வேலைக்கு வரதில்லை. மக்களுக்கு ஹெல்ப் பண்ணாம எப்படி இருக்கிறதுன்னு போயிட்டிருந்தாரு.. அப்படி தான்.. அவருக்கு கோவிட் வந்துச்சு… இருந்த பணம் எல்லாத்தையும் செலவு பண்ணி டிரீட்மெண்ட் எடுத்தோம்.. பட் காப்பாத்த முடியல.

அஸ்வின் : ம்ம்ம் ஹி ஈஸ் எ கைண்ட் ஹார்ட்டட் மேன்.. ஐ ரியலி ரெஸ்பெக்ட் ஹிம்… அம்மா எப்படி இருக்காங்க ?

நண்பர் : அம்மாக்கு வீட்ல தான் டிரீட்மெண்ட் குடுக்கிறேன். ஹாஸ்பிடல்ஸ் ல இடம் இல்லை.. அண்ட்.. ஃபைனான்சியலாவும் கொஞ்சம் ஸ்றகிள் ஆயிடுச்சு… அப்பாக்கு எல்லாத்தையும் செலவழிச்சிட்டோம்… நானும் வீட்ல தான் டிரீட்மெண்ட் எடுக்கறேன்.

அஸ்வின் : ஃபீல் பண்ணாதீங்க.. நான் தெரிஞ்ச டாக்டர் ஒருத்தர் கிட்டே பேசியிருக்கேன்.. அவரு இன்னும் கொஞ்ச நேரத்துல வருவாரு…. ரெண்டு பேரையும் செக் பண்ணுவாரு. அம்மாக்கு ஆக்சிஜன் தேவைப்பட்டா ஹி வில் அரேஞ்ச். ஐ வில் டேக் கேர் ஆஃப் ஆல் த எக்ஸ்பென்சஸ்….

நண்பர் : ரொம்ப நன்றி.. நான் உங்க கிட்டே சொல்லக் கூட இல்லை…. குளோஸ் பிரண்ட்ஸ் ந்னு நினைச்ச யாருமே இந்தப் பக்கம் வரவே பயப்படறாங்க. கம்பெனியும் கை விட்டுச்சு…. வீட்ல போஸ்டர் ஒட்டினதால, இந்த தெருவுலயே மக்கள் அதிகம் வரதில்லை.

அஸ்வின் : கவலைப்படாதீங்க, உங்களுக்கு என்னென்ன தேவையோ அதை நான் பண்றேன். உங்க கூகிள் பே அக்கவுண்ட்ல ஏற்கனவே பணம் அனுப்பியிருக்கேன்

( நண்பர் ஆச்சரியமாய் நிமிர்ந்து பார்க்கிறார் )

அஸ்வின் : அதை வெச்சு தேவையான பொருட்களையெல்லாம் ஆன்லைன்ல ஆர்டர் பன்ணுங்க. இஃப் யூ நீட் மை ஹெல்ப், ஐ கேன் ஆர்டர் பார் யூ..

நண்பர் : அஸ்வின்… உங்களுக்கு எப்படி நன்றி சொல்றதுன்னே தெரியல… இந்த குவாரண்டைன் வீட்ல கூட தைரியமா வந்திருக்கீங்க.. கேக்காமலேயே என்ன தேவைன்னு அறிஞ்சு ஹெல்ப் பண்றீங்க…. ரொம்ப கம்ஃபர்ட்டிங்கா இருக்கு..

அஸ்வின் : லவ் ஈஸ் கிரேட்டர் தேன் லா – இல்லையா ? சோசியல் டிஸ்டன்சிங் மனசுக்கு இருக்கக் கூடாதுல்ல. முகத்துக்கு மாஸ்க் போடலாம் அகத்துக்கு போடக் கூடாதுல்ல . ஒரு நண்பருக்கு கஷ்டம்ன்னா எப்படி என்னால வீட்ல இருக்க முடியும்.

நண்பர் : ஐம் ரியலி டச்ட்.. இப்படி யாருமே இருக்க மாட்டாங்க.

அஸ்வின் : அப்படி இல்லை. நிறைய பேரு இருக்காங்க. ஃபாதர் டேமியன் ந்னு ஒருத்தரு, ஹவாய் தீவுல தொழுநோயாளிகள் மத்தியில அவங்களுக்கு உதவி செய்யப் போனாரு. 18ம் நூற்றாண்டில தொழுநோயாளிகளை எல்லோரும் ஒதுக்கி வெச்சிருந்தாங்க. ஆனா இவரு துணிச்சலா போனாரு. தன் உயிரையே துச்சமா மதிச்சு போனாரு. கடைசியில அவருக்கும் தொழுநோய் வந்து இறந்து போனாரு.

நண்பர் : ஹௌ.. ஹௌ ஈஸ் திஸ் பாசிபிள்

அஸ்வின் : காட்ஸ் லவ். த லவ் ஆஃப் ஜீசஸ். கடவுளோட அன்பை பிறரோட பகிர்ந்து கொள்ளணும்னு நினைச்சா போதும். இயேசு இந்த சூழல்ல நிச்சயமா இப்படித் தான் செய்வாரு. அவரை ஃபாலோ பண்ற என்னையும், அவரோட அன்பு நெருக்கி ஏவுகிறது. அதான் என்னை இயக்குது.

நண்பன் : சாரிடா… என்ன சொல்றதுன்னே தெரியல. … நான் தான் உன்னோட புரமோஷனையே கெடுத்தேன். உன்னோட கடவுளையே வெறுத்தேன். ஆனா நீ, என்னை தேடி வந்து அன்பு செய்யறே….

அஸ்வின் : அதுக்கெல்லாம் ஏன் ஃபீல் பண்றே…. லா ஆஃப் த லேண்டை நாம பாலோ பண்றோம். லா ஆஃப் த லார்டை பாலோ பண்ண வேண்டாமா ? ஜீசஸோட அன்பின் சட்டம் நம்மை சும்மா இருக்க விடாது. ஐம் சாரி…. ஐ நோ யூ டோண்ட் லைக் டு ஹியர் த நேம் ஜீசஸ்.. பட்… ஐ ஏம் நாட் ஏபிள் டு கீப் த குட் நியூஸ் வித் மி.

நண்பன் : நோ..நோ… ஐம் ரியலி இம்ப்ரஸ்ட்…. ஐ வாண்ட் டு நோ தட் ஜீசஸ்… எல்லாரும் வார்த்தையில அன்பைக் காட்டுவாங்க, நீங்க வாழ்க்கைல காட்டறீங்க…. அன்புக்கு மேலா என்ன இருக்கு. பிளீஸ்.. எனக்கு அவரைப் பற்றி சொல்லுங்க. ஐம் ரியலி டச்ட். ஐ ஃபீல் கம்ஃபர்டட்…. இப்படி அன்பே உருவான ஆண்டவரைப் பற்றி அறியாம இருக்கிறது எனக்கு அவமானம்.. பிளீஸ்..

அஸ்வின் : கண்டிப்பா ..எல்லாம் சொல்றேன்… lபிரைஸ் த லார்ட்…

பின் குரல்

தந்தையின் கரத்தைப் பற்றிக் கொண்டிருக்கும் குழந்தை எதைப்பற்றியும் கவலைப்படுவதில்லை. அதே போல தான் நற்செய்தி அறிவித்தலுக்குச் செல்லும் போது இயேசுவின் கரத்தைப் பற்றிக் கொண்டிருப்பதும் அவசியமாகிறது. அதற்கு, நாம் உயிர்த்த இயேசுவின் அனுபவத்தைப் பெறவேண்டும். அர்ப்பணிப்போடும், தாழ்மையோடும், தாழ்பணிந்து வேண்டினால் – இயேசு நம்மை வாழ்வினால் நிரப்புவார். நன்றி

Posted in Articles

லாயல்டி

லாயல்டி

காட்சி 1

( அலுவலகம் )

ஆபீசர் : ( பிரேயர் செய்து விட்டு வேலையை ஆரம்பிக்கிறார். கம்ப்யூட்டரில் வேலை செய்து கொண்டிருக்கிறார் )

ஆபீசர் : ( போனில் கூப்பிடுகிறார் )… ராஜ்… ஒரு நிமிஷம் வாங்க.

ராஜ் : எக்ஸ்கியூஸ்மி… மே.. ஐ .. கம் இன் ?

ஆபீசர் : எஸ் பிளீஸ்… அந்த ஆடிட்டிங் விஷயம் எல்லாம் முடிஞ்சிடுச்சா ? இன்னிக்கு ரிப்போர்ட் அனுப்பணும்

ராஜ் : எஸ் மேம்.. பண்ணியாச்சு

ஆபீசர் : தேங்க்யூ… பிளீஸ் மேக் ஷுயர் இட்ஸ் டன். ஆமா… இந்த மாசம் அன்பு இல்லத்துக்கு பணம் அனுப்பலையா ?

ராஜ் : செக் பண்றேன் மேடம்.. பொதுவா அஞ்சாம் தேதியே அனுப்பிடுவோம்..

ஆபீசர் : இந்த தடவை மிஸ் பண்ணிட்டாங்க போல.. இன்னிக்கே அனுப்பிடுங்க. நம்ம பணத்தை எதிர்பார்த்து அவங்க காத்திருப்பாங்க. பிள்ளைங்களை பசியில தவிக்க விடக்கூடாது… முதல்ல அதை பண்ணுங்க.

ராஜ் : கண்டிப்பா மேம்

ஆபீசர் : ஓக்கே..

( ஆபீசர் வேலையைத் தொடர்கிறார் )

காட்சி 2

( மாலையில் அம்மாவுடன் – மகள் (ஆபீசர் ) )

மகள் : ஷப்பா… டயர்டா இருக்கும்மா… ஒரு காபி கிடைக்குமா…

அம்மா : முதல்ல போய் குளிச்சு ரெடியாயிட்டு வா..

மகள் : ஒரு காபி குடுங்க குடிச்சுட்டே போயிடறேன்… ரொம்ப சோர்வா இருக்கு..

அம்மா : ஆமா.. ஒரு டிரைவரை வெச்சுக்கோன்னு சொன்னா கேக்க மாட்டேங்கறே.. டெய்லி ஒரு மணி நேரம் இந்த டிராபிக்ல டிராவல் பண்ணினா டயர்ட் தான் ஆகும்…

மகள் : இல்லம்மா.. எனக்கு டெய்லி ஒன் அவர் மெதுவா வண்டி ஓட்டிட்டே ஒரு நல்ல கிறிஸ்டியன் மெசேஜ் கேக்கறது ஒரு ரிலாக்ஸ் மாதிரி ஃபீல் பண்றேன். என் டிராவல் டைம் புல்லா கடவுளோட வார்த்தையை கேக்கறது, அவரைப் பற்றிய மெசேஜ் கேக்கறதுன்னு நல்ல யூஸ்புல்லா தான் போவுது.. சோ, டிரைவர் வேண்டாம்.

அம்மா : ம்ம்.. சரி, என்னவோ எல்லாத்துக்கும் ஒரு ஆன்சர் வெச்சிருப்பே.. சரி, நான் காபி போட்டுட்டு வரேன்.. வெயிட் பண்ணு.

காட்சி 3

சில வாரங்களுக்குப் பின்

( ஒருவர் வீட்டுக்கு வருகிறார், ஒரு ஏழை )

நபர் : அம்மா… அம்மா

அம்மா : யாருப்பா.. என்ன விஷயம்

நபர் : அம்மா.. என் பேரு மாரியப்பன்… இந்த எழில்நகர் சேரிப் பகுதில இருக்கேம்மா..

அம்மா : சொல்லுப்பா….

நபர் : அம்மா.. ஒரு ஹெல்ப்…

அம்மா : ( பர்சைத் திறந்து 100 ரூபாய் கொடுக்கிறார் )

நபர் : நோ.. நோ.. வேண்டாம்ம்மா.. பணம் எல்லாம் வேண்டாம்…

அம்மா : பின்ன என்னப்பா ?

நபர் : இங்க ஏதாச்சும் வேலை கிடைக்குமாம்மா… உங்களுக்கு தோட்டம் இருக்கு, தோட்ட வேலை பண்றேன்.. வீடை கிளீன் பண்றேன்… என்ன வேலை வேணும்னாலும் பண்றேன்..

அம்மா : அப்படி ஏதும் வேலை இல்லையேப்பா…. வேற எங்கயாச்சும் கேட்டுப் பாரு

நபர் : நிறைய இடத்துல கேட்டுப்பாத்துட்டேன்… எங்கயும் கிடைக்கல. என் பொண்ணு வேற பத்தாங்கிளாஸ் படிக்கிறா.. நிறைய செலவு இருக்கு.. சமாளிக்க முடியல. ஊர்ல தொழில் இல்லாம இங்க வந்துருக்கோம்.

அம்மா : ம்ம்.. ஆங்.. உனக்கு டிரைவிங் தெரியுமா ?

நபர் : தெரியும்மா.. தெரியும்.. கொஞ்ச நாள் ஒருத்தருக்கு கார் ஓட்டியிருக்கேன்.

அம்மா : அப்போ டிரைவரா ஜாயின் பண்ணிக்கிறியா ? மாசம் பத்தாயிரம் ரூபா தரேன்…. டெய்லி காலைல என் பொண்ணை கொண்டு ஆபீஸ்ல விடணும், ஈவ்னிங் வீட்டுக்கு கூட்டிட்டு வரணும். அப்பப்போ கடைக்கெல்லாம் போணும். சின்னச் சின்ன வேலைகளெல்லாம் செஞ்சு தரணும்…

நபர் : ( மகிழ்ச்சியாக ) கண்டிப்பாம்மா… ரொம்ப நன்றிம்மா.. இந்த உதவியை நான் மறக்கவே மாட்டேன்.

அம்மா : சரிப்பா.. நல்லா ஓட்டுவேல்ல ?

நபர் : நல்லா ஓட்டுவேம்மா….

அம்மா : சரி, அப்போ நாளை காலைல வந்துடுப்பா…

நபர் : ரொம்ப நன்றிம்மா

காட்சி 4

( மகள் சாவியை டிரைவரிடம் கொடுக்கிறார் )

மகள் : வண்டியை கிளீன் பண்ணி வெளியே கொண்டு விட்டுடுப்பா…. பாத்து ஓட்டணும் சரியா…

டிரைவர் : கண்டிப்பாம்மா..

( ஆபீஸ் வாசலில் )

மகள் : பரவாயில்லை.. நல்லா தான் ஓட்டறீங்க… வெயிட் பண்ணுங்க .. என்னோட ஆபீஸ் டைம் முடிஞ்சதும் கால் பண்றேன்.. வண்டியை எடுத்துட்டு வாங்க..

டிரைவர் : சரிம்மா…

காட்சி 5

டிரைவர் : அம்மா… நீங்க கார்ல போடற மெசேஜ் எல்லாம் ரொம்ப நல்லா இருக்கும்மா… ஆனா எனக்கு நிறைய விஷயம் புரியலைம்மா….

மகள் : ஓ.. நீங்களும் கவனிக்கிறீங்களா .. வெரிகுட்…. அப்போ இனிமே உங்களுக்கு புரியற மாதிரி போடறேன்.. இயேசுவைப் பற்றியும், அவரோட வாழ்க்கையைப் பற்றியும் ஆரம்பிப்போம்..

டிரைவர் : சரிம்மா.. ரொம்ப நன்றிம்மா…

மகள் : சரி நாளைல இருந்து ஆரம்பிப்போம்… என் பேகை எடுத்து உள்ளே வைங்க.. நான் தோட்டத்துக்கு போயிட்டு வரேன்.

டிரைவர் : அம்மா… என்னோட பொண்ணுக்கு ஸ்கூல் பீஸ் கட்ட சொல்லியிருக்காங்க… கொஞ்சம் அட்வான்ஸ் பணம் கிடைக்குமா… சம்பளத்துல புடிச்சிக்கலாம்ம்மா

மகள் : எவ்ளோ வேணும் ?

டிரைவர் : ஒரு எட்டாயிரம் ரூபாம்மா

மகள் : ம்ம்.. சரி, அம்மாகிட்டே கேட்டு வாங்கிக்கோங்க… நான் சொன்னேன்னு சொல்லுங்க

டிரைவர் : சரிம்மா

காட்சி 6

( சில வருடங்களுக்குப் பின் )

டிரைவர் : அம்மா… என்னோட பொண்ணுக்கு கல்யாணம் வெச்சிருக்கேம்மா

மகள் : வெரிகுட்ப்பா.. அதுக்குள்ள பொண்ணுக்கு கல்யாண் வயசாச்சா

டிரைவர் : நான் இங்கே வரும்போ பொண்ணு பத்தாங்கிளாஸ்மா.. அஞ்சு வருஷம் ஆயிடுச்சுல்லயா.. கல்யாண வயசு வந்துச்சு…கல்யாணம் பண்ணி குடுத்துட்டேன்னா எனக்கு ஒரு பெரிய நிம்மதி

மகள் : வெரிகுட்பா… வாழ்த்துகள்

டிரைவர் : கொஞ்சம்… பணம் தேவைப்படுதும்மா… நகை வாங்கவும், கல்யாண செலவுக்கும் கையில காசு இல்லை

மகள் : ம்ம்.. அம்மா கிட்டே கேளுப்பா… அவங்க தருவாங்க… எவ்ளோ தேவைப்படுது.

டிரைவர் : ஒரு மூணு இலட்சம் ரூபா தேவைப்படுதும்மா..

மகள் : மூணு இலட்சமா .. என்னப்பா விளையாடறியா..ஒரு பத்தாயிரமோ இருபதாயிரமோ கேப்பேன்னு பாத்தா இலட்சக்கணக்குல கேக்கறே

டிரைவர் : எனக்கு ஊர்ல வேற யாரையும் தெரியாதும்மா

மகள் : அது என் தப்புல்லயேப்பா…. கொஞ்சம் ஏதாச்சும் ஹெல்ப் பண்றேன்.. மத்ததை நீ வெளியே பாத்துக்கோ..

டிரைவர் : சரிம்மா…

காட்சி 6

( ஆபீஸ் )

மகள் வேலை செய்து கொண்டிருக்கிறார்

( போன் அடிக்குது )

ஆபீசர் : சொல்லுங்க ராஜ்…ஆங்.. வாஙக

ராஜ் : ரமேஷ் கன்சல்டன்சில இருந்து மூணு இலட்சம் ரூபா கேஷா குடுத்திருக்காங்க…

ஆபீசர் : ஏன்.. ஏன் கேஷா வாங்கறீங்க.. ஆன்லைன்ல டிரான்ஸ்பர் பண்ண சொல்ல வேண்டியது தானே..

ராஜ் : எப்பவும் அப்படி தான் பண்ணுவாங்க.. இந்த தடவை ஏதோ பிராப்ளம்ன்னு சொல்லி கேஷா குடுத்துட்டு போனாங்க…

ஆபீசர் : நாம கேஷ் டீல் பண்றதே இல்லை.. சரி, ஓக்கே.. என் பேக்ல வை.. நான் அதை எடுத்துட்டு மணி டிரான்ஸ்பர் பண்ணிடறேன்.

ராஜ் : சரிம்மா…. ( பேகில் வைக்கிறார் – கிளம்புகிறார் )

( மாலையில் மகள் பேகை எடுத்துக் கொண்டு கிளம்புகிறாள் )

காட்சி 7

( வீட்டில் காரிலிருந்து இறங்கிறாள் )

மகள் : யப்பா… என் பேகை எடுத்து உள்ளே கொண்டு வை… நான் தோட்டத்துக்கு போயிட்டு வரேன்..

டிரைவர் : சரிம்மா…

( மகள் தோட்டத்துக்கு போகிறாள், பின் வீட்டுக்கு வருகிறாள் )

மகள் : அம்மா.. ஒரு காபி பிளீஸ்

அம்மா : ( குரல் உள்ளேயிருந்து ) முதல்ல போய் குளிச்சிட்டு வா..

மகள் : ஷப்பா…. வர வழியிலயே காபி குடிச்சிட்டு வரணும் போல.

காட்சி 8

( இரவு )

மகள் பேகைப் பாக்கிறார்.. பணம் இல்லை

மகள் : அம்மா, பணத்தை எடுத்தா சொல்றதில்லையா ?

அம்மா : எந்த பணம்ம்மா ?

மகள் : என் பேக்ல இருந்து..

அம்மா : நான் எடுக்கல, என் கிட்டே தான் காசு இருக்கே.. தேவைக்கு

மகள் : அதில்லம்மா.. மூணு இலட்சம் வெச்சிருந்தேன்

அம்மா : மூணு இலட்சமா ? அங்க தான் இருக்கும்.. யாரு வரப் போறா.. நம்ம வீட்ல நாம ரெண்டு பேரும் தான் இருக்கோம்..

மகள் : நல்லா பாத்தேம்மா.. இல்லையே… எங்கயும் எடுத்து வைக்கல… ம்ம்ம்ம் பீரோலயும் பாத்துட்டேன்…

( நடந்ததை நினைத்துப் பார்க்கிறாள் )

ஆபீஸ்ல இருந்து டைரக்டா வீட்டுக்கு தானே வந்தேன்.. பேகை உள்ளே கொண்டு வெச்சேன்…

ஓ.. டிரைவர்… அவர் தானே என் பேகை எடுத்துட்டு வந்தாரு …

மகள் : அம்மா… அந்த டிரைவரை கூப்பிடுங்கம்மா….

அம்மா : டிரைவரா…, உன்னை இறக்கி விட்டுட்டு உடனே போயிட்டாரே..

மகள் : போயிட்டாரா.. என் கிட்டே சொல்லாம போக மாட்டாரே…

அம்மா : ஏதோ அவசரமா போகணும்ன்னு பதட்டப்பட்டுட்டே போனாரு.

மகள் : வழக்கத்துக்கு மாறா.. பதட்டப்பட்டுட்டே போனாரா ? அப்போ… சம்திங் ராங்

அம்மா : என்னம்மா… அவரை சந்தேகப்படறியா.. எவ்ளோ வருஷமா நம்ம கூட விசுவாசமா இருக்காரு… ஒரு அஞ்சு பைசா கூட தப்பா எடுத்ததில்லை

மகள் : அப்போ அவருக்கு பணத்துக்கு தேவை வந்திருக்காதும்மா.. இப்போ தான் அவருக்கு தேவை வருது… காலைல தான் என் கிட்டே மூணு இலட்சம் கேட்டாரு

அம்மா : மூணு இலட்சமா ! ஏன்

மகள் : அவரோட பொண்ணுக்கு கல்யாணமாம்… இப்போ பேக்ல பணத்தை பாத்ததும் சபலம் வந்திருக்கும்.. எடுத்துட்டு எஸ்கேப் ஆயிட்டாரு

அம்மா : சட்டுன்னு அப்படி ஒரு முடிவுக்கு வரவேண்டாம்மா.. எதுக்கும் நீ ஆபீஸ்ல செக் பண்ணு.

( மகள் ஆபீஸில் ராஜ்க்கு போன் பண்ணுகிறாள் )

மகள் : ராஜ்.. நீங்க காலைல எவ்ளோ பணம் குடுத்தீங்க…

ராஜ் : மூணு இலட்சம்மா.. ஏன்ம்மா கம்மியாகுதா

மகள் : நோ..நோ.. எங்கே வெச்சீங்க பணத்தை

ராஜ் : உங்க பேக்ல தாம்மா.. நீங்க தான் கூடவே இருந்தீங்களே.. உங்க முன்னாடி தானே வெச்சேன்.. ஏம்மா.. ஏதாச்சும் பிரச்சினையா ?

மகள் : நோ.. நோ நாளைக்கு சொல்றேன்.

( மகள் அம்மாவிடம் )

மகள் : அம்மா.. அவரு என் கண்ணு முன்னாடி தான் பேக்ல பணத்தை வெச்சாரு. நான் கூட தான் இருந்தேன்… நான் பேகை கார்ல வெச்சேன். அப்புறம் நேரா வீட்டுக்கு வந்தோம். பேகை அவரு வீட்ல வெச்சாரு.. இப்போ சொல்லுங்க..

அம்மா : ஒண்ணு பணத்தை நான் எடுத்திருக்கணும், எடுக்கல. உன் பணம், சோ நீ எடுக்க வேண்டிய தேவை இல்லை… அப்போ மூணாவது டிரைவர் மட்டும் தான்.

மகள் : அவர் நம்பர் குடுங்க

அம்மா : இரு நானே கூப்பிடறேன்.. ( அழைக்கிறார் ) சுவிட்ச் ஆஃப்.

அம்மா : சுவிட்ச் ஆஃப்னு வருது.

மகள் : எஸ்… அவன் தாம்ம்மா… எத்தனையோ கதை படிக்கிறோம். பல வருஷம் கூடவே இருக்கிறவங்க கழுத்தறுக்கிறது. சே… இவரும் அப்படியா…

அம்மா : அவரோட வீடு தெரியுமா ?

மகள் : எனக்கெங்கே தெரியும்.. எழில் நகர் சேரின்னு நீங்க சொன்னீங்க. அட்டையை குளிப்பாட்டி தொட்டில்ல வெச்சா அது போகுமாம் குப்பை தொட்டிக்கு.

அம்மா : ம்ம்ம்..சரி.. டென்ஷன் ஆகாதே என்ன பண்ணலாம் ?

மகள் : எனக்கு இந்த ஏரியா இன்ஸ்பெக்டரை தெரியும். என் கிளாஸ்மேட் தான். மார்ணிங் வரை பாக்கலாம்.. டிரைவர் வரலேன்னா அவர் கிட்டே சொல்றேன்..

காட்சி 9

( காலையில் )

மகள் : பாத்தீங்களா.. அவன் வரல.

( போன் பண்ணுகிறாள்.. சுவிட்ச் ஆஃப் )

இன்ஸ்பெக்டருக்கு போன் பண்ணுகிறாள்.

இன்ஸ் : ஹேய்.. என்னப்பா.. எவ்ளோ நாளாச்சு பேசி… நல்லா இருக்கியா ?

மகள் : ஹேய்… நல்லா இருக்கேன்பா.. ஒரு ஹெல்ப்…

இன்ஸ்பெக்டர் : சொல்லு, என்ன விஷயம் ?

மகள் : வீட்ல ஒரு 4 இலட்சம் களவு போச்சு, டிரைவர் எடுத்திருப்பாரோன்னு ஒரு டவுட்.

இன்ஸ்பெக்டர் : ஓ… அப்படியா… சரி, விசாரிச்சுப் பாப்போம்…. அவரு தான் எடுத்திருப்பாருன்னு தோணுதா…

மகள் : ஆமா.. அவரு தான் எடுத்திருப்பாரு.. வேற வழியில்ல… நல்லா யோசிச்சு பாத்தேன்…

இன்ஸ்பெக்டர் : சரி, அவரோட டீட்டெயில்ஸ் எல்லாம் எனக்கு வாட்சப் பண்ணு, நான் பாக்கறேன். போட்டோ இருக்கா ? இருந்தா ஒண்ணு அனுப்பு.

மகள் : ஓக்கே.. டீட்டெயில்ஸ் வாட்சப் பண்ணி விடறேன்… அவரோட போட்டோ இருக்கு.. அனுப்பறேன்.

காட்சி 10

( ஆபீஸில் )

இன்ஸ்பெக்டர் போன் பண்ணுகிறார்

இன்ஸ் : உங்க டிரைவரை புடிச்சுட்டோம்… விசாரிச்சிட்டிருக்கேன், அதை சொல்லலாம்ன்னு தான் போன் பண்ணினேன்.

மகள் : வெரிகுட்.. புடிச்சுட்டீங்களா.. வெரி குட்.. வெரி குட்… எங்கே இருந்தான்

இன்ஸ் : உங்க வீட்டுக்கு தான் வந்திருக்கான், அம்மா சொன்னாங்க அள்ளிட்டு வந்துட்டேன்

மகள் : வீட்டுக்கு வந்தாரா ?

இன்ஸ் : ஆமா.. எனக்கு எதுவுமே தெரியாது.. அம்மாக்கு எப்பவுமே துரோகம் பண்ண மாட்டேன். என் உயிரை கூட குடுப்பேன்னு திரும்ப திரும்ப சொல்றான்.

மகள் : அப்புறம் ஏன் போன் சுவிட்ச் ஆஃப் ? ஏன் சொல்லாம கொள்ளாம நேத்திக்கு ஓடினாரு ?

இன்ஸ் : வைஃப்க்கு ஒரு ஆக்சிடண்டாம்.. அதான் சீக்கிரம் கிளம்பினான் போல, விசாரிச்சேன்.. அது உண்மை தான். போன் சார்ஜ் இல்லாம ஆஃப் ஆயிடுச்சு, ஆஸ்பிடல் அலஞ்சதுல சார்ஜ் போட முடியலை சொன்னான்

மகள் : இதெல்லாம் நல்லா பிளான் பண்ணுவாங்க…

இன்ஸ் : யா..யா. நான் விசாரிக்கிறேன்.. கொஞ்சம் கழிச்சு கூப்பிடறேன்..

மகள் : ஓக்கே.. ஷுயர்…

( ராஜ் வருகிறார் )

ராஜ் : மே ஐ கம் இன்…

மகள் வாங்க.. ராஜ்.

ராஜ் : மேம்.. பணத்தை பற்றி விசாரிச்சீங்க.. என்னாச்சு மேம்.

மகள் : பணம் மிஸ்ஸிங்… சோ, டிரைவர் எடுத்திருப்பாரோன்னு ஒரு டவுட்… ஹி ஈஸ் இன் கஸ்டடி..

ராஜ் : வாட்.. மிஸ்ஸிங்கா… அது எப்படி மேம்.. எத்தனை வருஷமா உங்க கூட இருக்கான்

மகள் : யா.. யா… நீங்க பேக்ல வெச்ச பணம் பின்ன எங்க போகும் ?

ராஜ் : நான் உங்க முன்னாடி தான் இந்த பேக்ல பணத்தை வெச்சேன்.. ( இன்னொரு பேகை காட்டுகிறார் ) மேம்.. பணம் பேக்லயே தானே இருக்கு

மகள் : வாட்.. இந்த பேக்லயா வெச்சீங்க

ராஜ் : எஸ் மேம்.. இதை தான் நீங்க சொல்றீங்கன்னு நினைச்சேன்.

மகள் : ஓ.. மை காட்.. நீங்க என்னோட ஹேண்ட் பேக்ல வெச்சீங்கன்னு நினைச்சேன். .திஸ் ஈஸ் மை லேப்டாப் பேக்…. ஓ.. தப்பு பண்ணிட்டேன்.

( உடனே போலீசுக்கு போன் பண்ணுகிறாள் )

மகள் : ஹேய்.. அவனை விட்டுடுப்பா… ஒரு சின்ன மிஸ்டேக் நடந்துச்சு. பணம் கிடைச்சுச்சு..

மகள் : சாரி பார் த டிஸ்டர்பன்ஸ்.. பிரீயா இருக்கும்போ வீட்டுக்கு வா.. ஃபேமிலியோட…

காட்சி 11

( வீட்டில் டிரைவரிடம் )

மகள் : ஐம் வெரி சாரி… மாரியப்பன்… பணம் காணோம்ன்னதும் உன்னை சந்தேகப்பட்டுட்டேன்..

டிரைவர் : பரவாயில்லம்மா… யாருன்னாலும் சந்தேகம் வரத் தான் செய்யும்.

மகள் : இல்லப்பா…. எளிய மனிதர்கள், ஏழைகள் ந்னா திருடுவாங்கங்கற ஒரு தப்பான அபிப்பிராயம் பலருக்கும் உண்டு. அது எனக்கும் வந்துச்சேன்னு நினைக்கும்போ கஷ்டமா இருக்கு

டிரைவர் : சூழ்நிலை அப்படிம்மா.. ஆனா நான் என்னிக்கு உங்க வீட்ல வேலைக்கு வந்தேனோ, அன்னிக்கே உங்க குடும்பம் என் குடும்பம் ஆயிடுச்சும்மா.. உங்க குடும்பத்துக்கு எதிரா என் சுண்டு விரலைக் கூட நீட்ட மாட்டேன்.

மகள் : யா… நான் அதை புரிஞ்சுக்காம போயிட்டேன்.

டிரைவர்.: பரவாயில்லம்மா.. நீங்க தான் எனக்கு நிறைய விஷயங்கள் கத்துக்குடுத்திருக்கீங்க. எஜமான விசுவாசம் பற்றி பைபிள் சொல்றதெல்லாம் எனக்கு மனப்பாடமே ஆயிடுச்சு. அதை நான் மறப்பேனா.

மகள் : பைபிளை உன்னை விட பல வருஷம் முன்னாடியே நான் படிக்கிறேன். பட்.. ( தலையை குலுக்குகிறாள் )

டிரைவர் : ஃபீல் பண்ணாதீங்கம்மா.. நான் அதை அப்பவே மறந்துட்டேன்… இதெல்லாம் ஒரு சின்ன விஷயம். சாவியை குடுங்க காரை தொடச்சு வெக்கிறேன்.

மகள் : நீ.. மறுபடியும் வேலைக்கு வரமாட்டியோன்னு நினைச்சேன்.

டிரைவர் : என்னம்மா இப்படி சொல்லிட்டீங்க… நீங்க ரூத் கதையை சொன்னீங்களேம்மா… அதுமாதிரி தான் நானும். உங்க குடும்பம் என் குடும்பம். உங்க ஆண்டவர் என் ஆண்டவர். நான் அதை மீறி போகவே மாட்டேன். கடவுள் தண்டிச்சாலும் நான் அவரை தான் சுத்தி வருவேன். நீங்க தண்டிச்சாலும் நான் உங்களை விட்டு விலக மாட்டேன்.

மகள் : ரொம்ப நன்றிப்பா…. ( பணத்தை கட்டாக அவர் கையில் கொடுக்கிறாள் )

டிரைவர் : இது.. இது .. இது என்னம்மா

மகள் : மூணு இலட்சம் இருக்குப்பா.. பொண்ணு கல்யாணத்தை நல்லா நடத்து. இது வரை என் குடும்பம் உன் குடும்பமா இருந்துச்சு, இன்னில இருந்து உன் குடும்பம் என் குடும்பம்மா..

டிரைவர் : ரொம்ப நன்றிம்மா.. இதை சீக்கிரமே நான் திருப்பி குடுத்துடறேன்ம்மா

மகள் : இல்ல.. இல்ல.. அதெல்லாம் வேண்டாம்… இது என்னோட அன்பளிப்பா இருக்கட்டும்.

பின் குரல்

விசுவாசம் என்பது பிரதிபலன் எதிர்பார்த்து தொடர்வதல்ல. சுயநல சிந்தனைகளோடு நடப்பதல்ல. வாழ்விலும், தாழ்விலும் இணைந்து பயணிப்பது. மகிழ்வின் காலத்திலும், துயரத்தின் காலத்திலும் தொடர்ந்தே நடப்பது. ரூத் தனது மாமியார் நகோமியோடு இணைந்து பயணித்தார். தனது உறவுகளை, நாட்டை, கடவுளை விட்டு விட்டு நகோமியோடு வாழ்ந்தார். இஸ்ரயேயில் கடவுளை தன் கடவுளாய்ப் பற்றிக் கொண்டார். அவரது இதயத்தின் தூய்மையும், அன்பும், கரிசனையும் இறைவனை பிரியப்படுத்தியது. நமது வாழ்க்கையும் இறைவனுக்குப் பிரியமானதாய் மாற வேண்டும். அதற்கான அர்ப்பணிப்பையும் விசுவாசத்தையும் நாம் கொண்டிருக்க வேண்டும்.

நன்றி